01 شىلدە، 2011

قازاقستان رەسپۋبليكاسى ۇكىمەتىنىڭ قاۋلىسى №740

221 رەت كورسەتىلدى
2011 جىلعى 30 ماۋسىم  استانا، ۇكىمەت ءۇيى جەڭىل ديستيللياتتاردى جانە ونىمدەردى، كەروسيندى جانە گازويلداردى اكەتۋگە ۋاقىتشا تىيىم سالۋدى ەنگىزۋ تۋرالى 2008 جىلعى 25 قاڭتارداعى ءۇشىنشى ەلدەرگە قاتىستى تاريفتىك ەمەس رەتتەۋدىڭ ءبىر­ىڭ­عاي شارالارى تۋرالى كەلىسىمنىڭ 9-بابىنا جانە 2009 جىلعى 9 ماۋسىمداعى ءۇشىنشى ەلدەرگە قا­تىستى بىرىڭعاي كەدەندىك اۋماقتا تاۋ­ارلاردىڭ سىرتقى ساۋداسىن قوزعايتىن شا­­را­لاردى ەنگىزۋ جانە قولدانۋ ءتارتىبى تۋ­رالى كەلىسىمنىڭ 8-ب­ابىنا سايكەس مۇناي ءونىم­دە­رى­نىڭ ىشكى نا­رى­عىندا مۇلدەم جەتىسپەۋشىلىكتى جانە باعانىڭ ءوسۋىن بولدىرماۋ ماق­سا­تىندا قا­زاقستان رەسپۋبليكاسىنىڭ ۇكىمەتى قاۋلى ەتەدى: 1. ارنايى بەنزيندەردەن (كو سەق تن كودى 2710 11 210 0 – 2710 11 250 0) جانە تۇر­مىس­تىق پەش وتىنىنان باسقا جەڭىل ديستيل­لياتتاردى جانە ونىمدەردى (كو سەق تن كودى 2710 11)، كەروسيندى (كو سەق تن كودى 2710 19 210 0 – 2710 19 250 0) جانە گازويلداردى (كو سەق تن كودى 2710 19 410 0 – 2710 19 490 0) اكەتۋگە التى اي مەرزىمگە تىيىم سالۋ ەنگىزىلسىن. 2. قازاقستان رەسپۋبليكاسى قارجى مي­نيس­تر­لىگىنىڭ كەدەندىك باقىلاۋ كوميتەتى زاڭ­ناما­دا بەلگىلەنگەن تارتىپپەن وسى قاۋلىنىڭ 1-تارماعىنىڭ ورىندالۋى بويىنشا باقىلاۋ­دى قامتاماسىز ەتسىن. 3. «قازاقستان تەمىر جولى» ۇلتتىق كومپا­نياسى» اكتسيونەرلىك قوعامى (كەلىسىم بويىن­شا) زاڭنامادا بەلگىلەنگەن تارتىپپەن وسى قاۋلىنىڭ 1-تارماعىن ىسكە اسىرۋ جونىندە شارالار قابىلدانسىن. 4. قازاقستان رەسپۋبليكاسى ەكونوميكا­لىق دامۋ جانە ساۋدا مينيسترلىگى بەلگىلەنگەن تارتىپپەن: 1) وسى قاۋلىنىڭ 1-تارماعىندا كورسەتىل­گەن تىيىم سالۋدىڭ ەنگىزىلگەندىگى تۋرالى كەدەن وداعىنا قاتىسۋشى مەملەكەتتەردى، سون­داي-اق كەدەن وداعى كوميسسياسىنىڭ حاتشى­لىعىن حاباردار ەتسىن; 2) كەدەن وداعى كوميسسياسىنىڭ قاراۋىنا وسى قاۋلىنىڭ 1-تارماعىندا كورسەتىلگەن شا­را­لاردى كەدەن وداعىنا قاتىسۋشى باسقا مەم­لە­كەتتەردىڭ قولدانۋى تۋرالى ۇسىنىستار ەنگىزسىن. 5. قازاقستان رەسپۋبليكاسى سىرتقى ىستەر مينيسترلىگى وسى قاۋلى رەسمي جاريالانعان كۇنىنەن باستاپ كۇنتىزبەلىك ون ءتورت كۇن ىشىندە قازاقستان رەسپۋبليكاسىنىڭ ۇكىمەتى قا­بىل­­دايتىن سىرتقى ساۋدا قىزمەتىن رەتتەۋ ءجو­نىن­دەگى شارالار تۋرالى ەۋرازيالىق ەكو­نو­مي­كالىق قوعامداستىقتىڭ ينتەگراتسيالىق كوميتەتىنىڭ حاتشىلىعىن حاباردار ەتسىن. 6. وسى قاۋلى 2011 جىلعى 1 شىلدەدەن باستاپ قولدانىسقا ەنگىزىلەدى جانە رەسمي جاريا­لانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار