قازاقستان رەسپۋبليكاسى قارجى مينيسترلىگىنىڭ بۇيرىعى №283

2011 جىلعى 30 مامىر,  استانا قالاسى قازاقستان رەسپۋبليكاسىنىڭ كەدەن ورگاندارىنا كونكۋرستىق ىرىكتەۋدەن تىس قىزمەتكە ورنالاسۋ ەرەجەسىن بەكىتۋ تۋرالى قازاقستان رەسپۋبليكاسىنىڭ «قۇقىق قورعاۋ قىزمەتى تۋرالى» 2011 جىلعى 6 قاڭتارداعى زاڭىنىڭ 7-بابىنىڭ 3-تارماعىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ كەدەن ورگاندارىنا كونكۋرستىق ىرىكتەۋدەن تىس قىزمەتكە ورنالاسۋ ەرەجەسى بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى (س.ن.بايماعانبەتوۆ) زاڭنامامەن بەلگىلەنگەن تارتىپپەن قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن قامتاماسىز ەتسىن. 3. وسى بۇيرىق ونىڭ العاش رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر     ب.جامىشەۆ. قازاقستان رەسپۋبليكاسى قارجى ءمينيسترىنىڭ 2011 جىلعى 30 مامىرداعى №283 بۇيرىعىمەن  بەكىتىلگەن قازاقستان رەسپۋبليكاسىنىڭ كەدەن ورگاندارىنا كونكۋرستىق ىرىكتەۋدەن تىس قىزمەتكە ورنالاسۋ ەرەجەسى 1. وسى ەرەجە «قۇقىق قورعاۋ قىزمەتى تۋرا­لى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭى 7-بابىنىڭ 3-تارماعىنا سايكەس ازىرلەنگەن جانە قازاقستان رەسپۋبليكاسىنىڭ كەدەن ورگاندارىنا كونكۋرستىق ىرىكتەۋدەن تىس قىزمەتكە ورنالاسۋ ءتارتىبى مەن شارتتارىن ايقىندايدى. 2. كونكۋرستىق ىرىكتەۋدەن تىس كەدەن ورگان­دارىنىڭ قىزمەتىنە ورنالاسۋعا جۇمىستان شى­عارىلعان, نە تەرىس سەبەپتەرى بويىنشا ءوز وكىلەت­تىكتەرىن توقتاتقان تۇلعالاردى قوسپاعاندا, قۇ­قىق قورعاۋ ورگاندارىنىڭ ءبىلىم بەرۋ ۇيىم­دا­رىندا وقۋ بىتىرگەن تۇلعالاردىڭ, بۇدان بۇرىن قۇقىق قورعاۋ ورگاندارىنىڭ قىزمەتكەرلەرى جانە اسكەري قىزمەتشىلەر, پارلامەنتتىڭ دەپۋتاتتارى بولىپ تابىلعان تۇلعالاردىڭ, ساياسي مەملەكەتتىك قىزمەتكەرلەردىڭ, ءوز وكىلەتتىكتەرىن توقتاتقان سۋديا­لاردىڭ, تەرىس سەبەپتەرى بويىنشا جۇمىس­تان بوساتىلعان نە ءوز قۇزىرەتتەرىن توقتاتقان تۇل­عالاردى قوسپاعاندا جانە ءتيىستى بىلىكتىلىك تا­لاپتارىنا ۇسىنىلعان تۇلعالاردىڭ قۇقىعى بار. 3. قازاقستان رەسپۋبليكاسىنىڭ پارلامەنتى بۇ­رىنعى دەپۋتاتتارىنىڭ, ساياسي مەملەكەتتىك قىزمەتشىلەردىڭ جانە تەرىس سەبەپتەرى بويىنشا جۇمىستان بوساتىلعانداردى قوسپاعاندا ءوز وكىلەت­تىكتەرىن توقتاتقان سۋديالاردىڭ, قۇزىرەت­تەرىن توقتاتقان سۋديالاردىڭ بوس لاۋازىمدارعا ورنالاسۋى كونكۋرستان تىس نەگىزدە دەپۋتاتتىڭ, ساياسي مەملەكەتتىك قىزمەتشىنىڭ نەمەسە سۋديانىڭ وكىلەتتىكتەرى توقتاتىلعان ساتىنەن باستاپ ءبىر جىل ىشىندە جۇزەگە اسىرىلادى. 4. وسى ەرەجەنىڭ 2-تارماعىندا تىزبەلەنگەن تۇلعالار كەدەن ورگاندارىنا كونكۋرستىق ىرىكتەۋدەن تىس قىزمەتكە قابىلداۋ تۋرالى وتىنىشتەرىن ۇسىنادى. 5. كانديداتتى كونكۋرستىق ىرىكتەۋدەن تىس قىزمەتكە قابىلداۋ تۋرالى شەشىمدى قابىلداعان كەزدە تاعايىنداۋ بولجامدانىپ وتىرعان كەدەن ورگانىنىڭ نەمەسە قۇرىلىمدىق بولىمشەنىڭ باسشىسى ونىمەن جەكە سۇحباتتاسۋدى جۇرگىزەدى جانە الداعى ۋاقىتتاعى جۇمىستىڭ سيپاتىن جانە لاۋازىم بويىنشا لاۋازىمدىق مىندەتتەردى تۇسىندىرەدى. 6. سۇحباتتاسۋدى وتكىزگەننەن كەيىن كادر ءبولىم­شەسىندە كانديدات كادرلاردى ەسەپكە الۋ بويىنشا جەكە پاراقتى, بەلگىلەنگەن ۇلگى بويىن­شا ەگجەي-تەگجەيلى ءومىرباياندى تولتىرادى جانە كەلەسى قۇجاتتاردى – ەڭبەك كىتاپشاسىن (بار بولسا), اسكەري بيلەتىن نەمەسە اسكەرگە شاقىرىلاتىن ۋچاسكەسىنە تىركەۋگە الىنعانى تۋرالى كۋالىگىن, سوڭعى جۇمىس ورنىنان (قىزمەتىنەن) مىنەزدەمەسىن, بۇرىنعى قۇقىق قورعاۋ ورگاندارىنىڭ قىزمەتكەرلەرى جانە اسكەري قىزمەتشىلەر ءۇشىن جۇمىستان شىعارۋ تۋرالى جانە بار اسكەري, ارنايى اتاقتارى جانە سىنىپتىق شەندەرى تۋ­رالى بۇيرىقتاردىڭ كوشىرمەسىن, نوتاريالدى كۋالاندىرىلعان جەكە كۋالىگىنىڭ جانە ءبىلىمى تۋرالى ديپلومنىڭ كوشىرمەسىن ۇسىنادى. بۇرىن كەدەن ورگاندارىنىڭ قىزمەتكەرلەرىن قىزمەتكە ورنالاستىرۋ كەزىندە كادر بولىمشەسى مۇراعاتتىق جەكە ءىستى زەردەلەيدى جانە وسى بۇيرىقتىڭ ءبىرىنشى ابزاتسىندا تىزبەلەنگەن جا­ڭار­تىلعان قۇجاتتاردى قوسادى. 7. وسى ەرەجەنىڭ 6-تارماعىندا تىزبەلەنگەن قاجەتتى قۇجاتتار بار بولعان كەزدە كانديدات ىشكى ىستەر ورگاندارىنىڭ اسكەري-دارىگەرلىك كوميس­سيا­سىنان وتۋگە جىبەرىلەدى. 8. كادر بولىمشەسى كانديداتقا: 1) مىندەتتى ارنايى تەكسەرىس جۇرگىزۋ ءۇشىن ۇلتتىق قاۋىپسىزدىك ورگاندارىنا ماتەريالداردى; 2) قازاقستان رەسپۋبليكاسى باس پروكۋرا­تۋراسىنىڭ جاڭىنداعى قۇقىقتىق ستاتيستيكا جانە ارنايى سەبەپتەر بويىنشا كوميتەتىنە نەمەسە وبلىستىق پروكۋراتۋرالار جاڭىنداعى اتال­عان كوميتەتتىڭ باسقارماسىنا سۇراۋ سالۋ جولدايدى. 9. قازاقستان رەسپۋبليكاسىنىڭ كەدەن ورگان­دارىنا كونكۋرستىق ىرىكتەۋدەن تىس قىزمەتكە قابىلداۋ: 1) بوس لاۋازىمدارعا سايكەس قازاقستان رەس­پۋب­ليكاسى كەدەن ورگاندارىنىڭ لاۋازىمدار ساناتتارىنا بەلگىلەنگەن بىلىكتىلىك تالاپتارىنا سايكەس بولعان كەزدە; 2) مىندەتتى ارنايى تەكسەرۋ بار بولعان كەزدە; 3) قىزمەتكە جارامدىلىق تۋرالى ىشكى ىستەر ورگاندارىنىڭ اسكەري-دارىگەرلىك كوميسسيانىڭ دارىگەرلىك قورىتىندىسى بار بولعان كەزدە; 4) «سىبايلاس جەمقورلىققا قارسى كۇرەس تۋرالى» قازاقستان رەسپۋبليكاسىنىڭ زاڭىنا سايكەس تۇرعىلىقتى مەكەنجايى بويىنشا سالىق ورگاندارىنا كىرىستەر جانە 1998 جىلعى 2 شىلدەدەگى م ۇلىك تۋرالى دەكلاراتسيانى, ونىڭ ىشىندە زايىبىنا (جۇبايىنا) ۇسىنۋ شارالارى ورىن­دالعان كەزدە جۇزەگە اسىرىلادى. 10. كانديدات وسى ەرەجەنىڭ 9-تارماعىمەن بەلگىلەنگەن قىزمەتكە ورنالاسۋ تالاپتارىنا سايكەس كەلگەن جاعدايدا كادر بولىمشەسى قىزمەتكە قابىلداۋ تۋرالى بۇيرىقتىڭ جوباسىن رەسىمدەيدى جانە لاۋازىمدار نومەنكلاتۋراسىنا سايكەس قىزمەتكەردى لاۋازىمعا تاعايىنداۋعا قۇقىعى بار كەدەن ورگانىنىڭ باسشىسىنا بەكىتۋگە بەرەدى. 11. كانديداتتاردىڭ جالعان جەكە دەرەكتەردى, كەدەن ورگاندارىنا كونكۋرستىق ىرىكتەۋدەن تىس قىزمەتكە ورنالاسۋعا قۇقىق تۋرالى جالعان مالىمەتتەردى ۇسىنۋى ونى كەدەن ورگاندارىنا قىزمەتكە قابىلداۋدان باس تارتۋ ءۇشىن نەگىز بولىپ تابىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 2 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7054 بولىپ ەنگىزىلدى.