ءبىر مانداتقا ءۇش ۇمىتكەر

وتكەن سەنبىدە ورتالىق سايلاۋ كوميسسياسىنىڭ توراعاسى قۋ­اندىق تۇرعانقۇلوۆتىڭ توراعالىق ەتۋىمەن سەنات دەپۋتاتتىعىنا كاندي­دات­تاردى تىركەۋ قورىتىندىلارىنا ارنالعان وتىرىس ءوتتى. وتىرىستا قازاقستان پارلامەنتى سەناتى دەپۋتاتتارىنىڭ ساي­لاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ بارىسى باياندالدى. ق.تۇرعانقۇلوۆتىڭ ايتۋىنشا, بۇل ءىس-شارالاردىڭ كۇنتىزبەلىك جوسپارىنا سايكەس, 29 شىلدە كۇنى كانديداتتاردى تىركەۋ اياقتالسا, تەك اقتوبە وبلىسىندا عانا بۇل جۇمىس 5 تامىزعا دەيىن ءجۇر­گى­زىل­مەك. ورتالىق سايلاۋ كوميسسي­يا­­سى­نىڭ مالىمەتتەرى بويىنشا, پارلامەنت سەناتى دەپۋتاتىنىڭ 16 مان­­­­داتىنا ۇسىنىلعان 96 ءۇم­ىت­كەردەن وبلىستىق, استانا جانە الماتى قالالىق سايلاۋ كو­ميس­­­­سيالارى بارلىعى 52 كان­دي­داتتى تىركەگەن. ەگەر سالىس­تىرمالى ءتۇر­دە قاراي­تىن بولساق, 2005 جى­لى بۇل كور­سەتكىش 47 ادامدى قۇ­راسا, ال 2008 جىلى 50 كانديدات تىركەلىپتى. – ەڭ كوپ ۇمىتكەر قىزىلوردا وبلىسىندا, ياعني 5 ادام تىركەلگەن. اتىراۋ, باتىس قازاقستان, ءوڭتۇس­­تىك قازاقستان وبلىستارى مەن الماتى قالاسىندا 4 ءۇمىت­كەر­دەن, اقمولا, شىعىس قازاق­ستان, جام­بىل, قاراعاندى, قوس­تا­ناي, ماڭ­عىستاۋ, پاۆلودار جانە سولتۇستىك قازاقستان وبلىستارى مەن استانا قالاسىندا 3 ءۇمىت­كەردەن, الماتى وبلىسىندا 2 ءۇمىت­كەر تىركەلگەن», – دەدى ق. تۇرعانقۇلوۆ. بيىلعى جىلى ەلىمىز بويىن­شا ءبىر دەپۋتاتتىق مانداتقا ورتاشا ەسەپپەن العاندا 3 ادامنان كەلىپ وتىر ەكەن. سەنات دەپۋ­تات­تىعىنا قاتىستى ساياسي ناۋقان جاي­لى بايانداي كەلىپ, قۋاندىق تۇرعان­قۇ­لوۆ سايلاۋ ناۋقانىنىڭ قالىپتى جاعدايدا جانە سايلاۋ زاڭى تا­­لاپتارىنا سايكەس ءوتىپ جات­قا­نى­نا توقتالدى. ونىڭ ايتۋىنشا, سايلاۋ ناۋقانى باستالعالى بەرگى مەرزىم ىشىندە وسك-عا سولتۇستىك قازاقستان وبلىسىنان كاندي­دات­تاردى تىركەۋ بارىسىندا زاڭ بۇزۋشىلىق ورىن الدى دەگەن ەكى شاعىم كەلىپ ءتۇسىپتى. الايدا, تەكسەرۋ بارىسىندا شاعىمداردا كور­­سەتىلگەن فاكتىلەر  راستالماعان. 30 شىلدەدەن باستاپ بارلىق ءتىر­كەلگەن كانديداتتار سايلاۋ ال­دىنداعى ۇگىت جۇمىسىنا كىرىسىپ كەتتى. كۇنتىزبەلىك جوسپارعا ءساي­كەس ول 17 تامىز, تۇنگى ساعات 24.00-گە دەيىن جالعاسادى. تەك اقتوبە وب­لى­سىندا عانا كانديداتتاردى ۇسى­نۋ مەن تىركەۋ مەرزىمىنىڭ ۇزار­تى­لۋىنا بايلانىستى ۇمتكەرلەر­دىڭ سايلاۋالدى ۇگىتى 6 تامىز كۇنى باس­تالماق. وسك توراعاسىنىڭ ءسو­زى­نە قاراعاندا, بۇگىندە بارلىق كان­دي­داتتاردىڭ تەڭ جاعدايدا ساي­لاۋ­ال­دى ۇگىت جۇرگىزۋى كەپىلدەن­دىرىلگەن. ماسەلەن, باق ارقىلى ۇگىت جۇرگىزۋ ءۇشىن ءاربىر كاندي­دات­قا رەسپۋب­لي­كا­لىق بيۋدجەتتەن تەلەارنادان 15 مي­نوت, راديودان 10 ءمينوت ءسوز ءسوي­لەۋگە, سونداي-اق مەر­زىمدى باسى­لىم­داردا 0,1 باسپا تاباقتان اس­پاي­تىن كولەمدە ەكى ماقالا جا­ريالاۋعا تەڭدەي قارا­جات بولىنگەن. وتىرىس سوڭىندا «2011 جىل­عى 19 تامىزعا بەلگىلەنگەن قا­زاق­ستان رەسپۋبليكاسى پارلامەنتى سە­ناتى دەپۋتاتتارى سايلاۋىن­دا­عى سايلاۋ بيۋللەتەندەرى تۋرالى» قاۋ­لى قا­بىلداندى. ءلايلا ەدىلقىزى.