ىسكە قوسىلدى!

اقمولا وبلىسىنىڭ اكىمى سەرگەي دياچەنكونىڭ قاتىسۋى­مەن اشىلعان زامانالىق ەكى بىردەي جاڭا كاسىپورىن ەل يگىلىگىنە قىزمەت ەتە باستادى. كوكشەتاۋ قالاسىنداعى «ASAD company» جشس-ءنىڭ قاعاز سۇلگىلەرى مەن گيگيەنالىق بۇيىمدار زاۋىتىنا جۇرتشىلىق ايرىقشا كوڭىل اۋدا­رىپ وتىر. ماسەلە ونىڭ قازاق­ستاننىڭ سولتۇستىگىندەگى تۇڭعىش ءوندىرىس وشاعى بولۋىندا عانا ەمەس, استانالىق وبلىستىڭ كەز كەل­گەن يندۋستريالىق-يننوۆاتسيا­لىق جوبانى قولعا الۋداعى قا­رىم-قۋاتىنىڭ ارتقاندىعىندا ەكەندىگىن اتاپ كورسەتكىمىز كەلەدى. تولىق كومپيۋتەرلىك جۇيەدەگى جەلىنىڭ تەتىگى ىسكە قوسىلىسىمەن ادەمى ورامداعى بۇيىمدار ءاپ-ءسات­تە مىڭ دانالىق تاقتاشانى تول­تىرىپ تاستادى. «شەتەلدىك وزىق قوندىرعىلار مەن تەحنولوگيانىڭ قايتارىمى (جالپى ينۆەستيتسيا 67,1 ملن. تەڭگە) مولىنان بولا­تىن­دىعى قازىردىڭ وزىندە ايقىن­دالىپ قالدى, دەيدى زاۋىت دي­رەك­تورى اسقار مۋلكين. كاسىپورىن جىلىنا 5,4 ميلليون دانا ءونىم شىعارا الادى. يمپورت الماس­تى­رۋ باعىتىنداعى ۇمتىلىستارى­مىز تا­بىستى بولادى دەگەن ءۇم­ىت­تەمىز. قازىردىڭ وزىندە استانا, پەتروپاۆل, قوستاناي جانە باسقا قا­لا­لارداعى ارىپتەستەرىمىزبەن كە­لىسىم شارت ءتۇزىلدى. جاڭا زاۋىت جوعارى ساپا ءۇشىن كۇرەسەتىنى ان­ىق. ۇج­ىم­داعى 30 ادام بۇل مىندەتتىڭ ۇدە­سىنەن شىعاتىنىنا سەنىمدىمىن». جىل باسىندا, «ەگەمەننىڭ» مەن­شىكتى تىلشىسىمەن سۇحبات بارى­سىن­دا اۋدان اكىمى ەربول ساعديەۆ زەرەندىنى دونور اۋدانعا اينال­دى­رۋدى ماقسات سانايتىندىعىن ايتىپ قالعان. ءوت­كەن جارتى­جىل­دىقتا مۇن­دا قوس بىردەي ءىرى قا­رانى بور­دا­قىلاۋ الاڭى, قۇس فاب­ريكاسى, كلاستەرلىك سيپات­تا­عى ءسۇت ءوندىرىسى كاسىپ­ورنى, كوپ سالا­لى ەگىنشىلىك جۇيەسى قامتاماسىز ەتىلىپ, وننان استام الەۋمەتتىك نى­سان پايدالانۋعا بەرىلدى. بۇگىن اۋدان ورتالىعىندا 335 ميلليون تەڭگەگە سالىنعان جاڭار­تى­ل­عان استىق قا­بىلداۋ پۋنكتىنىڭ قاتار­عا قوسى­لۋى ىسكەر باسشىنىڭ ءسوز ۇدەسىنەن شىعا بىلەتىندىگىن كورسەتەدى. كاسىپورىن باسشىلارىنىڭ اي­تۋىنشا, بۇرىنعى جىلدارى اۋى­سىم ىشىندە نەبارى 300 توننا ءدان وڭدەلسە, قازىر ساعاتىنا 200 تون­نا­لىق كورسەتكىشكە قول جەتكىزۋگە مۇمكىندىك تۋعان. ولار مۇنى كا­نادانىڭ الەمگە ايگىلى «تۆيستەر» فيرماسىنىڭ قۋاتتى 10 قون­دىر­عى­سىنىڭ ورناتىلۋىمەن باي­لا­نىس­تىرادى. «زەرەندى حپپ» جشس سونىمەن قاتار, ءبىر مەزەتتە 14600 توننا استىقتى ساقتاي الادى. سالتانات ۇستىندە ءوڭىر باسشى­سى س.دياچەنكو تاۋەلسىزدىگىمىزدىڭ 20 جىلدىعى مەرەكەسىنە ورايلاس­تىرىلعان شارالاردىڭ اۋقىمىن­دا جارقايىڭ اۋدانىندا تۋبەركۋلەزگە شالدىققانداردى مەدي­تسي­نالىق-الەۋمەتتىك وڭالتۋ ورتا­لى­عى, ساندىقتاۋ اۋدانىنىڭ لەسنوە اۋىلىندا مەكتەپ جاسىنا دەيىنگى بالالاردىڭ شاعىن ورتا­لىعى اشىلاتىندىعىن حابار­لا­دى. ال 11 شىلدە كۇنى جۇرتشى­لىق كوكشەتاۋداعى «RAMADAN­PO» جاۋاپكەرشىلىگى شەكتەۋلى سە­رىك­تەستىگىنىڭ جاڭا ۇن كەشەنىنىڭ ىسكە قوسىلۋىنا قۇتتى بولسىن ايتپاق. جالپى, استانالىق وبلىس ەل­با­سى ن. نازارباەۆتىڭ جوسپار­لان­عان بارلىق تاپسىرمالارىن تا­بىستى ورىنداپ وتىرعانىن اتاپ ءوتۋ كەرەك. ماسەلەن, وتكەن جىلى ۇدەمەلى يندۋستريالىق-ين­نو­ۆا­تسيا­لىق دامۋ باعدارلاما­سى­نىڭ شەڭ­بە­رىندە 15 جوبا ىسكە اسىرىلىپ, بارلىق كاسىپورىندار توقتاۋسىز جۇمىس ىستەپ جاتسا, بيىل «ين­دۋس­تريالاندىرۋ كارتا­سى» بويىنشا 16 كاسىپورىن بوي تىكتەيدى. سونىڭ ىشىندە, العاشقى جارتىجىلدىققا جوسپارلانعان 5 كاسىپورىن ەل يگىلىگىنە قىزمەت ەتۋدە. وبلىستىڭ تازا اگرارلىق باعىتتان اگرارلىق-يندۋس­تريا­لىق الەۋەتى جوعارى­لا­عا­نىن وسىدان دا باعامداۋعا بولادى. باقبەرگەن امالبەك, اقمولا وبلىسى.