يسلام قۇندىلىقتارى ءۇن قاتتى

بەيبىتشىلىك پەن وركە­نيەت­­تى­لىك­تى, عىلىم مەن ءۇي­لە­سىمدىلىكتى ۋاعىزدايتىن يسلام ءدىنىنىڭ شى­نايى قۇبى­لى­سىن ناسيحاتتاپ ءجۇر­گەن عالىم ءابساتتار قاجى  دەر­بىسالى ءوزى­نىڭ «يسلام – بەيبىتشىلىك  پەن جاسامپازدىق ءدىنى» كىتابىندا قازاق دالا­سىنان شىعىپ, كۇللى يسلام دۇنيە­سىنە وراسان ۇلەس قوسقان تۇركى­تەك­تى عۇلامالار جايىندا جاساعان زەرتتەۋلەرىن, سونىمەن قاتار ۇلتى­مىز­دىڭ ارعى تاري­حى­نان باستاپ, بۇگىنگە دەيىنگى دامۋ بەلەستەرى, مادەنيەتىمىز بەن يسلام ءدىنى­نىڭ الەم عى­لى­­مىن­داعى ۇلەسى مەن قوعام تاتۋ­لاستىعىنداعى ءرولى تۋرا­سىن­داعى جان-جاقتى زەرتتەلگەن عى­لىمي ەڭبەكتەرى مەن ماقا­لا­لارىن ورىس تىلىندە توپ­تاس­تى­رىپتى. شىعارما «يس­لام ءو­ر­كە­نيەتى جانە قازاق­ستان», «يس­لام­نىڭ گۋماني­تار­لىق الەۋە­تى» جانە «يس­لام­نىڭ تولەرانتتى­لىق ءورى­سى» دەگەن ءۇش تاراۋدان تۇ­را­دى. ءار تاراۋ عىلىمي نەگىزدە جا­زىل­عان­دىق­تان ەرەكشە ماڭىزعا يە. كىتاپتىڭ العاشقى تا­راۋىن­دا يسلام مادەنيەتىنىڭ قازاق جەرىنە كەلۋى ونىڭ ىق­پالى مەن رۋحاني ورتالىق­تار­دىڭ قالىپتاسۋى تۋرا­لى ءاڭ­گى­مەلەنەدى. وندا عالىم قازاق جەرىنەن شىعىپ, يسلام ءور­كە­نيەتىنە ۇلەس قوسقان, الايدا وسى كۇنگە دەيىن بەيمالىم بو­لىپ كەلگەن بىرنەشە عۇلامانىڭ ەڭ­بەك­تەرىن جارىققا شىعارىپ وتىر. ماسەلەن وتىرار قالا­سى­نان ءابۋناسىر ءال-فارابيدەن وزگە 30 عا­لىم­نىڭ شىققانى انىق­تالدى. ەكىنشى تاراۋدا  اسىل ءدىننىڭ قا­­زاق­ستانداعى ورنى مەن ءرولى, ەلى­مىز­دىڭ دىنارالىق ءجا­نە ۇلت­ارا­لىق دوستىقتى ساقتاۋ ءتاجى­ري­بەسى, جال­پى ازاماتتىق قۇن­دى­لىقتار تۋرا­لى اي­تىلادى. ال ءۇشىنشى تاراۋدا عالىم ءبىر­قاتار سۇحباتتار نەگىزىندە يس­لامنىڭ ىزگىلىك پەن ءتوزىم­دىلىك ءدىنى ەكەنىن كورسەتە بىلگەن. قانات ەسكەندىر, الماتى.