ەل جەتىستىگى اتالدى

جەنەۆا قالاسىندا بۇۇ ادام قۇقىقتارى جونىندەگى كوميتەتىنىڭ 102-سەسسياسى ايا­سىندا قازاقستاننىڭ ازا­مات­تىق جانە ساياسي قۇقىقتار جونىندەگى حالىقارالىق پاكتىنى ورىنداۋ بارىسى تۋرالى باياندامانى قورعاۋ ءراسىمى بو­لىپ ءوتتى. بۇل قازاقستاننىڭ 2005 جىلدىڭ قاراشاسىندا قابىلدانعان پاكت راسىمىنە سايكەس العاشقى بايانداماسى بولىپ تابىلادى. بۇۇ ادام قۇقىقتارى ءجو­نىندەگى كوميتەتى قازاق­ستا­ن­دا ادام قۇقىقتارىن قورعاۋ مەن ساقتاۋ بارىسىندا ۇلتتىق تەتىكتەرىن جەتىلدىرۋ جونىندە قا­بىلدانىپ جاتقان شارالار تۋ­رالى جان-جاقتى حاباردار بول­دى. دەلەگاتسيا مۇشەلەرى مەن كوميتەت ساراپشىلارى ارا­سىن­دا سىندارلى سۇحبات ءوربىپ, قا­زاق­ستاننىڭ تاۋەلسىزدىك العان كەزىنەن بەرگى دەموكراتيالىق جانە ساياسي دامۋىنىڭ ماسە­لە­لەرى قارالدى. ساراپشىلار تا­را­پىنان وسى قىسقا تاريحي جىلدار ىشىندە ەلدىڭ وراسان جەتىستىگى, سونىڭ ىشىندە ەكو­نوميكالىق دامۋ, ىشكى ساياسي تۇراقتىلىق, قۇقىقتىق ساياسات سالاسىنداعى رەفورمالار مەن ازاماتتىق قوعام ينستي­تۋت­تارىن نىعايتۋ  بارىسى اتاپ ءوتىلدى. ەلىمىزدىڭ ارنايى دەلە­گا­تسياسى بۇۇ كوميتەتى ءمۇ­شە­لەرىنىڭ بارلىق سۇراقتارىنا تولىققاندى جاۋاپ قايتار­دى. تاياۋ ارادا بۇۇ كوميتەتىمەن پاكت ەرەجەسىن ودان ءارى جۇزەگە اسىرۋ تۋرالى ۇسىنىس شىعارىلاتىن بولادى. «ەگەمەن-اقپارات».