شالاساۋاتتىلار مەملەكەتتىك ءرامىزدى قاشانعا دەيىن قورلاي بەرەدى؟
مەملەكەتتىك تۋ – ەلىمىزدىڭ ەڭ قاستەرلى ءرامىزى. پرەزيدەنتىمىز ءوزىن ۇلىقتاۋعا ارنالعان سالتاناتتى ساتتە باسىن ءيىپ, ەڭ الدىمەن تۋعان مەملەكەتىنىڭ تۋىن سۇيەدى. ەلباسىمىز شەتەلگە ىسساپارعا بارعاندا ءوز ءرامىزىنىڭ الگى ەلدىڭ تۋىمەن بىرگە جەلبىرەپ تۇرعانىنا جانە مارقايادى. سوسىن... ۇزدىك سپورتشىلارىمىز وليمپيادا ويىندارى مەن الەم, ازيا چەمپيوناتتارىندا جەڭىس تۇعىرىنا كوتەرىلگەندە وڭ قولىن جۇرەگىنىڭ تۇسىنا قويىپ, ءانۇران اۋەنىمەن اۋەلەپ بارا جاتقان تۋعان ەلىنىڭ تۋىنا تىك قاراپ تاعزىم ەتەدى. وسىلاي دا وسىلاي تىزە بەرسەك, تاۋەلسىزدىگىنىڭ جيىرما جىلدىعىن تورقالى تويعا ۇلاستىرعالى وتىرعان ەلىمىزدىڭ ەڭ باستى ءرامىزدەرىنىڭ ءبىرى – مەملەكەتتىك تۋدىڭ قادىرى مەن قاسيەتىن ايتىپ تاۋىسا الماسپىز, ءسىرا.
بىراق, وكىنىشكە قاراي, كەيدە بىزدە وسى قاستەرلى ءرامىزدى قۇرمەتتەۋ, ونى جەكە باستىڭ ءمۇددەسىنەن جوعارى قويا ءبىلۋ جاعى كەمشىن ءتۇسىپ جاتادى. جاقىندا, اتاپ ايتساق, مامىر ايىندا جامبىل وبلىسىنداعى «سورتوبە» باقىلاۋ-وتكىزۋ بەكەتىندە ەلىمىزدىڭ مەملەكەتتىك تۋىنىڭ «اياعى اسپانعا قاراپ» تۇرعانىن ءبىر ءارىپتەسىمىز سۋرەتكە ءتۇسىرىپ الىپتى. بۇعان جول بەرگەن وسىنداعى باس مامان ر.حاسەنوۆ ەكەن. جامبىل وبلىسى بويىنشا كەدەندىك باقىلاۋ دەپارتامەنتىنىڭ باستىعى م.ءساتىبالديننىڭ جەرگىلىكتى باسىلىمداردىڭ بىرىنە بەرگەن جاۋابىنا سۇيەنسەك, الگى قىزمەتكەر تۋدى اۋىستىرۋ كەزىندە «بايقاماعان». سول ءۇشىن تارتىپتىك جازاعا تارتىلىپتى-مىس. بىزدىڭشە, ول شىعارىپ سالما جاۋاپ سياقتى. وزدەرىڭىز اقىلعا سالىپ كورىڭىزدەرشى, قۇرمەتتى وقىرمان, ەگەر ءفوتوتىلشىنىڭ قىراعى كوزىنە ىلىكپەگەندە الگى «ءتوڭكەرىلگەن» تۋىمىز كەدەن قىزمەتكەرلەرىنىڭ ساۋاتسىزدىعىن ءاشكەرەلەپ قانشا ۋاقىتقا دەيىن تۇرا بەرەر ەدى. ال ارى دا بەرى اعىلعان شەتەلدىكتەر, ولاردىڭ ىشىندەگى بورات سياقتى سايقىمازاقتار كۇلكى عىپ, ونىمەن قويماي كەلەكە-مازاق ءۇشىن سۋرەتكە ءتۇسىرىپ السا شە؟!.
