09 شىلدە، 2011

قوس جەڭىس

216 رەت كورسەتىلدى
قاراعاندىنىڭ «شاحتەرى» ەۋ­روپا ليگاسىنىڭ ەكىنشى ويى­نىندا سلوۆەنيانىڭ «كوپەر» كو­مان­دا­سىن 2:1 ەسەبىمەن ۇتىپ، ەكىنشى ىرىكتەۋ كەزەڭىنە جولداما الدى. قاراعاندى اتالعان ويىندى تاعاتسىزدانا كۇتكەن ەدى. ءويت­كەنى، قالاعا مۇنداي دەڭگەيدەگى ويىن كوپتەن بەرى كەلگەن جوق بولاتىن. جانكۇيەرلەردىڭ كۇت­كەنى ورىندال­دى، «شاحتەر» قا­جەتتى ناتيجەگە قول جەتكىزدى. قاراعاندىلىقتار وسىدان ءبىر اپتا بۇرىن وتكەن سىرت الاڭداعى كەزدەسۋىندە 1:1 ەسەبىمەن تەڭ وي­ناپ، وزدەرى ءۇشىن ايتارلىقتاي جاق­سى مۇمكىندىك قالدىرعان ەدى. ەندى، مىنە، ءبىر دوپ ايىرما­شى­لىعىمەن باسىم ءتۇسىپ، ءتۋرنيردى جالعاستىرۋ قۇقىعىنا يە بولدى. كەلەسى  راۋندتا قاراعان­دى­لىق­­تار «يبۆ» (يسلانديا) – «سەنت-پاتريكس» (يرلانديا) جۇ­بى­نىڭ جە­ڭىم­پازىمەن باق سىنا­ساتىن بولادى. ەۋروپا ليگاسىنداعى ەكىنشى ءبىر كەزدەسۋ پاۆلوداردا ءوتتى. مۇن­دا جەرگىلىكتى «ەرتىس» پول­شانىڭ «ياگەللونيا» كومان­داسىن قابىل­دادى. بۇل ماتچتا دا قازاق­ستان­دىق­تاردىڭ جولى بول­دى. ولار قارسى­لاس­تارىنان 2:0 ەسەبىمەن باسىم ءتۇستى. العاشقى ويىندا پاۆلودار­لىقتار قارسى­لاس­تارىنا 1:0 ەسەبىمەن جول بەرگەن بولاتىن. ءسويتىپ، «ەرتىس» تە ەۋروپا ليگا­سىنىڭ ەكىنشى ىرىكتەۋ كەزەڭىنە شىقتى. ەندى پاۆلودارلىقتار 14 جانە 21 شىلدە كۇندەرى گرۋزيا­نىڭ رۋستاۆي قالاسىنىڭ «مە­تال­لۋرگ» كوماندا­سى­مەن ەكى مارتە كەزدەسەتىن بولادى. «ەگەمەن-اقپارات».
سوڭعى جاڭالىقتار

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار