نەگىزگى كوميتەتتەر بەلگىلەندى

كەشە پارلامەنت سەناتىنىڭ توراعاسى قايرات ءماميدىڭ توراعالىق ەتۋىمەن بولعان پالاتا بيۋروسىنىڭ وتىرىسىندا ءماجىلىس ماقۇلداعان زاڭ جوبالارىن ودان ءارى قاراستىرۋ ءۇشىن نەگىزگى كوميتەتتەر بەلگىلەندى, دەپ حابارلادى وسى پالاتانىڭ ءباسپاسوز قىزمەتى. بيۋرو وتىرىسىندا زاڭناما  جانە قۇقىقتىق  ماسەلەلەر  كوميتەتىنە «قازاقستان رەسپۋب­لي­كا­سىنىڭ كەيبىر زاڭنامالىق اكتىلەرىنە ۇيىمداسقان قىلمىسقا قارسى ءىس-قيمىل ماسەلەلەرى بوي­ىنشا  وزگەرىستەر مەن تولىق­تى­رۋلار ەنگىزۋ تۋرالى» جانە «قازاقستان رەسپۋبليكاسى مەن كورەيا رەسپۋبليكاسى اراسىنداعى قىلمىستىق ىستەر بويىنشا ءوز­ارا قۇقىقتىق كومەك تۋرالى  شارت­تى راتيفيكاتسيالاۋ تۋرا­لى» زاڭ جوبالارى زەردەلەۋگە بەرىلدى. ال «ءبىلىم تۋرالى» زاڭعا  وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بوي­ىنشا الەۋمەتتىك-مادەني دامۋ كوميتەتى باس كوميتەت بولىپ بەلگىلەندى. ەكونوميكالىق جانە وڭىرلىك ساياسات كوميتەتى «باعا بەلگىلەۋ مەن تاريفتىك ساياسات نەگىزدەرىن قوسا العاندا, ەلەكتر ەنەرگەتي­كا­سى سالاسىنداعى تابيعي مونو­پوليالاردىڭ قىزمەتتەرىنە قول جەتكىزۋدى قامتاماسىز ەتۋ تۋرا­لى كەلىسىمدى راتيفيكاتسيالاۋ تۋ­رالى» جانە «كەلىسىلگەن ماكرو­ەكو­نوميكالىق ساياسات تۋرالى كە­لىسىمدى راتيفيكاتسيالاۋ تۋرالى» زاڭ جوبالارىن قارايتىن بولدى. قارجى جانە بيۋدجەت كوميتەتىنە «بىرىڭعاي ەكونوميكالىق كەڭىستىككە قاتىسۋشى مەملەكەتتەردەگى قىزمەتتەر كورسەتۋ ساۋ­داسى جانە ينۆەستيتسيالار تۋرا­لى كەلىسىمدى راتيفيكاتسيالاۋ تۋرالى», «وتپەلى كەزەڭ ىشىندە ارنايى قورعاۋ, دەمپينگكە قارسى جانە وتەماقى شارالارىن قول­دانۋ ءتارتىبى تۋرالى  كەلىسىمدى راتيفيكاتسيالاۋ تۋرالى» جانە «ونەركاسىپتىك سۋبسيديالاردى بەرۋدىڭ بىرىڭعاي قاعيدالارى تۋرالى كەلىسىمدى راتيفيكاتسيالاۋ تۋرالى» زاڭ جوبالارى بەرىلدى. بيۋرو وتىرىسىندا پالاتانىڭ الداعى, 23 ماۋسىمدا بولاتىن جالپى وتىرىسىنىڭ كۇن ءتارتىبى تۋرالى كوميتەتتەردىڭ ۇسىنىس­تارى قارالدى. جالپى وتىرىستا حالىقارا­لىق كەلىسىمدەر مەن شارتتار تۋ­رالى زاڭ جوبالارىنىڭ توپتاما­سى قارالاتىن بولدى. ال «قازاقستان رەسپۋبليكا­سى­نىڭ كەيبiر زاڭنامالىق اكتi­لەرiنە قۇقىق قورعاۋ قىزمەتىن جەتىلدىرۋ جانە قىلمىستىق  زاڭ­نامانى ودان ءارى ىزگىلەندىرۋ ماسەلەلەرi بويىنشا وزگەرiستەر مەن تولىقتىرۋلار ەنگiزۋ تۋرا­لى» زاڭ جوباسى ءبىرىنشى وقى­لىمدا قاراۋعا ۇسىنىلادى.