وسى ايدا اشىلعان جىلىجايدىڭ قادامى ەستە قالارلىقتاي باستالدى دەپ ايتۋعا بولادى. «قۋاتتى قازاقستاندى بىرگە قۇرامىز» اتتى فورۋم-كورمەدە ەلباسىنا تەلەكوپىر ارقىلى كورسەتىلگەن جاڭا جوبالاردىڭ قاتارىندا ول دا بولدى.
قاراعاندىنىڭ مايقۇدىق اتالاتىن ءبولىگىندە ورىن تەپكەن «Green Technology» جشس قاناتى استىندا 3 گەكتار اۋماقتى قامتىعان جاڭا جىلىجاي جوباسى وبلىستىق اكىمدىك پەن «قازاگروفينانس» ۇلتتىق حولدينگى اراسىندا ورناتىلعان الەۋمەتتىك ءارىپتەستىك ناتيجەسىندە ىسكە اسقان بولاتىن.
اتالعان سەرىكتەستىك ديرەكتورى الەكساندر زابيروۆ ورتاعا سالعانداي مۇندا نەگىزىنەن قيار ءوسىرىلەدى ەكەن. ول وندىرىلە باستاعاننان بەرى 400 تونناسى تۇتىنۋشىلارعا جونەلتىلگەن. جالپى العاندا مەجەنى جىلىنا 2 مىڭ تونناعا جۋىقتاتۋ كوزدەلگەن.
شىندىعىن ايتقاندا قازىر ءوڭىر تۇرعىندارىنىڭ كوكونىستىڭ قاي-قايسىسىنا قولدارى جەتىمدى. تەك قىستا ازايىڭقىراپ, باعاسى كۇرت شارىقتاپ كەتەر شاقتارى بار. بىرىنشىدەن, بۇدان بىلاي قاراي ونىڭ الدى الىناتىن بولسا, سونىمەن بىرگە, وڭتۇستىكتەگى كورشى مەملەكەتتەردەن, قىتايدان جەتكىزىلەتىن ەكولوگيالىق تازالىعى كۇماندىلەۋ, ساپاسى بەيمالىم ءونىمدەردى الماستىرۋعا ىقپالىن تيگىزەدى. بۇل كۇندە قاراعاندىلىقتار سيياقتى استانالىقتار دا دامدىلىگى مەن ساقتالۋى الىستان اكەلىنەتىندەردەن الدەقايدا جوعارى قاراعاندى قيارىن الدىمەن ساتىپ الۋعا ۇمتىلۋى ءوتىمدىلىگىنە جول اشىقتىعىن كورسەتەدى. مۇنىمەن قوسا باعاسى دا كوپشىلىك قالتاسىنا قولايلى. ماسەلەن, ءبىر كيلوسى 130-140 تەڭگەدەن ساتىلىپ ءجۇر.
مايقۇدىقتىقتارعا ءبىر قۋانىشتىسى, وسىندا ەڭبەكتەنۋ ءبىراز تۇرعىنداردى اينالىپ وتكەن جوق. 50-دەن استام ازاماتتىڭ ەندى تۇراقتى جۇمىس ورنى بارى سوعان ايعاق. ال ولاردىڭ دەنى وسىمدىك وسىرۋگە الاقاندارى ايالى قىز-كەلىنشەكتەر.
بۇل جىلىجايدىڭ باستاپقى قادامى سانالادى. الداعى ۋاقىتتا اۋماعىن كەڭەيتىپ, جۇمىس اۋقىمىن ۇلعايتۋعا باعىتتالعان ءىس-شارالار جەتىپ ارتىلادى. سونىڭ ءىشىندە ءونىم تۇرلەرى كوبەيتىلەدى. تاياۋداعى جىلداردا ونى ورتالىق قازاقستان ايماعىنداعى ەڭ ءىرى جىلىجايعا اينالدىرۋ باستى ماقسات.
بۇعان دەيىن بالقاش قىزاناعىمەن, كوكسۋ كارتوبىمەن, قۇلايعىر سابىزىمەن بەلگىلى بولىپ كەلسە, قاراعاندى قيارىمەن ءوڭىر مارتەبەسى كوتەرىلمەك. «Green Technology» وسى جولدا باسەكەلەستەردى ىعىستىرىپ, الىسقا تانىلا الاتىندىعىنا سەنىمدى.
ايقىن نەسىپباي,
قاراعاندى.
قاراعاندىنىڭ مايقۇدىق اتالاتىن ءبولىگىندە ورىن تەپكەن «Green Technology» جشس قاناتى استىندا 3 گەكتار اۋماقتى قامتىعان جاڭا جىلىجاي جوباسى وبلىستىق اكىمدىك پەن «قازاگروفينانس» ۇلتتىق حولدينگى اراسىندا ورناتىلعان الەۋمەتتىك ءارىپتەستىك ناتيجەسىندە ىسكە اسقان بولاتىن.
اتالعان سەرىكتەستىك ديرەكتورى الەكساندر زابيروۆ ورتاعا سالعانداي مۇندا نەگىزىنەن قيار ءوسىرىلەدى ەكەن. ول وندىرىلە باستاعاننان بەرى 400 تونناسى تۇتىنۋشىلارعا جونەلتىلگەن. جالپى العاندا مەجەنى جىلىنا 2 مىڭ تونناعا جۋىقتاتۋ كوزدەلگەن.
شىندىعىن ايتقاندا قازىر ءوڭىر تۇرعىندارىنىڭ كوكونىستىڭ قاي-قايسىسىنا قولدارى جەتىمدى. تەك قىستا ازايىڭقىراپ, باعاسى كۇرت شارىقتاپ كەتەر شاقتارى بار. بىرىنشىدەن, بۇدان بىلاي قاراي ونىڭ الدى الىناتىن بولسا, سونىمەن بىرگە, وڭتۇستىكتەگى كورشى مەملەكەتتەردەن, قىتايدان جەتكىزىلەتىن ەكولوگيالىق تازالىعى كۇماندىلەۋ, ساپاسى بەيمالىم ءونىمدەردى الماستىرۋعا ىقپالىن تيگىزەدى. بۇل كۇندە قاراعاندىلىقتار سيياقتى استانالىقتار دا دامدىلىگى مەن ساقتالۋى الىستان اكەلىنەتىندەردەن الدەقايدا جوعارى قاراعاندى قيارىن الدىمەن ساتىپ الۋعا ۇمتىلۋى ءوتىمدىلىگىنە جول اشىقتىعىن كورسەتەدى. مۇنىمەن قوسا باعاسى دا كوپشىلىك قالتاسىنا قولايلى. ماسەلەن, ءبىر كيلوسى 130-140 تەڭگەدەن ساتىلىپ ءجۇر.
مايقۇدىقتىقتارعا ءبىر قۋانىشتىسى, وسىندا ەڭبەكتەنۋ ءبىراز تۇرعىنداردى اينالىپ وتكەن جوق. 50-دەن استام ازاماتتىڭ ەندى تۇراقتى جۇمىس ورنى بارى سوعان ايعاق. ال ولاردىڭ دەنى وسىمدىك وسىرۋگە الاقاندارى ايالى قىز-كەلىنشەكتەر.
بۇل جىلىجايدىڭ باستاپقى قادامى سانالادى. الداعى ۋاقىتتا اۋماعىن كەڭەيتىپ, جۇمىس اۋقىمىن ۇلعايتۋعا باعىتتالعان ءىس-شارالار جەتىپ ارتىلادى. سونىڭ ءىشىندە ءونىم تۇرلەرى كوبەيتىلەدى. تاياۋداعى جىلداردا ونى ورتالىق قازاقستان ايماعىنداعى ەڭ ءىرى جىلىجايعا اينالدىرۋ باستى ماقسات.
بۇعان دەيىن بالقاش قىزاناعىمەن, كوكسۋ كارتوبىمەن, قۇلايعىر سابىزىمەن بەلگىلى بولىپ كەلسە, قاراعاندى قيارىمەن ءوڭىر مارتەبەسى كوتەرىلمەك. «Green Technology» وسى جولدا باسەكەلەستەردى ىعىستىرىپ, الىسقا تانىلا الاتىندىعىنا سەنىمدى.
ايقىن نەسىپباي,
قاراعاندى.
