كوڭىل كوڭىلدەن سۋ ىشەدى

قازاق اقپاراتتىق كەڭىستىگى تاعى ءبىر گازەتپەن تولىقتى. 1959 جىلدان بەرى ءاربىر قازاق وتباسىنىڭ تورىنەن تابىلىپ, سوڭ­عى ءبىر جارىم جىل ىشىندە ءار­تۇرلى جاع­دايعا بايلانىستى جا­بىلۋعا ءماج­­بۇر بولعان «Sport» گازەتى ورىس تىلىندە شىعاتىن «سپورت» اپتال­ى­عىمەن بىرگە قاي­تا شىعا باستادى. قوس گازەتتىڭ دي­رەكتور – باس رە­داك­تورى بەلگىلى قالامگەر, قازاق­ستان رەسپۋبلي­كاسىنا ەڭبەك ءسىڭىر­گەن قايراتكەر نەسىپ ءجۇنىس­باي ۇلى. گازەت اپتاسىنا ءبىر رەت, سەيسەنبى كۇنى استانا قالاسىندا شى­عا­دى. قازاق جانە ورىس ءتىلدى گا­زەت­تەردىڭ ارقايسىسى 8 بەتتەن تۇ­رادى. گازەت­تىڭ تىرناقالدى ءنو­مى­رىندە قىزىق­تى دا تارتىمدى ءدۇ­نيەلەردىڭ جانە ولارعا ساي بەرىلگەن ادەمى سۋرەت­تەر­دىڭ شىق­قا­نىن اتاپ وتۋگە بولا­دى. باسى­لىمنىڭ ءبىرىنشى بەتىندە «سپورت» گازەتىن 1959 جىلى تۇڭ­عىش شى­عارۋ­شى­لار­دىڭ ءبىرى سايىن تۇرسىنوۆ, گرەك-ريم كۇرەسى­نەن وليمپيادا چەم­­پيونى جاقسى­لىق ۇشكەم­پىروۆ­­تىڭ گازەت ۇجىمىنا شى­عار­ماشى­لىق تابىس تىلەگەن ءسۇ­يىن­شى لەبىزدەرى بەرىلسە, ودان كەيىن «تاڭ قال­دىر­عان «تۋر دە فرانس», «قازاق سپور­تى­نىڭ تۇلعالارى» اي­دارىمەن «تاۋ­سوعار», «شيىر­شىق اتقان ءشۇ­مەنوۆ... تاعى ءبىر قارسى­لا­سىنا تاياق جەگىزدى», «ەل سپورتى­نىڭ ەرتەڭى...» ايدارىمەن «اباي­دى وقي­تىن ارۋ قىز», وليم­پياداعا ارنال­عان «تو­عىز جولداما قولدا. وزگەسى ويدا...», «الانيا»... الاڭ بوپ قال­دى» اتتى دۇنيەلەر جا­ريا­­­لانعان. سونىمەن بىرگە «بوكس», «قازاق كۇرەسى», «فۋتبول» ايدارلا­رى­مەن باسقا دا قىزىقتى ماتەريال­داردى وقۋعا بولادى.