ونەركاسىپ ءۇشىن بۇل – ابستراكتىلى تۇسىنىك ەمەس. جاۋاپكەرشىلىك, كاسىبي بىلىكتىلىك پەن قاۋىپسىزدىك – ناتيجەگە جەتەلەيتىن كۇن سايىنعى ەڭبەك.
قازاقستاننىڭ جاڭا كونستيتۋتسياسى ادام مەن ونىڭ قۇقىقتارىن مەملەكەتتىك ساياساتتاعى ورتالىق قۇندىلىق رەتىندە ايقىنداپ, وسىعان ەرەكشە ەكپىن تۇسىرەدى. كومپانيا ءۇشىن مۇنىڭ تىكەلەي ءمانى بار.
ەڭبەك ەتۋ قۇقىعى بۇرىنعىدان دا ورنىقتى كونستيتۋتسيالىق نەگىزگە يە بولدى. سونىمەن قاتار جۇمىس ورنىنىڭ ساپاسى, ەڭبەك جاعدايى مەن الەۋمەتتىك تۇراقتىلىق جۇيەلى باسىمدىققا اينالعان ەكونوميكالىق كوزقاراس نىعايتىلدى.
قاۋىپسىز ەڭبەك ەتۋ قۇقىعىنىڭ كونستيتۋتسيالىق تۇرعىدا بەكىتىلۋى دە ماڭىزدى. ەڭبەك قاۋىپسىزدىگى تەك كورپوراتيۆتىك مىندەت قانا ەمەس, مەملەكەت پەن جۇمىس بەرۋشىلەردىڭ تىكەلەي مىندەتىنە اينالىپ وتىر.
جاڭا كونستيتۋتسيادا تابيعاتتى قورعاۋ, جەرگە بارىنشا ۇقىپتى ءارى جاناشىر كوزقاراس تانىتۋ – مەملەكەت پەن ازاماتتاردىڭ جاۋاپكەرشىلىگى ەكەنى ايقىن جازىلعان. الەۋمەتتىك كەپىلدىكتەر – ەڭ تومەنگى ەڭبەكاقى, زەينەتاقىمەن قامسىزداندىرۋ, الەۋمەتتىك وسال توپتاردى قولداۋ – بۇرىنعىدان دا ورنىقتى سيپات الدى. بۇل ءاربىر ەڭبەك ادامىنا قاجەتتى تۇراقتىلىق سەزىمىنىڭ نەگىزى.
جاڭا كونستيتۋتسيا ونىمدىلىك, الەۋمەتتىك جاۋاپكەرشىلىك پەن ادامگەرشىلىك ۇستانىم اراسىنداعى زاماناۋي تەپە-تەڭدىككە نەگىزدەلگەن. ەندىگى جەردە ونىڭ الەۋمەتتىك قانا ەمەس, ەكونوميكالىق ولشەمدەرى دە ايقىن.
ينستيتۋتسيونالدىق ورتانىڭ تۇراقتىلىعى مەن بولجامدىلىعى بيزنەستىڭ دامۋىنا تىكەلەي اسەر ەتەدى. ەكونوميكانى, ينۆەستيتسيالاردى جانە ءوندىرىستى جاڭعىرتۋ, جاڭا جۇمىس ورىندارىن اشۋ ءۇشىن ەڭ الدىمەن مەملەكەتتىك جۇيەنىڭ ۇزاق مەرزىمدى ورنىقتىلىعى قاجەت.
ەكونوميكالىق جاعداي تۇراقتى ءارى بارشاعا تۇسىنىكتى بولعان جاعدايدا كاسىپكەرلەر وسىمگە, كەڭەيۋگە جانە جاڭا شەشىمدەر ەنگىزۋگە ۇمتىلادى. مۇنداي ورتادان كومپانيالار, قىزمەتكەرلەر جانە جالپى مەملەكەت ۇتادى.
ءبىلىم بەرۋ, عىلىم مەن يننوۆاتسيالاردى باسىم باعىتتار رەتىندە بەلگىلەۋدىڭ دە ماڭىزى زور. جاھاندىق باسەكەلەستىك جاعدايىندا ءبىلىم, تەحنولوگيالار مەن ادام كاپيتالى دامۋدىڭ شەشۋشى رەسۋرسىنا اينالىپ وتىر.
كونستيتۋتسيادا عىلىم, عىلىمي شىعارماشىلىق, تەحنولوگيالىق ىلگەرىلەۋ, ەكونوميكانى جاڭعىرتۋ جانە جاڭا سالالاردى قالىپتاستىرۋدىڭ ۇزاق مەرزىمدى نەگىزى رەتىندە تانىلعان.
بۇگىندە ونەركاسىپ, تەحنولوگيالار مەن عىلىم اراسىنداعى ءوزارا بايلانىس بۇرىنعىدان دا ايقىن. يندۋستريانىڭ باسەكەگە قابىلەتتىلىگى يننوۆاتسيالارعا, ينجەنەرلىك شەشىمدەرگە جانە ەلدىڭ عىلىمي الەۋەتىنە تىكەلەي بايلانىستى.
جاڭا كونستيتۋتسيا مەملەكەتتىڭ ۇزاق مەرزىمدى ورنىقتىلىعى ءۇشىن ادام كاپيتالىن دامىتۋدى ستراتەگيالىق تۇپقازىققا اينالدىرادى.
بۇل جاعدايدا رەفەرەندۋم – تەك فورمالدى ءراسىم ەمەس. بۇل ازاماتتاردىڭ ەلدىڭ بولاشاق قۇرىلىمىن ايقىنداۋعا تىكەلەي قاتىسۋ تەتىگى.
ERG-ءدىڭ مىڭداعان ەڭبەك ۇجىمى قازاقستاننىڭ جاڭا كونستيتۋتسياسىنا قاتىستى رەفەرەندۋم وتكىزۋدى قولدايدى جانە بارشاڭىزدى داۋىس بەرۋگە شاقىرادى.
ءبىز بۇگىن قابىلدايتىن شەشىمدەر ەرتەڭگى كەلەشەگىمىزدى قالىپتاستىرادى.
ERG ديرەكتورلارى كەڭەسىنىڭ توراعاسى, باس اتقارۋشى ديرەكتورى شۋحرات يبراگيموۆ
«قازحروم» تۇك» اق
«قازاقستان ءاليۋمينيى» اق
«قازاقستان ەلەكتروليز زاۋىتى» اق
«سوكولوۆ-سارىبايسكوە تاۋ-كەن وندىرىستىك بىرلەستىگى» اق
«شۇباركول كومىر» اق
«ەۆروازيتتىق ەنەرگەتيكالىق كورپوراتسياسى» اق
«قاشار كەنى» اق
«ERG Service» جشس ۇجىمدارى
