09 شىلدە، 2011

باسى قاتتى... اياعى شە؟

232 رەت كورسەتىلدى
كوپتەن بەرى كۇتكەن كۇن دە كەلىپ جەتتى. كۇنى كەشە عانا دەۆيس كۋبوگىنىڭ 1/8 فينالىندا چەحيا قۇراماسىن جەڭىپ، ايدى اسپانعا شىعارعان قازاقستان كومانداسى ارگەنتينا استاناسىنا وسى ەلدىڭ قۇراماسىمەن شيرەك فينالدا كەزدەسۋ ءۇشىن كەلگەن ەدى. قازىر ارگەنتينادا قىس مەزگىلى. ەكى ەلدىڭ ساعات ايىرماشىلىعى 9 ساعات. ءبىز ارگەنتيناعا كەلگەن كۇن­نىڭ ەرتەسىندە ۇلتتىق قۇرامانىڭ مۇشە­لەرى­مەن كەزدەسىپ، از-كەم اڭگى­مە­لەس­كەنىمىزدە وسىنداي ۋاقىت ايىر­ماشىلىعىنا قاراماستان، تەن­­نيس­شىلەرىمىزدىڭ بىرنەشە كۇن بويى جاتتىعىپ، جەرگىلىكتى اۋا رايىنا بەيىمدەلىپ ۇلگەرگەنى كورى­نىپ تۇردى. ال تەننيس ماتچتارىنا كەلسەك، ءبىز ءۇشىن كەزدەسۋلەردىڭ اسا قيىنعا سوعاتىنى كۇمانسىز. ارگەنتينا قۇ­را­ماسى الەمنىڭ ەڭ ۇزدىك بەس ەلىنىڭ قاتارىنا كىرەدى. ال ونىڭ ويىن­شى­لارى كەز كەلگەن تەننيسشىمەن يىق تەڭەستىرىپ  ونەر كورسەتە الا­تىن تىسقاققان تەننيسشىلەر.  حۋان موناكو، داۆيد نالبانديان، حۋان مارتين دەل پوترو سياقتى تەن­نيس­شىلەردىڭ ويىندارىن جان­كۇ­يەر­­لەردىڭ ءبارى بىلەتىنى ءسوزسىز. دەگەنمەن، ارگەنتينا­لىقتارمەن ويىن­عا ءبىزدىڭ ويىنشى­لار تاس ءتۇيىن دايىن-تىن. 6 شىلدە كۇنى بۋەنوس -ايرەس قا­لاسىندا تەننيستەن ارگەنتينا مەن قازاقستان قۇرامالارى ارا­سىندا وتەتىن دەۆيس كۋبوگىنىڭ الەمدىك توبىنداعى شيرەك فينالدىق كەز­دەسۋدىڭ جەرەبەسى تارتىلدى. العاشقى كۇنى اندرەي گولۋبەۆ پەن حۋان موناكونىڭ، ميحايل كۋكۋشكين مەن حۋان مارتين دەل پوترونىڭ جولى ءتۇيىستى. ودان كەيىن «پارك روكە» ستاديونىنىڭ كور­تىن­داعى  جۇپتىق كەزدەسۋدە يۋري ششۋكين مەن ەۆگەني كورولەۆ حۋان يگناسيو چەلامەن جانە ەدۋاردو شۆانك­پەن وينايدى. ال شيرەك فينالدىڭ سوڭعى كۇنى يۋري ششۋكين حۋان موناكومەن، اندرەي گولۋبەۆ حۋان مارتين دەل پوترومەن كورتقا شىعادى.  ارگەنتينا سا­پىن­دا جاراقاتىنا بايلانىستى داۆيد نالبانديان وي­نامايدى. سونىمەن، قازاقستان قۇراماسى دەۆيس كۋبوگىنىڭ الەمدىك توبىن­دا­عى العاشقى ويىندارىن ءساتسىز باستادى. كۇنى كەشە عانا گامبۋرگتە ءوت­كەن اتر تۋرنيرىندە حۋان موناكومەن بارىن سالىپ ويناعان اندرەي گولۋبەۆ بۇل جولى الەمنىڭ 40-شى راكەتكاسىنا قارسى ەش دارمەن كور­سەتە المادى. ءۇش سەتتىڭ ۇشەۋىن­دە دە ۇتىلدى – 6:3، 6:0، 6:4. ميحايل كۋكۋشكين دە دەل پوترومەن ويىندا كوپتەگەن قاتەلىك­تەر جىبەردى. ءسويتىپ، ءۇش سەتتىڭ ۇشەۋىندە دە جەڭىلىس تاپتى. ەسەپ – 6:2، 6:1، 6:2. كەشە «پارك روكە» كورتىندا تەن­نيسشىلەر جۇپتاسىپ ونەر كور­سەتتى. يۋري ششۋكين مەن اندرەي كو­رولەۆ حۋان يگناسيو چەلاعا ءجا­نە ەدۋاردو شۆانكقا قارسى وينا­دى. قازىر ارگەنتينا قۇراماسىندا تالانتتى تەننيسشىلەردىڭ ءبىرى داۆيد نالبانديان ويناماسا دا حۋان موناكو، حۋان مارتين دەل پوترو، ەدۋاردو شۆانك پەن حۋان يگناسيو چەلا ءوز ەلدەرىنىڭ الەمنىڭ ەڭ ۇزدىك بەس ەلدىڭ قاتارىنا كىرەتىن كوماندا ەكەنىن كورسەتۋدە. ال ارگەنتينانىڭ وسى جارىس­تا­عى ەكىنشى ءنومىرلى تەننيسشىسى حۋان يگناسيو چەلا بولسا، ديۋسسەلدورفتا وتكەن تۋرنيردە ميحايل كۋكۋشكينمەن عانا كەزدەسكەن. چەلا دەۆيس كۋبوگىندا 2001 جىلدان باستاپ ونەر كورسەتىپ كەلەدى. سول جىلى ول حورۆاتيامەن بولعان كەزدەسۋدە كومانداسىنا جە­ڭىس اكەلىپ، ارگەنتينانى جارتى­لاي فينالعا شىعارعان. وسى جارىستاعى ارگەنتينا­نىڭ ءۇشىنشى ءنومىرلى تەننيسشىسى حۋان م­و­ناكو الەمدىك رەيتينگتە 43 ورىن­دا تۇر. سوعان قاراماستان، ول دەۆيس كۋبوگىندا كومانداسى ءۇشىن ەڭ پاي­دالى تەننيسشى بولىپ سانالادى. داستان كەنجالين، «ەگەمەن قازاقستان» – بۋەنوس-ايرەستەن.
سوڭعى جاڭالىقتار

ۇقساس جاڭالىقتار