09 شىلدە، 2011

«قولدانىستاعى زاڭنىڭ اياسىندا جاسالىپ وتىر»

202 رەت كورسەتىلدى
«ەگەمەن قازاقستان» گازەتىنىڭ اعىمداعى جىلعى ءساۋىر ايىنىڭ 26-سى كۇنى جارىق كورگەن نومىرىندەگى «ءبىر وتباسى – ءبىر اۋىل» اتتى (اۆتورى – كۇمىسجان بايجان) ماقالا  راسىندا دا ءبىراز ازاماتتارعا بولەكشە وي تۋدىرعانى انىق. 16 بالانى دۇنيەگە اكەلىپ، امان-ەسەن ەر جەتكىزىپ، بۇگىندە نەمەرەدەن شوبەرە ءسۇيىپ وتىرعان قارتت­ا­رىمىز مەلس جانە ماكەن شويمباەۆتاردىڭ (رەسمي قۇجاتتا­رىندا فاميليالارى وسىلاي جازىلعان، ال الدىڭعى ماقالالاردا شويىنباەۆتار دەپ كورسەتىلگەن) عۇمىرى بۇگىنگى تاڭداعى كوپتەگەن ازاماتتارىمىزعا ۇلگى بولارى انىق. وسىنداي ادەمى ىرعاقپەن  ءوربىپ كەلە جاتقان ماقالانىڭ ورتا تۇسىندا، اۆتور «اتتەگەن-اي» دەپ،  ماسەلەنىڭ شەتىن شىعارىپ، عۇمىرىن قوي باعۋعا سارپ ەتكەن مەلس اعامىزدىڭ  زەينەتاقىسىنىڭ ازدىعىن تىلگە تيەك ەتىپتى. وسى­دان كەيىن ءبىز ول كىسىنىڭ جانە جۇبايى ماكەن اپايىمىزدىڭ قۇجاتتارىن كوتەرگىزىپ، زەينەتاقىلارىنىڭ مولشەرىن بىلۋگە تىرىستىق. وسى ۋاقىت ارالىعىندا ءدال وسى باسىلىمدا زەينەتكەر ە.سمايىلدىڭ «قويشىلار مۇددەسىن قورعاعان ماقالانىڭ ەڭبەك ءمينيسترىنىڭ كوزىنە ىلىنبەگەنى وكىنىشتى» اتتى ماتەريالى دا جارىق كوردى. وسى ماقالالار اتالمىش ماقالالاردىڭ باس كەيىپكەرى بولعان مەلس جانە ماكەن شويمباەۆتاردىڭ زەينەتكە شىعۋلارىنا نەگىز بولعان بارلىق قۇجاتتارىن زەرتتەۋگە سەبەپ بولدى. م.ءا. شويمباەۆقا زەينەتكەرلىك ءىس-قاعازىنداعى قۇجاتتار بويىنشا زەينەتاقى تولەمى 1996  جىلدىڭ ساۋىرىنەن باستاپ 38 جىل ەڭبەك ءوتىلى  ءۇشىن جانە اۋىل شارۋاشىلىعى سالاسىنداعى 1981 جىلعى ورتاشا ايلىق تابىسى 92،56 سوم ەسەبىنەن  تاعايىندالعان ەكەن. بۇگىنگى تاڭدا مەلس اعامىزدىڭ الەۋمەتتىك تولەمدەرىنىڭ جالپى مولشەرى 24 781 تەڭگەنى قۇرايدى (زەينەتاقى تولەمىنىڭ مولشەرى – 16 781  تەڭگە; بازالىق زەينەتاقى تولەمىنىڭ مولشەرى – 8 000  تەڭ­گە). كەڭەس  ءداۋىرىنىڭ كۋاگەرى بولعان ازاماتتا­رىمىزعا بەلگىلى بولعا­نىنداي، 92،56 رۋبل قارجى تومەنگىدەن ءسال جوعارى ايلىق بولىپ ەسەپتەلەتىن.  قازىرگى زەينەتاقى تاعايىندالۋ تارتىبىنە سايكەس وسى جالاقى مولشەرى نەگىزگە الىنا وتىرىپ، بۇگىنگى الەۋ­مەتتىك تولەم تاعايىندالعان. ال ماكەن انامىز مەملەكەت تاراپىنان 42 103 تەڭگە كولەمىندە الەۋمەتتىك تولەم الادى ەكەن. ونىڭ 32 863 تەڭگەسى زەينەتاقى بولسا، قالعان 9 240 تەڭگەسى «التىن القا» يەگەرى رەتىندە الاتىن ارناۋلى مەملەكەتتىك جاردەماقى. سونىمەن قاتار، ماكەن انامىزعا كەزىندەگى قولدانىستا بولعان زاڭدارعا سايكەس زەينەتكەرلىك 8 جىل ەرتە تاعايىن­دالىپتى. بۇگىنگى تاڭدا شويمباەۆتار اۋلەتى مەملەكەت تاراپىنان اي سايىن 66 884 تەڭگە الەۋمەتتىك تولەم­اقىلار الىپ وتىرعان جايى بار. ماقالادا كوتە­رلىگەن ءما­سەلەگە كەلەر بولساق، مۇنىڭ بارلىعى ەلىمىزدەگى قولدا­نىستاعى زاڭنىڭ اياسىندا جاسالىپ وتىر. جالپى، زەينەتاقىلار تاعاي­ىندالار ساتتە ول ازاماتتا­رى­مىز­دىڭ بەلگىلى جىلدار ارا­لىعىندا اتقارعان جۇمىس­تا­رىنىڭ ەڭبەكاقىسىنىڭ ورتاشا ءمول­شەرىن نەگىزگە الامىز.  اتالمىش ماقالا بارىسىندا ايتىلعانداي، سا­نا­لى عۇمىر­لارىن مال سوڭىندا بەينەتپەن وتكىزگەن مەلس اعا­مىز بەن ماكەن اپامىز بۇگىندە ۇيرەنگەن ادەت­تەرىمەن مال ۇستاپ، وسى ارقىلى ناپاقا تاۋىپ وتىر­عان­دىعىن جانە ءۇبىرلى-ءشۇبىرلى بولىپ، بالا-شاعاسىنىڭ ار­­قاسىندا زەينەت كورىپ وتىر­عاندىعى ايتىلعان ەكەن.  قاريالارىمىزعا مال-جانىڭىز امان بولىپ، باق دا­رىعان وتباسىڭىزدىڭ ورتاسىندا بەرەكەلى دە مەرەكەلى تىرلىك كەشىپ، ۋايىم-قايعىنىڭ اۋىلى الىس، دەندەرىڭىز ساۋ بولسىن دەگەن تىلەگىمىزدى بىلدىرگىمىز كەلەدى. مينيستر گ. ابدىقالىقوۆا.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار