09 شىلدە، 2011

وپپوزيتسيانى قارۋلاندىرۋعا تىيىم

248 رەت كورسەتىلدى
اقش-تىڭ وكىلدەر پالاتاسى پەنتاگونعا ليۆيا وپپوزيتسياشىلارىن قارۋلاندىرۋعا تىيىم سالا­تىن شەشىم قابىلدادى. تىيىمدى جاقتاپ 225 دەپۋتات داۋىس بەرسە، 201 دەپۋتات قارسى داۋىس بەردى. بۇل تۇزەتۋ اسكەري شىعىنداردى ازايتۋ ۇدەرىسىنە وراي ورىن الدى. اتالعان تۇزەتۋگە سايكەس اسكەري ۆەدومستۆوعا ليۆياعا قارۋ-جاراق ساتۋعا جانە كومەك كورسەتۋگە تىيىم سالىنادى. ليۆياعا قارۋ-جاراق بەرمەۋ بۇۇ-نىڭ №1970 قارارىنا سايكەس جۇزەگە اسىرىلىپ وتىر. اتالعان قارار وتكەن جىل­دىڭ اقپانىندا قابىلدانعان بولاتىن. الايدا، جانجال باستالعالى بەرى كەيبىر ەلدەر ليۆيا وپپوزيتسياسىن قارۋ­مەن قامتاماسىز ەتۋدى  جالعاستىرىپ كەلەدى. ىشكى ىسىنە ارالاسپاعانىن قالايدى سيريا باسشىلىعى اقش-تى ەلدىڭ ىشكى ىسىنە ارالاستى دەپ ايىپتادى. بۇ­عان سيرياداعى اقش ەلشىسى روبەرت فوردتىڭ حاما قالاسىنا ساپارلاپ با­رىپ قايتۋى سەبەپ بولدى. اقش مەملەكەتتىك دەپارتامەنتىنەن رەسمي ءما­لىم­دەمەسىندە ەلشىگە رۇقسات بەرىلگەنى كولدەنەڭ تارتىلادى. سيريا باسشىلىعى بولسا، بۇل قادامدى اقش-تىڭ وڭىردەگى جاعدايدى ناشارلاتۋعا دەگەن ۇمتىلىسى دەپ باعالاپ وتىر. ال قۇراما شتاتتار سيريا حالقىنا قولداۋ كورسەتىپ وتىرمىز دەپ ەسەپتەيتىنىن ءبىلدىردى. جالپى، حاما قالاسى شىلدە ايىنىڭ باسىنا دەيىن بىرنەشە اپتا بويى وپپوزيتسيانىڭ قولىندا بولىپ كەلگەن ەدى. ليۆاننىڭ اۋە كەڭىستىگىندە نەسى بار؟ 6 شىلدە كۇنى ءيزرايلدىڭ ۇش­قىش­­سىز ۇشاتىن 4 ۇشۋ اپپاراتى لي­ۆان­نىڭ اۋە كەڭىستىگىن بۇزدى. بۇل تۋرالى ليۆان ارمياسىنىڭ كومميۋنيكەسىندە ايتى­لادى. اتالعان قۇجاتقا سايكەس اپپاراتتىڭ ءبىر جۇبى ءبىر تاۋلىك ىشىندە ەكى مارتە ەلدىڭ وڭتۇستىك اۋدان­دا­رى­نىڭ ۇستىندە قالىقتاسا، ەكىنشى جۇبى وڭتۇستىك شەكارادان سولتۇستىك-شىعىسقا قاراي بارىپ قايتقان. ليۆاندىقتاردىڭ شەكارا بۇزۋشىلاردى اتىپ تۇسىرۋگە نيەتتەنگەنى تۋرالى ەشتەڭە ايتىلمايدى. سونداي-اق، يزرايلدىك ۇشقىشسىز اپپاراتتاردىڭ كورشى ەل اۋە كەڭىستىگىندە نە ءۇشىن پايدا بولعانى دا بەيمالىم. ليۆاندا سوڭعى كۇندەرى ساياسي داعدارىس كۇشەيە ءتۇسىپ وتىرعانى بايقالادى. بۇل جەردە كەلىسپەۋشىلىككە ۇكىمەت باسىنداعى شيتتەر مەن وپپوزيتسياداعى سۇننيتتەر اراسىنداعى قاراما-قايشى­لىقتار سەبەپ ەكەنى بەلگىلى. رەسەي جاڭا اۆتومات جاساپ جاتىر رەسەيدىڭ «يجماش» كونتسەرنى كالاشنيكوۆ اۆتوماتىنىڭ سحەما­سى­نان ەرەكشەلىگى ايتارلىق­تاي جاڭا اۆتومات جاساۋدى قولعا الدى. بۇل جونىندە كونتسەرننىڭ باس ديرەك­تو­رى­نىڭ مىندەتىن ۋاقىتشا اتقارۋشى ماكسيم كۋزيۋك مالىمدەدى. ونىڭ اي­تۋىنشا، جاڭا اۆتومات الەمدەگى ءوزى تەكتەس قارۋ­لاردىڭ بارىمەن باسەكەلەسە الادى. كۋزيۋك پەرسپەكتيۆالى قارۋدىڭ تەحنيكالىق سيپاتتا­مالارى تۋرالى ەشتەڭە ايتپاعان. وسى ارالىقتا «يجماش» اك-200 سەريالى اۆتوماتتاردى شىعارۋدى جانە جاڭعىر­تۋدى جالعاستىرۋدى جوسپارلاپ وتىر ەكەن. جاڭعىرتىلعان اۆتوماتتىڭ الدىنداعىلارىنا قاراعاندا، بىرقاتار