جامبىل وبلىسى اكىمدىگى تىلدەردى دامىتۋ باسقارماسىنىڭ جانىنداعى مەملەكەتتىك ءتىلدى وقىتۋ ورتالىعىنىڭ قىزمەتكەرى ا.باۋىرجان ۇلى جاقىندا تاعى ءبىر ورەسكەلدىكتى فوتو نىساناعا الىپتى. فۋتبولعا اۋەستەردىڭ ەرمەگى ءۇشىن جاسالعان دوپتىڭ بۇيىرىنە... و, توبا, قابىرعالى قازاق ەلىنىڭ تۋى بەينەلەنىپتى. ەڭ بيىك, ەڭ قۇرمەتتى ورىندا اسقاقتاپ تۇرۋعا ءتيىستى قاستەرلى ءرامىزدىڭ سۋرەتى اياق استى, شاڭ ۇستىندەگى دوپقا بەينەلەنگەنىن كورىپ جاعامىزدى ۇستادىق. دوپ جاسايتىن فيرمالارعا «ءبالەنباي داناسىن جاساپ بەر» دەپ تاپسىرىس بەرەتىن كاسىپكەرلەر بۇل يدەياسىماعىمەن نە ايتپاق؟ ءبىزدىڭ بىلەتىنىمىز, بۇل – تۋعان ەلىنىڭ تۋىنا دەگەن قۇرمەت ەمەس.
ءسوز باسىندا, مەملەكەتتىك تۋ – ەلىمىزدىڭ ەڭ قاستەرلى ءرامىزى, ەل پرەزيدەنتى ءوزىن ۇلىقتاۋعا ارنالعان سالتاناتتى ساتتە باسىن ءيىپ, ەڭ الدىمەن تۋعان مەملەكەتىنىڭ تۋىن سۇيەدى دەدىك. ەندەشە, تاۋەلسىزدىگىنىڭ جيىرما جىلدىعىن تورقالى تويعا ۇلاستىرعالى وتىرعان ەلىمىزدىڭ ەڭ باستى رامىزدەرىنىڭ ءبىرى – مەملەكەتتىك تۋدىڭ قادىرى مەن قاسيەتىنە جەتە بىلەيىك, وتانداستار!
كوسەمالى ساتتىباي ۇلى,
جامبىل وبلىسى.
مەملەكەتتىك تۋ – ەلىمىزدىڭ ەڭ قاستەرلى ءرامىزى. پرەزيدەنتىمىز ءوزىن ۇلىقتاۋعا ارنالعان سالتاناتتى ساتتە باسىن ءيىپ, ەڭ الدىمەن تۋعان مەملەكەتىنىڭ تۋىن سۇيەدى. ەلباسىمىز شەتەلگە ىسساپارعا بارعاندا ءوز ءرامىزىنىڭ الگى ەلدىڭ تۋىمەن بىرگە جەلبىرەپ تۇرعانىنا جانە مارقايادى. سوسىن... ۇزدىك سپورتشىلارىمىز وليمپيادا ويىندارى مەن الەم, ازيا چەمپيوناتتارىندا جەڭىس تۇعىرىنا كوتەرىلگەندە وڭ قولىن جۇرەگىنىڭ تۇسىنا قويىپ, ءانۇران اۋەنىمەن اۋەلەپ بارا جاتقان تۋعان ەلىنىڭ تۋىنا تىك قاراپ تاعزىم ەتەدى. وسىلاي دا وسىلاي تىزە بەرسەك, تاۋەلسىزدىگىنىڭ جيىرما جىلدىعىن تورقالى تويعا ۇلاستىرعالى وتىرعان ەلىمىزدىڭ ەڭ باستى ءرامىزدەرىنىڭ ءبىرى – مەملەكەتتىك تۋدىڭ قادىرى مەن قاسيەتىن ايتىپ تاۋىسا الماسپىز, ءسىرا.
بىراق, وكىنىشكە قاراي, كەيدە بىزدە وسى قاستەرلى ءرامىزدى قۇرمەتتەۋ, ونى جەكە باستىڭ ءمۇددەسىنەن جوعارى قويا ءبىلۋ جاعى كەمشىن ءتۇسىپ جاتادى. جاقىندا, اتاپ ايتساق, مامىر ايىندا جامبىل وبلىسىنداعى «سورتوبە» باقىلاۋ-وتكىزۋ بەكەتىندە ەلىمىزدىڭ مەملەكەتتىك تۋىنىڭ «اياعى اسپانعا قاراپ» تۇرعانىن ءبىر ءارىپتەسىمىز سۋرەتكە ءتۇسىرىپ الىپتى. بۇعان جول بەرگەن وسىنداعى باس مامان ر.حاسەنوۆ ەكەن. جامبىل وبلىسى بويىنشا كەدەندىك باقىلاۋ دەپارتامەنتىنىڭ باستىعى م.ءساتىبالديننىڭ جەرگىلىكتى باسىلىمداردىڭ بىرىنە بەرگەن جاۋابىنا سۇيەنسەك, الگى قىزمەتكەر تۋدى اۋىستىرۋ كەزىندە «بايقاماعان». سول ءۇشىن تارتىپتىك جازاعا تارتىلىپتى-مىس. بىزدىڭشە, ول شىعارىپ سالما جاۋاپ سياقتى. وزدەرىڭىز اقىلعا سالىپ كورىڭىزدەرشى, قۇرمەتتى وقىرمان, ەگەر ءفوتوتىلشىنىڭ قىراعى كوزىنە ىلىكپەگەندە الگى «ءتوڭكەرىلگەن» تۋىمىز كەدەن قىزمەتكەرلەرىنىڭ ساۋاتسىزدىعىن ءاشكەرەلەپ قانشا ۋاقىتقا دەيىن تۇرا بەرەر ەدى. ال ارى دا بەرى اعىلعان شەتەلدىكتەر, ولاردىڭ ىشىندەگى بورات سياقتى سايقىمازاقتار كۇلكى عىپ, ونىمەن قويماي كەلەكە-مازاق ءۇشىن سۋرەتكە ءتۇسىرىپ السا شە؟!.
جامبىل وبلىسى اكىمدىگى تىلدەردى دامىتۋ باسقارماسىنىڭ جانىنداعى مەملەكەتتىك ءتىلدى وقىتۋ ورتالىعىنىڭ قىزمەتكەرى ا.باۋىرجان ۇلى جاقىندا تاعى ءبىر ورەسكەلدىكتى فوتو نىساناعا الىپتى. فۋتبولعا اۋەستەردىڭ ەرمەگى ءۇشىن جاسالعان دوپتىڭ بۇيىرىنە... و, توبا, قابىرعالى قازاق ەلىنىڭ تۋى بەينەلەنىپتى. ەڭ بيىك, ەڭ قۇرمەتتى ورىندا اسقاقتاپ تۇرۋعا ءتيىستى قاستەرلى ءرامىزدىڭ سۋرەتى اياق استى, شاڭ ۇستىندەگى دوپقا بەينەلەنگەنىن كورىپ جاعامىزدى ۇستادىق. دوپ جاسايتىن فيرمالارعا «ءبالەنباي داناسىن جاساپ بەر» دەپ تاپسىرىس بەرەتىن كاسىپكەرلەر بۇل يدەياسىماعىمەن نە ايتپاق؟ ءبىزدىڭ بىلەتىنىمىز, بۇل – تۋعان ەلىنىڭ تۋىنا دەگەن قۇرمەت ەمەس.
ءسوز باسىندا, مەملەكەتتىك تۋ – ەلىمىزدىڭ ەڭ قاستەرلى ءرامىزى, ەل پرەزيدەنتى ءوزىن ۇلىقتاۋعا ارنالعان سالتاناتتى ساتتە باسىن ءيىپ, ەڭ الدىمەن تۋعان مەملەكەتىنىڭ تۋىن سۇيەدى دەدىك. ەندەشە, تاۋەلسىزدىگىنىڭ جيىرما جىلدىعىن تورقالى تويعا ۇلاستىرعالى وتىرعان ەلىمىزدىڭ ەڭ باستى رامىزدەرىنىڭ ءبىرى – مەملەكەتتىك تۋدىڭ قادىرى مەن قاسيەتىنە جەتە بىلەيىك, وتانداستار!
كوسەمالى ساتتىباي ۇلى,
جامبىل وبلىسى.
