كەزدەسۋگە دايىندىق پىسىقتالدى

بۇرناعى كۇنى قازاقستان رەسپۋب­لي­كاسىنىڭ سىرتقى ىستەر ءمينيسترى ەرجان قازىحانوۆ استانادا وتەتىن ۇقشۇ مەملەكەت باسشىلارىنىڭ بەيرەسمي كەزدەسۋى قارساڭىندا وسى ۇيىمنىڭ باس حاتشىسى نيكولاي بورديۋجانى قابىلدادى. اڭگىمە اۋانى بۇگىن بولاتىن جو­عارى دەڭگەيدەگى كەزدەسۋگە دايىن­دىققا ارنالدى. سونىمەن قاتار, ءوڭىر­لىك جانە جاھاندىق ماسەلەلەر بارىسىنا نازار اۋدارىلدى. ءاسى­رەسە, قازىرگى كەزدەگى قاۋىپ-قاتەر­لەر­گە قارسى تۇرۋ باعىتىندا اتقا­رى­لىپ جاتقان جۇمىستارعا قاناعات­تانۋ­شىلىق ءبىلدىرىلىپ, مۇشە مەم­لەكەتتەردىڭ ۇقشۇ شەڭبەرىندە ءاس­كەري جانە ساياسي سالاداعى ءوزارا ىقپالداستىعىن ارتتىرۋ جايى ءسوز بولدى. وسى رەتتە ەلىمىز سىرتقى سايا­سات ۆەدومستۆوسىنىڭ باسشىسى استانا ۇقشۇ-نىڭ قازىرگى زامان قاۋىپتەرىمەن كۇرەسىن جانە جىل سايىن وتكىزىلىپ كەلە جاتقان «كانال», «نەلەگال» جانە «پروكسي» وپەراتسيالارىن وڭ باعالايتىنىن جەتكىزدى. ن.بورديۋجا ءوز كەزەگىندە ۇيىم­دى وڭىرلىك قاۋىپسىزدىكتىڭ كوپفۋنك­تسيالى قۇرىلىمىنا اۋىستىرۋ ونىڭ نورماتيۆتىك-قۇقىقتىق بازاسىن اي­تارلىقتاي كەڭەيتۋگە, سونىمەن ءبىر­گە, وڭ وزگەرىسكە ۇشىراۋىنا ءمۇم­كىن­دىك تۋعىزعانىمەن ءبولىستى. سونداي-اق ۇقشۇ شەڭبەرىندە تەرروريزم مەن ەكسترەميزمگە قارسى كۇرەستەگى ءوزارا ارەكەتتەسۋ ماسە­لە­لەرى بويىن­شا پراكتيكالىق تەتىكتەردى قۇرۋ قاجەتتىگىن دە ەسكەرتە كەتتى. كەزدەسۋ بەيرەسمي بولاتىندىق­تان, وندا ەشقانداي قۇجاتتارعا قول قويىلمايدى. ەسەسىنە جاھاندىق ءجا­نە وڭىرلىك پروبلەمالار بارىسى بو­يىن­شا جان-جاقتى تالقىلاۋلار مەن جارىسسوزدەر ورىن الادى دەپ كۇ­تىلۋدە. باس حاتشى وسى ورايدا بەيرەسمي كەزدەسۋگە قازاقستان, رەسەي, بەلارۋس, تاجىكستان جانە قىر­عىز­ستان پرەزيدەنتتەرى قاتىساتىن­دىعىن العا تارتتى. ال وزبەكستان باسشىسى باسىندا كەلىسىم بەرگەنىمەن, سوڭىنان كەلە المايتىنىن مالىمدەپتى. «ەگەمەن-اقپارات».