فوتو: جوعارسى سوت
انىقتالعانداي, 2025 جىلعى 29 قىركۇيەكتە سوتتالۋشى قىزعانىشتىڭ كەسىرىنەن قولىنا پىشاق الىپ ايەلىنىڭ بولمەسىنە بارا جاتقاندا, كامەلەتكە تولماعان ۇلىن كەزىكتىرگەن. ول بالاعا بىرنەشە رەت پىشاق سۇققان. ۇلىن اراشالاماق بولعان ايەل دە بالا دا وقيعا ورنىندا ءتىل تارتپاي كەتكەن.
سوت زالىندا زارداپ شەككەن تاراپ – مارقۇم ايەلدىڭ اناسى مەن تۋىستارى قىلمىستىڭ اۋىرلىعىنا قاراماستان, سوتتالۋشىعا راقىمشىلىق كورسەتۋدى سۇراعان. سوتتالۋشى ءوز كىناسىن تەك «جارتىلاي» مويىنداپ, بۇل ارەكەتىن «شوك كۇيىندە جاساعانىن» ايتقان.
سوت شەشىمىمەن قىلمىسكەر وتە قاتاڭ قاۋىپسىزدىك جۇيەسىندەگى مەكەمەدە ومىر بويىنا باس بوستاندىعىنان ايىرۋ جازاسىنا كەسىلدى.
