جاز قىزىعى بالالار ءۇشىن «التىن شاجا» شيپاجايىندا جالعاسۋدا.

جاز – شارۋا مەزگىلى عانا ەمەس, دەمالىپ, دەنساۋلىقتى نى­عايتاتىن كەز. اسىرەسە, وسى مەرزىم جاس ۇرپاقتىڭ ءوسىپ, جەتىلۋىنە ءتيىمدى بولعاندىقتان, ولار­دىڭ كۇن كوزى مەن تازا اۋادا مەي­لىنشە كوپ بولۋىنا كوڭىل بولىنگەنى قۋانتادى. بيىل ءوڭىر بويىنشا مەكتەپ جاسىنداعى 220 مىڭنان استام وقۋشى تەگىن جازعى دەمالىسپەن قامتىلعان. قازىرگى كەزدە ولاردىڭ جارتى­سىنان استامى دەمالىپ ۇلگەر­گەن. كوپشىلىك سۇرانىسىنا يە دەمالىس ورىندارىنىڭ ءبىرى تەكەلى قالاسىنداعى «التىن شاجا» شيپاجايىندا بەلسەندى دە­ما­لىسپەن قاتار, وقۋشىلار دەن­ساۋلىعىنا كۇتىم جاساپ, ەمدەلۋلەرىنە مۇمكىندىك مول. جازعى دەمالىس كۇندەرى جە­تى­­سۋلىق بالعىندارعا قىزىق­تى دەۋگە بولادى. شيپاجايدا دوپ وي­ناپ, تۋعان جەر تابي­عاتىن تا­ما­­شالاعان بالالار دەنساۋ­لى­عىن شىڭداسا, ارنايى توپقا ءدا­رى­گەر­لىك ەمدىك شارالار كور­سەت­ىلۋدە. ماسەلەن, مۇندا 14 جاسقا دەيىنگى بالالار تىنىقسا, ولار­دىڭ ارا­سىندا وزگە وبلىس­تار­دان كەلگەن بۇلدىرشىندەر دە بار. – لاگەرگە العاش رەت كەلىپ تۇرمىن. ءوزىم باتىس قازاقستان وبلىسىنان كەلدىم. ءبارى جاقسى, مادەني شارالار ءجيى وتەدى. كوپ دوس تاپتىم. اۋىرعان جەرىمىزدى دارىگەر اپايلار ەمدەيدى. كۇنىنە بەس مەزگىل تاماقتانامىز, دەيدى ورالدان كەلگەن ەلتاي الىبەك. اسەم تاۋ بوكتەرىندەگى تى­نى­عۋ ورنى ءتۇرلى مەديتسينالىق قۇرال-جابدىقتارمەن قامتىلىپ­تى. مۇن­دا بۇيرەك, قۇلاق, تاماق اۋرۋ­لارىنا قارسى ەم جاسالا­تى­نىن كورىپ, بۇلدىرشىندەرگە دەگەن شى­نايى قامقورلىقتى سەزىنە تۇستىك. – «التىن شاجا» ەمدەۋ, ساۋىق­تىرۋ لاگەرىندە 250 بالا وزدەرىنىڭ جازعى كانيكۋلدارىن وتكىزۋدە. با­لالاردىڭ ءار كۇنى قىزىققا تولى. جانە ەمدەۋ شارالارى قاتار ءوتىپ, قازاقستاننىڭ تۇكپىر-تۇكپىرىنەن جينالعان بالالار ءبىر وتباسىن­داعىداي تاتۋ-ءتاتتى, – دەدى «التىن شاجا» دەمالىس لاگەرىنىڭ توپ جەتەكشىسى جادىرا قاسىمباەۆا. تەكەلى قالاسى بويىنشا بۇدان وزگە 3 دەمالىس لاگەرى جۇمىس ىستەيدى. ولاردا تىنىعىپ جاتقان وقۋشىلاردىڭ شەت ءتىلىن مەڭگەرۋ­لەرىنە دە مۇمكىندىك جاسالعان. ماسەلەن, «باستاۋ» لاگەرىندە وقۋ­شىلارعا ەرىكتىلەر ارنايى ساباق وتكىزەدى. – ماعان «باستاۋ» لاگەرى وتە ۇنايدى. جاتتىقتىرۋشى مۇعالىم­دەر دە جاقسى. كۇندە كەشكى استان كەيىن مەرەكە بولادى. جازدى قىسقا اينالدىرىپ, قاعازدان قار جاسادىق, – دەيدى تالدى­قور­عان قالاسىنداعى №14 مەكتەپ-گيمنازياسىنىڭ وقۋشىسى ارۋجان سەرىكمۇرات. بالالاردىڭ دەمالىسىن وب­لىس­تىق ءبىلىم باسقارماسىنىڭ ماماندارى باقىلاپ, تىنىعۋ باعدارلاماسى مەن تاماق ساپا­سىنا ءمان بەرەدى. وقۋ جايى دا باستى نازاردا. – بيىلعى جازعى دەمالىستا 220 مىڭ بالانى دەمالىسپەن,  ساۋىقتىرۋمەن قامتاماسىز ەتۋدى جوسپارلاپ وتىرمىز. بۇگىنگى كۇن­گە دەيىن 130 مىڭ بالا دە­مال­دى. سونىمەن قاتار ءارتۇرلى باعىتتاعى جۇمىستارىن جالعاس­تىرعان جازدىق لاگەرلەر دە بار. ول مەكتەپ جانىنداعى جانە دەباتتىق توپتار, ءتىل ۇيرەنۋ لاگەرلەرى. كوبىنەسە مۇندا اعىل­شىن ءتىلىن جىل بويى وقىعان بالالار جيناعان بىلىمدەرىن قايتا­لاپ, ءتىلدى جاقسى ۇيرەنەدى,– دەيدى وبلىستىق ءبىلىم باسقارما­سى­نىڭ باستىعى ءلاززات بازار­قۇلوۆا اڭگىمە اراسىندا. جازدا جاقسى دەمالعان بالا جاڭا وقۋ جىلىنا زور ىنتامەن كەلەتىنى زاڭدىلىق. سوندىقتان بالالاردىڭ جازعى دەمالى­سىنا اتا-انالار دا باسا ءمان بەرسە قۇبا-قۇپ. بۇل ماماندار پىكىرى. «التىن شاجا» مەن «باستاۋ» لاگەرلەرىندەگى جازعى كانيكۋل­دارىن كوڭىلدى وتكىز­گەندەردىڭ بۇگىنگى جايى وعان ناقتى دالەل. كۇمىسجان بايجان, الماتى وبلىسى.