تەمىر جولدا تىنىمسىز ەڭبەك

قتج جارتى جىلدىقتىڭ قورىتىندىسىن شىعاردى, بارلىق جوسپارلى كورسەتكىشتەر ارتىعىمەن ورىندالدى «قازاقستان تەمىر جولى» ۇك» اق 2011 جىلدىڭ العاشقى جارتىسىنداعى تەمىر جول كولىگى جۇمىسىنىڭ قورىتىندىسى مەن ەكىنشى جارتى جىلدىققا ارنالعان تاپسىرمالار ءجو­نىندە ۇلكەن كەڭەس وتكىزدى. بەلگىلەنگەن مەرزىمدە كومپانيا بارلىق كورسەتكىشتەر بويىن­شا مىندەتتەمەلەرىن ورىندادى. كولىك جانە بايلانىس قىزمەتكەرلەرى مەرەكەسىنە وسىنداي مول تابىسپەن كەلگەن تەمىرجولشىلار ەل­با­سىنىڭ باستاماشىلىعىمەن اتقارىلىپ جات­قان ۇدەمەلى يندۋستريالىق-يننوۆاتسيالىق باعدارلاماعا دا سۇبەلى ۇلەسىن قوسۋدا. كەڭەستە ايتىلعانداي, بيىلعى جىلدىڭ العاشقى جارتىسىندا تەمىر جولداعى جۇك اينالىمى جوسپارداعى 103,54 ملرد. ت-شم ورنىنا 105,25 ملرد. ت-شم نەتتوعا ورىن­دال­دى. كورسەتكىش وتكەن جىلدىڭ سايكەس مەرزىمىمەن سالىستىرعاندا 2,3 پايىزعا اسىرا ور­ىندالىپ, 2,32 ملرد. ت-شم نەتتو قۇرادى. جولاۋشى اينالىمى ءبىرىنشى جارتى جىل­دىقتا 6,5 ملرد. ج-شم, وتكەن جىلدىڭ سايكەس مەرزىمىمەن سالىستىرعاندا 5,1 پايىزعا جوعا­رىلادى. وتكەن جىلدىڭ وسى ۋاقىتىمەن سالىس­تىر­­عاندا قوزعالىس قاۋىپسىزدىگى كورسەتكىشى ەد­اۋىر جاقسارعانى بايقالدى. تىركەلگەن اقاۋ­لىقتار سانى بويىنشا وتكەن جىلمەن سالىس­تىر­عاندا 23 پايىزعا, ەرەكشە جاعدايلار بوي­ىنشا 50 پايىزعا ازايعان. پويىزداردىڭ قوزعالىس كەستەسىن ورىندا­ۋى 40 پايىزعا جاقسارتىلدى. كومپانيانىڭ ءبىرىنشى جارتى جىلدىق­تاعى تازا پايداسى وتكەن جىلمەن سالىس­تىر­عاندا 39 پايىزعا كوتەرىلىپ, 59 ملرد. تەڭگەنى قۇرادى. ەسەپتى مەرزىمدەگى قور جاساقتاۋ 2010 جىل­مەن سالىستىرعاندا 7 پايىزعا ارتىپ, ول قارجى نەگىزىنەن بولاشاقتىڭ جوبالارىنا ينۆەستيتسيا رەتىندە جۇمسالادى. قازىرگى تاڭدا كومپانيا ۇدەمەلى يندۋس­تريا­لىق-يننوۆاتسيالىق باعدارلاماعا ەنگەن ەكى تەمىر جول جەلىسىنىڭ قۇرىلىسىن جۇزەگە اسى­رۋدا. 2011 جىلعى قازان ايىندا وزەن-ءتۇر­كىمەنستانمەن مەملەكەتتىك شەكارا تەلىمىندە پويىز قوزعالىسىنا جول اشىلسا, جەل­توقساندا جەتىگەن – قورعاس باعدارىندا پوي­ىز قوزعالىسى باستالادى دەپ كۇتىلۋدە. «قازاقستان تەمىر جولى» ۇك» اق ءوزىنىڭ نەگىزگى مىندەتىن اتقارۋمەن قاتار مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسى اياسىنداعى تاپسىرمالاردى ورىنداۋعا, قازاقستاندىق ۇلەستى كوبەيتۋگە, قازاقستاننىڭ كولىكتىك-لوگيستيكالىق الەۋە­تىن ءتيىمدى پايدالانۋعا باسا نازار اۋدارۋدا. ۇدەمەلى يندۋستريالىق-يننوۆاتسيالىق باع­دار­لاما اياسىندا تەمىر جول كولىگى ماشي­نا­سىن جاساۋ جانە دامىتۋ جالعاسۋدا. بيىلعى جىلى پاۆلودار وبلىسىنداعى ەكىباستۇز قا­لاسىندا جىلىنا ءۇش مىڭنان استام ۆاگون شىعاراتىن زاۋىت ىسكە قوسىلدى. جىل اياعىنا دەيىن استانادا «تالگو» جو­لاۋشىلار ۆاگونى شىعارىلا باستايدى. 