قايىرىمدىلىق اكتسياسى باستالدى

كەشە «نۇر وتان» حدپ ورتالىق اپپا­­راتىندا «جاس وتان» جق اتقارۋشى حات­­شى­لىقتىڭ جەتەكشىسى ن.سىدىقوۆ پەن «جاس وتان» جق استانا قالالىق فيليالىنىڭ اتقارۋشى حاتشىسى ا.دوبروۆولسكي الەۋ­مەتتىك از قام­تىلعان وتباسىلارداعى با­لا­لار­عا قاجەتتى مەكتەپ زاتتارىن جيناۋعا ار­نال­­­عان «بالانى مەكتەپكە دايارلايىق!» اتتى رەس­پۋبليكالىق قايىرىمدىلىق اك­تسياسىنىڭ باستالۋىنا وراي بريفينگ وتكىزدى. اتالمىش ءىس-شارا جىل سايىن جاعدايى تومەن وتباسىلاردان شىق­­قان بالالار ماسەلەسىنە قو­عام­نىڭ نازارىن اۋدارۋ, تۇرعىن­داردىڭ وسى ساناتىنا ۇنەمى قول­داۋ كورسەتىپ, كومەك بەرۋ, از قام­تىلعان وتباسى مەن جەتىم با­لا­لارعا كومەكتەسۋگە بيزنەس-قۇرى­لىمدارىن جانە ۇكىمەتتىك ەمەس ۇيىمداردى دەمەۋشىلىككە تارتۋ ماقساتىندا وتكىزىلەدى. بريفينگ وتكىزۋشىلەر وسىنداي وتباسىلار دا بىزبەن قاتار ءومىر ءسۇرىپ وت­ىرعانىن ەسكەرە وتىرىپ, كومەك­تەسۋگە دايىن ازاماتتاردى قالا­لىق ءماسليحات دەپۋتاتتارىمەن, بيزنەس قۇرىلىمىنىڭ باسشىلا­رىمەن, ۇكىمەتتىك ەمەس ۇيىمدار­­دىڭ بەلسەندىلەرىمەن جانە باق وكىلدەرىمەن بىرلەسىپ قولۇشىن بەرۋگە شاقىردى. الەۋمەتتىك از قامتىلعان وت­با­سىلارداعى بالالارعا قاجەتتى مەكتەپ قۇرالدارىن جيناۋعا ار­نالعان «بالانى مەكتەپكە دايار­لايىق!» اتتى رەسپۋبليكالىق قاي­­ىرىمدىلىق اكتسياسى 1-26 تامىز ارالىعىندا بارلىق ءوڭىر­لەردە ءوز جالعاسىن تاپپاق. رەسپۋبليكا بويىنشا كومەكتى قاجەت ەتەتىن, جاعدايلارى جوق وتب­ا­سى­لاردان شىققان مەكتەپ جاسىن­داعى بالالاردىڭ سانى 254235 قۇرايدى. 2010 جىلى وسى اكتسيا بويىنشا «جاس وتان» جق 19325 بالاعا كومەك كورسەتكەن بولاتىن. «ەگەمەن-اقپارات».