كەمشىلىككە كەڭشىلىك بولمايدى

«باتىس ەۋروپا – باتىس قى­تاي» ترانزيتتىك ءدالىزى قۇرىلى­سىن­دا مەردىگەر ۇيىم بولىپ تا­بىلاتىن وڭتۇستىك قازاقستان وب­لىسىنداعى «ازەركوپۋ/تەپە» ءبىر­لەسكەن كاسىپورنىنىڭ نىسا­نىن­دا جۇمىسشىلار كومپانيا باسشىلىعىنا ەڭبەك جاعداي­لا­رىندا ورىن العان كەمشىلىكتەردى اتاپ كورسەتىپ تالاپتار قويعان. ولاردىڭ قاتارىندا جۇمىس­شى­لارعا ەڭبەك كەلىسىم-شارتتارى­نىڭ بەرىلمەۋى, جۇمىس كيىمدەرىمەن قامتاماسىز ەتىلمەۋ, ەڭبەك زاڭدىلىقتارىنىڭ ساقتالماۋى, اۋىز سۋدىڭ ۋاقىتىلى جەتكىزىلمەۋى سياقتى ماسەلەلەر بار. وسى ءجايتتىڭ انىق-قانىعىنا جەتۋدى تىكەلەي قولعا العان «نۇر وتان» پارتياسىنىڭ مۇشەلەرى بۇرمالاۋشىلىقتاردىڭ بار ەكەنىن انىقتادى. وسىعان وراي,  پارتيالىق با­قىلاۋ كوميتەتىنىڭ باسشىلىعى, جەرگىلىكتى اتقارۋ ورگاندارىنىڭ وكىلدەرى جانە  «ازەركوپۋ/تەپە» كومپانياسىنىڭ باسشىلارىنىڭ قاتىسۋىمەن ارنايى كەڭەس ءوت­كى­زىلدى. كەڭەستە ءسوز سويلەگەن «نۇر وتان» حدپ پارتيالىق باقىلاۋ كوميتەتىنىڭ توراعاسى بوران را­حىمبەكوۆ كەمشىلىكتەردىڭ ورىن العاندىعىن اتاپ وتە وتىرىپ, ەگەر ولار تاياۋ ۋاقىتتا جويىل­ماسا كولىك جانە كوممۋنيكاتسيا مينيسترلىگى اۆتوموبيل جولدا­رى كوميتەتى باسشىلىعىنىڭ پار­تيالىق جاۋاپكەرشىلىگى تۋرا­لى ماسەلەنى قاراۋدىڭ كۇن تارتىبىنە قويىلاتىندىعىنا نازار اۋداردى. كومپانيا باسشىلىعى كەمشىلىكتەردى مويىندادى, ءسويتىپ, كە­ڭەس قورىتىندىسىندا  ولاردى 3 تامىزعا دەيىن جويۋ كەرەك دەگەن شەشىم قابىلداندى. «ەگەمەن-اقپارات».