2012 جىلى جۇك جانە جولاۋشىلار پويىزدارىنا ارنالعان ەلەكتروۆوزدار شىعارىلادى. جۇزە­گە اسىرىلىپ جاتقان جوبالار ارقىلى جىل­جى­ما­لى قۇرامعا سۇرانىستى ءوزىمىزدىڭ ىشكى رەسۋرس ارقىلى ورىنداۋعا قول جەتكىزەمىز. ءۇس­­تىمىزدەگى جىلى كومپانيانىڭ جۇك مۇكام­مال م ۇلىك پاركى 8500 ۆاگونعا تولىعادى. 2011 جىلى كومپانيا جوبالارىنداعى قا­زاق­ستاندىق ءونىم كولەمى 83 پايىزعا جەتكىزىلەدى. قازىرگى تاڭدا قازاقستاندا شاعىن بەكەتتەردەن 100 جاڭا ۆوكزال سالۋ جۇمىسى باس­تالىپ كەتتى. جاڭا جولاۋشىلار ۆاگوندارى «كاسپي» جىلجىمالى قۇرامىندا اتىراۋ – استانا, جوعارى ساپالى الماتى-اتىراۋ, اقتوبە جانە شىمكەنت قالالارىنا قاتىنايدى. قازاقستانداعى تەمىر جول كولىگىن ورتا ازيا ايماعىنداعى كولىكتىك-لوگيستيكالىق حاب رەتىندەگى جارقىن بولاشاق كۇتىپ تۇر. سالادا كادر جانە جاستار ساياساتى, الەۋمەتتىك باعدارلاما بەلسەندى جۇزەگە اسىرىلۋدا. ءۇستى­مىز­دەگى جىلعى التى ايدا ءبىر جارىم مىڭ تە­مىرجولشى بىلىكتىلىگىن جەتىلدىردى. 1700 جوعا­رى جانە ورتا ارناۋلى وقۋ ورنىن بىتىرگەندەر تەمىر جول كولىگى سالاسىنداعى كاسىپ­ور­ىن­دار­دا وندىرىستىك تاجىريبە الماسۋدان ءوتىپ, قىز­مەتكە ورنالاستى. جاستار فورۋمى جەڭىمپاز­دارىنىڭ يننوۆاتسيالىق جوبالارى وندىرىسكە ەنگىزىلۋدە. مەملەكەت باسشىسىنىڭ قازاقستان حال­قى­نا جولداۋىندا اتاپ كورسەتىلگەن «دەنساۋ­لىق» جانە «جاردەم» مەديتسينالىق پويىز­دا­رىنىڭ دارىگەرلەرى 2011 جىلدىڭ ءبىرىنشى جار­تىسىندا الىس ستانتسيالاردىڭ 60 مىڭنان استام تۇرعىندارىنا دارىگەرلىك كومەك كور­سەت­تى. پويىز دارىگەرلەرى التى ايدا 285 185 سىرقات جاندارعا قابىلداۋ وتكىزدى. قازاقستان پرەزيدەنتى نۇرسۇلتان نازار­با­ەۆتىڭ تاپسىرماسى بويىنشا تەمىرجول­شى­لار قىركۇيەك ايىندا ەڭ سوڭعى مەديتسينالىق قۇرالدارمەن جابدىقتالعان «سالاماتتى قا­زاقستان» ءۇشىنشى مەديتسينالىق پويىزىن جىبەرۋدى جوسپارلاپ وتىر. كەڭەس بارىسىندا «قتج» ۇك» اق پرەزيدەنتى كومپانيا الدىنداعى بارلىق تاپسىر­ما­لاردىڭ ويداعىداي ورىندالعاندىعىنا توق­تالدى. ەكىنشى جارتى جىلدىقتا دا تەمىر­جول­شىلار وسى قارقىندى باسەڭدەتپەي قازاقستان تاۋەلسىزدىگىنىڭ 20 جىلدىعىن تولايىم تا­بىس­تارمەن لايىقتى قارسى الۋعا قام جاسالۋدا. نۇرباي ەلمۇرات. استانا.