فوتو: اقمولا وبلىسىنىڭ اكىمدىگى
قازاقستان رەسپۋبليكاسى پرەزيدەنتىنىڭ كاسىبي سپورتتى كەزەڭ-كەزەڭىمەن كوممەرتسيالاندىرۋ جانە كلۋبتاردىڭ بيۋدجەت قارجىلاندىرۋىنا تاۋەلدىلىگىن ازايتۋ جونىندەگى تاپسىرمالارىن ىسكە اسىرۋ اياسىندا كلۋبتى نەعۇرلىم تۇراقتى قارجىلىق مودەلگە كوشىرۋ ماسەلەلەرى قارالدى.
قورىتىندى بويىنشا «وقجەتپەس» فك قوعامدىق قورىن قۇرۋ جونىندە شەشىم قابىلداندى. قوردىڭ قۇرىلتايشىسى «قازاقستاننىڭ ەڭبەك ەرى» اتاعىنىڭ يەگەرى, «اگروفيرما «رودينا» جشس ديرەكتورى, اقمولا وبلىسىنىڭ قۇرمەتتى ازاماتى, ەلىمىزدىڭ اگرارلىق سەكتورىنىڭ بەدەلدى وكىلدەرىنىڭ ءبىرى يۆان اداموۆيچ ساۋەر بولادى. ول ءوڭىردىڭ اۋىل شارۋاشىلىعى تاۋارىن وندىرۋشىلەرىمەن بىرلەسىپ, اقمولالىق فۋتبولعا جۇيەلى قولداۋ كورسەتەدى.
وسىلايشا, «وقجەتپەس» فك وڭىرلىك بيزنەستىڭ قاتىسۋىمەن جاڭا باسقارۋ مودەلىنە كوشەدى, ال وبلىستا كاسىبي سپورتتى بيۋدجەتتەن تىس قارجىلاندىرۋدىڭ جۇيەلى تەتىگى قالىپتاسادى.
