كوك اسپانعا كوتەرىلدى كوك بايراق

كەشە ەلوردامىزدىڭ تۋعان كۇ­نىن مەرەكەلەۋ سالتاناتتى شارا­سى باستالدى. استا­نا­نىڭ ساۋ­لەتتى كوركىن جار­قى­راعان كۇن نۇرى مەن مىڭ­داعان ادامداردىڭ شات كۇل­كىسى ودان ءارى ارلەندىرىپ, كو­ڭىلگە جايلى جىلىلىق تۋ­عىزدى. تابي­عات تا بۇل قۋا­نىشقا وسىلايشا وڭ قاباق تا­نىت­قانداي قوڭىر سال­قىن سامال ەسىپ, «اتامەكەن». قا­زاقستان كار­تاسى» ەتنو-مەمو­ري­ال­دىق كەشەنىنىڭ الدىنا جينالعان جۇرت­تىڭ جا­نىن جا­دىراتتى. وسى­عان وراي مۇن­دا استانا كۇنىن مەرەكەلەۋ سال­تا­ناتىنىڭ باس­تال­عان­دىعىن بىلدىرەتىن مەملەكەتتىك تۋ­دى كوتەرۋ ءراسىمى بارى­سىندا پرەزيدەنت نۇرسۇلتان نازارباەۆ ەلى­مىزدىڭ بىرقاتار اسكەري جوعارى وقۋ ورىن­دا­رىن ۇزدىك بىتىرگەن كۋر­سانت­تار­عا, ياعني, قازاقستان تاۋ­ەلسىزدىگىنىڭ قۇرداستارىنا اس­كە­ري شەندەر تاپسىردى. – قادىرلى وتانداستار! – دەپ باستادى ءسوزىن ەلباسى. – قۇر­مەت­تى استانالىقتار! بۇگىن مەملەكەت­تىڭ ءانۇرانى رۋحىمەن بىرگە اسپان ءتۇستى كوك بايراعىمىز تاعى دا اسقاقتاي كوككە كوتەرىلدى. قالىپ­تاسقان ءداستۇر بويىنشا استانا كۇنىنىڭ الدىندا وسى ءراسىمدى ور­ىنداۋ ءبىزدىڭ داستۇرىمىزگە اينا­لىپ كەلەدى. ءبىز كوك بايراقتىڭ اس­تىندا تاۋەلسىز مەملەكەت قۇرىپ, قازاقستاندى الەمگە تانىتتىق. ءبىزدىڭ كوك بايراعىمىز بىرىككەن ۇلتتار ۇيىمىنىڭ تورىندە ءىلۋلى. استانادا جۇرگىزىلىپ جاتقان بىرنەشە دۇنيەجۇزىلىك ۇلكەن دودالار مەن جيىلىستاردا ءبىزدىڭ كوك بايراعىمىز تۇرادى. مەنىڭ رەسمي ساپارىم كەزىندە, قازاقستان­نىڭ دەلەگاتسياسى الدىنان ارقا­شان كوك بايراعىمىز جەلبىرەيدى, – دەدى پرەزيدەنت. – كوك باي­را­عى­مىز اتا-بابالارىمىزدىڭ, با­تىر دا دانا بابالارىمىزدىڭ ارۋا­قىت­تا وسى بايراقتىڭ استىن­دا بىرىگىپ, ەرلىكپەن ەلدى, جەردى قورعاپ, وتان­دى امان ساقتاۋ جولىندا قو­لىنان تۇسكەن ەمەس. وسىدان جي­ىرما جىل بۇرىن ءبىز سول ءداستۇردى قايتا جانداندىرىپ, كوك بايراق­تى جەلبىرەتىپ, دۇنيە­جۇزىنە پاش ەتتىك. قازاقستاندى الەم سىيلاي­تىن ەل ەتتىك. سون­دىق­تان ءبىزدىڭ مەملەكەتتىك را­مىزدەرىمىز تۋى­مىز, ەلتاڭبامىز, ءانۇرانىمىز قازاقتىڭ بولاشا­عىنىڭ, ەلدىگىنىڭ ءراسىمى بولىپ تابىلادى. بۇل را­سىمدەردى سىي­لاۋ, قۇرمەتتەۋ ەلدىڭ پاتريوتتىق پا­رىزى بولۋى قا­جەت. وسىنىڭ تو­ڭىرەگىندە ءبىز جاس­­تاردى تاربيە­لەي ءبىلۋىمىز كەرەك. سوندىقتان استانانىڭ تۋ­عان كۇ­نىن اتاپ ءوتۋ كوك بايراقتى كو­تە­رۋ­­مەن باستال­دى, – دەدى ەلباسى. ودان ءارى ءسوزىن جالعاعان مەملەكەت باسشىسى: ءدال وسى كۇنى ءبىز­دىڭ مەملەكەتىمىزدە اسكەري جوعا­رى وقۋ ورىندارىن بىتىرگەن كۋر­سانت­تارعا اسكەري شەندەر تاپسى­رىلادى. بۇل ولاردىڭ حالىققا بەرگەن انتى بولىپ تابىلادى. ولار ەلگە ايانباي قىزمەت ەتىپ, وتا­نىمىزدى, جەرىمىزدى, شەكارا­مىزدى نىق قورعايدى دەگەن سەنىمدەمىز, دەدى. بۇگىندە جاس ەلوردامىز – استانا قالاسى بۇكىل الەمگە تانىل­دى. استانا – قازاقستاننىڭ جاۋ­ھا­رى. استانا – قازاقستاننىڭ قاق­­پاسى. مۇندا ەقىۇ ءسامميتى ءوتتى. ەندى بىزدەر مۇندا يسلام ىن­تىماقتاستىق ۇي­ىمىنا تور­اعا­لىق ەتۋدەمىز. مۇندا نەبىر ازيا­لىق وي­ىندار, ەكونوميكالىق فورۋمدار ءوتتى. دەمەك, استانا ار­قىلى قا­زاق­ستاندى الەم ءبىلىپ, تا­نىپ وت­ىر. استانانى ءبارى ماقتا­نىش ەتەدى. كۇنبە كۇن ەلوردادا جاڭا, تاماشا ءبىر عاجايىپ عيما­رات­تاردى كەزدەستىرەمىز. ءبىزدىڭ عا­جايىپ ار­حيتەكتۋرالىق قۇرىلىس­تا­رى­مىز الەمنىڭ وزىق تەلەارنا­لارىنان كورسەتىلۋدە. وسى ارقى­لى ءبىز اس­تانانىڭ ەۋرازيا قۇرلى­عىنىڭ كىن­دىگىنە اينالىپ كەلە جات­­قان­دىعىن دالەلدەۋدەمىز. 20 جىلدىق تاۋەلسىزدىك ىشىندە ءبىز كوپتەگەن كەلەلى جەتىستىكتەرگە قول جەتكىزدىك, دەدى ودان ءارى ەلباسى. ەندى اتالعان مەرەكەگە وراي ءبىز جاڭا قۇرىلىستاردى, رەسپۋبليكا بويىنشا جاڭا كاسىپورىن­داردى اشىپ وتىرمىز, دەدى ەلب­ا­سى سال­تاناتتى شارا بارىسىندا. وندا مىڭ­داعان ادام جۇمىس ىستەيتىن بو­لادى. ءبىرىنشى شىلدەدەن باستاپ بارلىق بيۋدجەتتىك مەكەمە قىز­مەتكەرلەرىنىڭ ەڭبەكاقىسى كو­بەي­دى. ءبىرىنشى قاڭتاردان باستاپ 30 پايىزعا زەينەتكەرلەردىڭ زەي­نەت­اقىسى ارتتى. بۇل ءبىزدىڭ ەكو­نو­ميكامىزدىڭ, ەلىمىزدىڭ ويدا­عى­داي جۇمىس ىستەپ كەلە جات­قان­دىعىن بىلدىرەدى. ءبىز مۇنىڭ با­رىنە حا­لىق­تىڭ اراسىنداعى بىر­لىك­تىڭ, دوس­تىقتىڭ, ىنتىماقتاس­تىقتىڭ ار­­قاسىندا قول جەتكىزدىك. ءبىزدىڭ ال­دىمىزدا ەندى مۇنان دا اسقا­رالى, بيىك, ياعني ەلىمىزدى ين­دۋس­تريا­لان­دىرۋ, جاڭا ەكونومي­كانى قۇرۋ مىندەتتەرى تۇر, ءبىز بۇل جۇمىستى ەكىنشى جىل قاتارىنان اتقارىپ كەلەمىز. بىلتىر 152 نىساندى اشتىق, بيىل تاعى 200 نىساندى پايدالانۋعا بەرەمىز. جۇز­­دەگەن مىڭ قازاقستاندىق جۇ­مىسپەن قام­تاماسىز ەتىلەدى. وت­كەن ساي­لاۋ­لار ءبىزدىڭ حالقى­مىز­دىڭ بىرلىگىن ايقىنداپ بەردى. ءبىز وسى بىر­لىكتىڭ ارقاسىندا كوپ­تەگەن قيىن­شى­­لىق­تاردى ەڭسەرە بىلدىك. ودان ءارى پرەزيدەنت اسكەري وقۋ ورىندارىن تامامداعان كۋر­سانت­تار­دى, ولاردىڭ اتا-انالا­رىن قۇت­تىق­تاي وتىرىپ, اسكەري وقۋدى بىتىرگەن جاستاردىڭ بار­لى­عىنا دەن­ساۋلىق, زور تابىس, ءىرى جەتىستىكتەرگە قول جەتكىزۋگە شىن جۇ­رەك­تەن تىلەك ءبىلدىردى. بۇگىن مەن ەلى­مىزدىڭ اس­كەري جوعارى وقۋ ورىن­دارىن تا­مامداعان اسكەري تۇلەكتەرىمىزگە شەن تاپسىردىم. ارينە, جىل سا­يىن ەلىمىزدىڭ اس­كەري وقۋ ورىن­دارىن جۇزدەگەن تۇ­لەك ءبىتىرىپ شى­عا­دى. ءبىزدىڭ اس­كە­رىمىزگە, قۇقىق قور­عاۋ ورگان­دا­رىنا, توتەنشە جاع­داي­لار مينيسترلىگىنە جانە باسقا دا اسكەري ۇي­ىمدارعا جاس ماماندار قوسى­لىپ جاتىر. وسى ارقىلى ءبىز جاستارعا, تاۋەلسىزدىك قۇرداس­تارىنا بەت بۇرامىز. ءبىز مەملەكەت نەگىزىن سولار ءۇشىن قالاپ جاتىر­مىز جانە ءبىزدىڭ بولاشاعىمىز جاقسى قولدا بولاتىنىنا سەنەمىز. ويتكەنى, ەل جاستارعا سەنەدى, ال جاستار ەلگە قايمىقپاي قىزمەت ەتەتىنىنە سەنىمدىمىز, دەدى ەلباسى. مەملەكەت باسشىسىنىڭ قو­لى­­نان استانا مەرەكەسى كۇنى شەن العان باقىتتى كۋرسانتتار دا ەل­­باسىعا, حالىققا دەگەن اق­جار­قىن تىلەكتەرىن جاسىرمادى. بيىل ەلى­مىزدىڭ تاۋەلسىزدىگىنە 20 جىل. وسى­ناۋ ايتۋلى جىلى ءبىز وفي­تسەر رەتىندە اسكەري قىز­مەتى­مىزدى باس­تاي­مىز. بۇل بىزگە ۇلكەن مىندەت پەن زور جاۋاپكەرشىلىك جۇكتەيدى. بىزدەر – ەگەمەن ەلدىڭ جاس وفيتسەرلەرى بار كۇش-جىگەرىمىزدى قا­رۋ­لى كۇشتەر قا­تا­رىن نىعايتۋعا جۇمسايمىز. تاۋ­ەلسىز وتانى­مىز­عا, قازاق­ستان حالقى مەن ونىڭ تۇڭعىش پرەزيدەنتىنە ادال قىز­مەت ەتۋگە انت ەتەمىز! – دەدى سىمداي تار­تىل­عان ەل ەرتەڭىنىڭ ەرلەرى. الەكساندر تاسبولاتوۆ.