مودەراتور رەتىندە «اۋىل» پارتياسى ورتالىق اپپاراتى باسشىسىنىڭ ورىنباسارى ايگەرىم سارسەنباەۆا ءسوز سويلەپ, كونستيتۋتسيالىق جوبانى تالقىلاۋ بارىسىندا پىكىر الماسۋعا جانە ورتاق شەشىمدەر ازىرلەۋگە باسا نازار اۋدارۋ قاجەتتىگىن اتاپ ءوتتى.
وتىرىستى اشقان زاڭگەر, پارلامەنت ماجىلىسىندەگى «اۋىل» پارتياسى فراكتسياسى اپپاراتىنىڭ جەتەكشىسى جازيرا سۇلتانقۇلوۆا دەموكراتيالىق ينستيتۋتتاردى دامىتۋ تەك زاڭنامانى جەتىلدىرۋمەن شەكتەلمەيتىنىن, سونىمەن قاتار قوعام مۇشەلەرىنىڭ ەركىن پىكىر بىلدىرۋىنە جاعداي جاساۋمەن تىكەلەي بايلانىستى ەكەنىن ايتتى.
الماتى جاستارى مەن IT قاۋىمداستىق كونستيتۋتسيالىق رەفورمانى قولدايدى
ساياساتتانۋشى داۋرەن پىرىمبەتوۆ رەفورمالاردى تابىستى جۇزەگە اسىرۋدا قوعام بەلسەندىلىگى شەشۋشى ءرول اتقاراتىنىن, ال ازاماتتىق بىرلەستىكتەر مەن ساراپشىلاردىڭ قاتىسۋى حالىق مۇددەسىن بارىنشا ءدال جەتكىزۋگە مۇمكىندىك بەرەتىنىن جەتكىزدى.
سونىمەن قاتار ءىس-شاراعا ش. مۇرتازا اتىنداعى حالىقارالىق تاراز ۋنيۆەرسيتەتىنىڭ «ەكونوميكا جانە بيزنەس» فاكۋلتەتىنىڭ دەكانى جاراس قۋاتبەكوۆ, پارلامەنت ماجىلىسىندەگى «اۋىل» پارتياسى فراكتسياسى اپپاراتى باسشىسىنىڭ ورىنباسارى ايدا جاباعيەۆا قاتىسىپ, ءوز پىكىرلەرىن ءبىلدىردى.
باياندامالاردان كەيىن قاراستىرىلىپ وتىرعان تاقىرىپ بويىنشا پىكىر الماسۋعا باعىتتالعان تالقىلاۋ سەسسياسى ءوتتى.
كەزدەسۋ قورىتىندىسى بويىنشا قاتىسۋشىلار ورتاق تۇجىرىمعا كەلدى: جاڭا كونستيتۋتسيا – قاۋىپسىز, ادىلەتتى جانە تۇراقتى داميتىن مەملەكەتتىڭ بەرىك ىرگەتاسىن قالاۋعا مۇمكىندىك بەرەتىن ستراتەگيالىق تاڭداۋ.
