ءبىز ازات ەلدىڭ ۇلانىمىز!

تاۋەلسىزدىكتى ءار ازامات ماق­تان تۇتادى. ال تاۋەلسىز ەلدە تۇرۋ ءار ادام ءۇشىن شىنايى با­قىت. جىلدار وتە «تاۋەلسىز ەل» دەگەن ءسوز تىركەسىنىڭ ءمانى كۇن­دەلىكتى بولىپ قالادى دا, بارلىق ادامدارعا بەلگىلى ۇع­ىم­دى جا­ڭا­لىق رەتىندە تانى­تۋ قيىن. سول سەبەپتەن حالىق ءوز بوستاندىعى تۋرالى جىلىنا ءبىر رەت قانا تاۋەلسىزدىك كۇنى ەسىنە الادى. بىراق 2011 جىلى ەمەس. 16 جەلتوقساندا تاۋەلسىز قازاقستان­نىڭ 20 جىلدىق مەرەيتويى اتا­لىپ وتەدى! بۇل, ءسوزسىز, ەرەكشە تويلاۋدى تالاپ ەتەتىن وقيعا. ءار قازاقستاندىق ەلىمىزدىڭ 20 جىل­دىق تاۋەلسىزدىك مەرەيتويىنا ءوزى­نىڭ قوماقتى ۇلەسىن قوسۋ ءۇشىن ارنايى «قازاقستان رەسپۋبليكاسى تاۋەلسىزدىگىنىڭ 20 جىلدىعىن ءوت­كى­زۋگە ارنالعان شارالاردىڭ تۇ­جى­رىمداماسى مەن جوسپارى» جا­سالعان. بۇل قۇرال ۇيىمداس­تى­رۋ­شىلار ءۇشىن «نۇسقاۋ» بولسا, قالا تۇرعىندارى ءۇشىن «ويىن-ساۋىق باعدارلاماسى» بولىپ تابىلادى. جىلدىڭ ءار ايى تاۋەلسىزدىككە باي­لانىستى بەلگىلى ءبىر تاقى­رىپ­قا ارنالعان جانە وسىعان وراي ءتۇرلى شارالار وتكىزىلەدى. مىسالى, قاڭتار – ازيادا ايى, ول قازاقستاننىڭ جەتىستىكتەرىن, ەكونوميكالىق قۋاتتىلىعىن جانە حالىقارالىق بەدەلىن كورسەتكەن. وسىعان سايكەس قاڭتار ايى سپورت ويىندارىنا, سايىستارىنا تولى بولىپ, كوڭىلدى يربي بارىسى ايا­سىن­دا ءوتتى. حالىق استانانىڭ سۋى­عى تۋرالى ۇمىتىپ, بارلىق نازارلارىن ءبىزدىڭ سپورتشىلارعا اۋداردى. ەلىمىزدىڭ تۇكپىر-تۇك­پى­رىنەن «العا, قازاقستان!» دەگەن داۋىستار ەستىلدى. قاڭتار قازاقستان رەسپۋبلي­كاسى تاۋەلسىزدىگىن حالىقارالىق مويىنداۋ ايى – اقپانعا ۇلاستى. ول تۋرالى بارىمىزگە بەلگىلى دەپ ويلايمىن. ازيادانى وتە جاقسى وتكىزىپ, ەقىۇ ءسامميتىنىڭ ءناتي­جەلەرىن قورىتىپ, سودان كەيىن... ناۋرىزدىڭ «داستۇرلەرىنە» كوش­تىك. قۇتتىقتاۋلاردىڭ باسىم كوپ­شىلىگىن ەلىمىزدىڭ نازىك تە سۇلۋ جاندارى – قىز-كەلىنشەكتەر, انالار, اپا-اجەلەر قابىلدادى. 8 ناۋرىز مەرەكەسى بيىل وتە اۋ­قىم­دى اتالىپ وتسە, ول ناۋرىز مەي­رامىمەن جالعاستى. ەلىمىزدىڭ بار­لىق بەلسەندىلەرى قىزۋ ارەكەت جاساپ, ءوز تانىستارى مەن كورشى­لەرىن قالانى گۇلدەندىرۋگە تار­تىپ, سەنبىلىكتەرىمىز دە جاقسى ءوتتى. ءساۋىر «عىلىم جانە تەحنولوگيا» ايى دەپ اتالدى. ستۋدەنت­تەر­دىڭ كەزى كەلدى. ولار وزدەرىن كور­سەتە الاتىن عىلىمي جەتىستىكتەر كورمەسى ءوتىپ, اقپاراتتىق تەحنولوگيالار ساياباقتارىنىڭ تۇساۋكە­سەر­لەرى ۇيىمداستىرىلدى. ما­مىر حالىق شەرۋلەرى جانە پا­راد­تارىمەن بەلگىلى بىرلىك ايى رەتىندە اتالدى. ول قازاقتاردىڭ ءتور­تىنشى قۇرىلتايىمەن اياقتالدى. ماۋسىم «وتانسۇيگىشتىك» باس­تا­ۋىمەن وتكىزىلىپ, مەملەكەتتىك رامىزدەر كۇنىن اتاپ وتۋگە جانە تاۋەلسىزدىكتىڭ 20 جىلدىعىنا ار­نالعان بىرقاتار فورۋمدار, سلەتتەر جانە اكتسيالار ۇيىمداس­تى­رىلدى. سونىمەن قاتار, بالالار­دى قورعاۋ كۇنى دە مەرەكەلەندى. شىلدە قازاقستاننىڭ ەلوردا­سى ايى بولىپ وتەدى. استانا كۇ­نىنە وراي وسىندا اۋقىمدى ءىس شارالار ۇيىمداستىرىلادى. بۇل مەرەكە ءار قازاقستاندىقتى بەيجاي قالدىرمايتىنى ءسوزسىز. سپورت شا­رالارى, كونتسەرتتەر, قايىرىم­دىلىق كەشتەر, سانسىز كونكۋرستار جانە فەستيۆالدار ءوزىن كۇتتىرىپ قويمايدى! بايقاپ وتىرساڭىز – بۇل وقيعا بارلىق جۇرتقا جاريا­لانادى. تامىز تاۋەلسىزدىكتىڭ قۇقىق­تىق نەگىزدەرىنە ارنالعان, بۇل «اتاۋ» 30 تامىز كونستيتۋتسيا كۇ­نىنە وراي­لاستىرىلعان. ءوزىنىڭ اتا­ۋىن اقتاپ تامىز ايى كونستي­تۋتسيانى ءتۇسىن­دىرەتىن وقىلىمدار جانە ءاس­كە­ري پارادپەن بارلى­عى­مىزدى قۋ­ان­­تادى, ال سپورت كۇنىنە بايلا­نىس­تى سپورت­تىق فورۋم ءوت­كىزىلەدى. ءبىز ءۇشىن تەرەڭ رۋحاني اي – قىر­كۇيەك ايى بولىپ كەلەدى, حا­لىققا تاتۋلىق پەن بىرلىك تۋرالى قا­زاقستان حالقىنىڭ تىلدەر فەستيۆالى ەسكە سالادى, ال پايدا بولعان سۇراقتارعا جاۋاپ بەرۋگە V ازا­ماتتىق فورۋم كومەكتەسەدى. سو­نىمەن قاتار, كۇز ءبىزدى تاعى دا قازاقستاننىڭ دراما تەاتر­لارى­نىڭ رەسپۋبليكالىق فەستيۆالى مەن «كاسپي – دوستىق تەڭىزى» ات­تى V حالىقارالىق فەستيۆالىمەن قۋانتادى. قىركۇيەكتە رۋحاني قۇندى­لىق­تاردى ەسكە العان سوڭ ءبىز ءوزى­مىزدىڭ ءتۇپ تامىرلارىمىزعا ورا­لامىز – «اۋىلدىڭ گۇلدەنۋى» اتتى قازان ايى كەلەدى. اگرو­ونەر­كاسىپ سالاسى ەڭبەككەرلەرىنىڭ  رەس­پۋب­ليكالىق فورۋمى, «بەرەكە باس­تاۋى» اتتى نان فەستيۆالى جانە قارتتار كۇنىنە ارنالعان بىرقاتار شارالار وتكىزىلەدى. قاراشا وزىمەن بىرگە قىستىڭ سۋىق تىنىسىن الىپ كەلەدى دە, ءبىزدى ۇلكەن قالالارعا ورالۋى­مىز­عا ءماجبۇر ەتەدى. سول سەبەپتەن وسى ايعا جەدەلدەتىلگەن يندۋس­تريا­لىق-يننوۆاتسيالىق دامۋ دەگەن ات بەرىلگەن, باستاپقىسى قا­راشادا قازاقستاننىڭ قارجىگەر­لەرى كونگرەسى وتەدى. وسىدان كەيىن ساپا سالاسىنداعى «التىن ساپا» كونكۋرسىنىڭ جەڭىمپازدارىن سال­تاناتتى ماراپاتتاۋ ءراسىمى ۇيىم­داس­تىرىلىپ, گازتۋربينالىق ەلەكتر ستانساسى ىسكە قوسىلادى. قا­راشا الىپ مۇناي-گاز كورمە­سى­مەن اياق­تالادى. 16 جەلتوقسان مەرەيتويدىڭ باس­تى كۇنى – «تاۋەلسىزدىك» جالا­ۋىنىڭ استىندا وتەتىن سانسىز شارالارمەن ءتامامدالادى. ءبىز وسى كۇندى ماڭگى ەسىمىزدە ساقتايمىز. بۇل جيىرما جىل تاريح ءۇشىن قاس قاعىم ءسات, بىراق ءبىز ءۇشىن ۇلكەن جەتىستىكتەرگە تولى. كوپ­شى­لىگىمىز 1991 جىلى دۇنيەگە كەلىپ, تاۋەلسىز قازاقستان ءبىزدىڭ, تاۋەل­سىزدىك قۇرداستارىنىڭ كوز الدىن­دا دامىپ, ءوسىپ, وركەندەۋ ۇستىندە. قازىر ءبىزدىڭ ماقساتىمىز – تۋعان جەرىمىزدىڭ ودان ءارى دامىپ, ءور­كەندەۋى ءۇشىن بارلىق كۇش-جىگە­رى­مىزدى سالۋ. ءبىز ءالى جاس بولعانمەن, بولاشاقتا ارقايسىسىمىز «مەن دە وسكەلەڭ قازاقستاندى كوتەرۋگە اتسالىستىم!» دەپ ماقتانىشپەن ايتا الامىز. نۇرسۇلتان ماحمەتوۆ, اقتوبە مەملەكەتتىك پەداگوگيكا ينستيتۋتىنىڭ ستۋدەنتى.