ار­تىق­شىلىقتارى بولاتىن كورىنەدى. كۋزيۋكتىڭ سوزىنە قاراعاندا، بۇل قازىرگى ءومىر تالابىنان تۋىنداپ وتىرعان ءجايت. رەسەي ازاماتى قىرعىز مەرى بولمايدى قىرعىزستاننىڭ جالالاباد قا­لا­سىنىڭ مەرى ماق­ساتبەك جەنبەكوۆ ءوز­ىندە رەسەي ازاماتتىعى دا بول­عان­دىق­تان، قىزمەتىنەن الاستاتىلدى. مۇنداي شەشىمدى رەسپۋبليكا ۇكىمەتى قابىل­داعان. ونىڭ رەسەي ازاماتى ەكەندىگىن باس پروكۋراتۋرا ءبىلىپ قويسا كەرەك. جەنبەكوۆ وزگە مەملەكەتتىڭ ازاماتتىعىنان شىعۋ ماسە­لەسىن اتالعان قالا مەرى بولىپ تاعايىندالاردا شەشۋى ءتيىس بولاتىن. بىراق ول ماسەلەنى ءبىر جىل بويى سوزبۇيداعا سالىپ كەلگەن. ونىڭ قىزمەتىنەن قۋىلۋىنا قارسىلىق بىلدىرگەن 300 ادام مەريا الدىندا نارازىلىق اكتسياسىن ۇيىم­داس­تىرعان. مۇنىڭ اياعى ۇلكەن ايقايعا ۇلاسىپ كەتپەسە ەكەن دەيدى جەرگىلىكتى تۇرعىندار. ساۋدياعا جاڭا 200 تانكىسىن ساتادى يزرايل مەن اقش ساۋد ارابياسىنا نەمىستىڭ سۋ جاڭا 200 «لەوپارد» 2ا7+ تانكىسىن ساتۋىن ماقۇل­دا­عان. گفر فەدەرالدىق قاۋىپسىزدىك كەڭەسى كەلىسىم-شارت جاساساردىڭ الدىندا وزدەرىنىڭ نيەتتەرىن جو­عا­رىدا اتالعان ەكى ەلگە بىلدىرگەن ەكەن. ولار ەش­قان­داي قارسىلىق تانىتپاپتى. نەمىس ۇكىمەتىندەگىلەر وزدەرىنىڭ مۇنداي قادامعا نە ءۇشىن بارعانىن تومەندەگىشە تۇسىندىرەدى: بۇگىندە ەگيپەت پەن تۋنيستە ساياسي جاعداي سونشالىقتى ءماز ەمەس. وسىنداي كەزدە ساۋد ارابياسى تاياۋ شىعىستاعى تۇراقتىلىقتىڭ جال­عىز جانە ماڭىزدى تەمىرقازىعى بولىپ قالىپ وتىر. ءبى­راق نەمىس جاعى يزرايلمەن جانە اقش-پەن كون­سۋل­تا­تسيا­لارىنىڭ ناقتى دەتالدارىن اشىپ كورسەتپەگەندى ءجون كورگەن. قىسقا قايىرىپ ايتقاندا: لاتۆيادا جاڭا سايلانعان پرەزيدەنت اندريس بەرزينشتىڭ يناۋگۋراتسياسى بولىپ ءوتتى. ول ەل پارلامەنتىندە ادال قىزمەت ەتەتىنى تۋرالى انت بەردى. ءوزىنىڭ الدىنداعى پرەزيدەنتتەرگە قا­راعاندا، بەرزينش يناۋگۋراتسيالىق بالل ۇيىمداستىرعان جوق. بۋندەسۆەردىڭ 41 جاستاعى اسكەري قىزمەتشىسى ينكاسساتور ءماشي­نە­سىنەن ءتۇسىپ قالعان 3 شابادان اقشانى – 1 ميلليون ەۋرونى  قاي­تارىپ بەردى. اقشانى ينكاسساتور فيرماسىنىڭ قىزمەتكەرلەرى ا7 اۆتو­بانىندا «ءتۇسىرىپ» العان كورىنەدى. ويتكەنى،  كولىكتىڭ ەسىگى دۇرىس جابىلماي قالسا كەرەك. رەسەي مەملەكەتتىك دۋماسى كەشە ءۇشىنشى وقىلىمىندا كامە­لەت­كە تولماعاندارعا الكوگولدى ىشىمدىك ساتقانى ءۇشىن قىل­مىس­تىق جانە اكىمشىلىك جاۋاپكەرشىلىككە تارتۋ تۋرالى زاڭ جوباسىن قابىلدادى. ايىپ كولەمى 3 مىڭ رۋبلدەن 100 مىڭ رۋبلگە دەيىن. ۋكراينا جوعارعى راداسى زەينەتاقى رەفورماسىن ماقۇلدادى. ول بويىنشا ايەلدەر مەن مەملەكەتتىك قىزمەتشىلەر ءۇشىن زەينەت جا­سىن جوعارىلاتۋ كوزدەلەدى. ءسويتىپ، ايەلدەر زەينەتكە قازىرگى 55 جاستان تاياۋداعى 10 جىل ىشىندە ساتىلاپ 60 جاسىندا شىعاتىن بولادى. ال مەملەكەتتىك قىزمەتشىلەر ءۇشىن قازىرگى 60 جاس 62-گە كوتەرىلمەك. ينتەرنەت ماتەريالدارى نەگىزىندە ازىرلەندى.
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار