قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №468

2006 جىلعى 31 تامىز, استانا قالاسى «مەملەكەتتىك عىلىمي ۇيىمداردىڭ عىلىمي جانە ينجەنەرلىك-تەحنيكالىق قىزمەتكەرلەرىن اتتەستاتتاۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2002 جىلعى 27 جەلتوقسانداعى № 911 بۇيرىعىنا وزگەرىستەر مەن تولىقتىرۋلار ەنگىزۋ تۋرالى» بۇيىرامىن: 1. «مەملەكەتتىك عىلىمي ۇيىمداردىڭ عىلىمي جانە ينجەنەرلىك-تەحنيكالىق قىزمەتكەرلەرىن اتتەستاتتاۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2002 جىلعى 27 جەلتوقسانداعى № 911 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2171 تىركەلگەن, ورتالىق اتقارۋشى جانە باسقا دا مەملەكەتتىك ورگانداردىڭ نورماتيۆتىك قۇقىقتىق اكتىلەر بيۋللەتەنىندە 2003 ج., № 23-24, 855-قۇجاتتا جاريالانعان, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3653 تىركەلگەن قازاقستان رەسپۋبليكاسى ءبىلىم جانە عىلىم ءمينيسترىنىڭ 2005 جىلعى 19 مامىرداعى № 311 بۇيرىعىنا سايكەس ەنگىزىلگەن وزگەرىستەر مەن تولىقتىرۋلار) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن مەملەكەتتىك عىلىمي ۇيىمداردىڭ عىلىمي جانە ينجەنەرلىك-تەحنيكالىق قىزمەتكەرلەرىن اتتەستاتتاۋ ەرەجەسىندە: 5-تارماق مىناداي رەداكتسيادا جازىلسىن: «5. اتتەستاتتاۋدان جۇكتى ايەلدەر بوساتىلادى. ەڭبەك دەمالىسىنداعى تۇلعالار, بالا كۇتۋ دەمالىسىنداعى ايەلدەر, سونداي-اق دالەلدى سەبەپتەر بويىنشا قاتىسپاعاندار جۇمىسقا شىققاننان كەيىن اتتەستاتتاۋدان وتەدى.»; 7-تارماق مىناداي رەداكتسيادا جازىلسىن: «7. مەملەكەتتىك عىلىمي ۇيىمداردا, ونىڭ ىشىندە ەنشىلەس مەملەكەتتىك كاسىپورىنداردا, اتتەستاتتاۋدى وتكىزۋ ءۇشىن 7 ادامنان تۇراتىن اتتەستاتتاۋ كوميسسيالارى قۇرىلادى, ولار اتتەستاتتاۋدىڭ نىسانى مەن راسىمدەرىن, اتتەستاتتاۋدى وتكىزۋدىڭ ناقتى مەرزىمدەرىن ايقىندايدى, اتتەستاتتالۋشىنىڭ جۇمىسىنا تالداۋ جاسايدى, اتتەستاتتاۋدىڭ قورىتىندىلارى بويىنشا شەشىمدەر شىعارادى.»; 8-تارماق مىناداي رەداكتسيادا جازىلسىن: «8. مەملەكەتتىك عىلىمي ۇيىمنىڭ اتتەستاتتاۋ كوميسسياسى كادر قىزمەتىنىڭ ۇسىنىسى بويىنشا عىلىمي ۇيىمنىڭ باسشىسىمەن قۇرىلادى. ەنشىلەس مەملەكەتتىك كاسىپورىننىڭ اتتەستاتتاۋ كوميسسياسى نەگىزگى جانە ەنشىلەس كاسىپورىنداردىڭ كادر قىزمەتتەرىنىڭ ۇسىنىسى بويىنشا نەگىزگى كاسىپورىننىڭ باسشىسىمەن قۇرىلادى.»; 9-تارماق مىناداي رەداكتسيادا جازىلسىن: «9. مەملەكەتتىك عىلىمي ۇيىمداردىڭ اتتەستاتتاۋ كوميسسياسىنىڭ قۇرامىنا اتتەستاتتاۋ وتكىزىلەتىن عىلىمي ۇيىمنىڭ باسشىلارى, كادر جانە زاڭ قىزمەتتەرىنىڭ قىزمەتكەرلەرى جانە ءبىلىمنىڭ بەلگىلى ءبىر سالاسىندا عىلىمي جانە (نەمەسە) عىلىمي-تەحنيكالىق قىزمەتتى جۇزەگە اسىراتىن باسقا دا ۇيىمداردىڭ وكىلدەرى كىرەدى. عىلىمي ۇيىمنىڭ باسشىسى اتتەستاتتاۋ كوميسسياسى مۇشەلەرىنىڭ اراسىنان كوميسسيانىڭ توراعاسى مەن حاتشىسىن تاعايىندايدى. ەنشىلەس مەملەكەتتىك كاسىپورىننىڭ اتتەستاتتاۋ كوميسسياسىنىڭ قۇرامىنا اتتەستاتتاۋ وتكىزىلەتىن عىلىمي ۇيىمنىڭ باسشىلارى, كادر جانە زاڭ قىزمەتتەرىنىڭ قىزمەتكەرلەرى, نەگىزگى كاسىپورىننىڭ جانە ءبىلىمنىڭ بەلگىلى ءبىر سالاسىندا عىلىمي جانە (نەمەسە) عىلىمي-تەحنيكالىق قىزمەتتى جۇزەگە اسىراتىن باسقا دا ۇيىمداردىڭ وكىلدەرى كىرەدى. نەگىزگى كاسىپورىننىڭ باسشىسى اتتەستاتتاۋ كوميسسياسى مۇشەلەرىنىڭ اراسىنان كوميسسيانىڭ توراعاسى مەن حاتشىسىن تاعايىندايدى.»; 10-تارماق مىناداي رەداكتسيادا جازىلسىن: «10. اتتەستاتتاۋ كوميسسياسىنىڭ جەكە قۇرامى مەن وكىلەتتىك مەرزىمى عىلىمي ۇيىم باسشىسىنىڭ بۇيرىعىمەن انىقتالادى.»; 11-تارماق مىناداي مازمۇنداعى ابزاتسپەن تولىقتىرىلسىن: «عىلىمي قىزمەتكەرلەردى اتتەستاتتاۋ كەزىندە, ولاردىڭ جاريالانىمدىق بەلسەندىلىگىن جانە عالىمنىڭ تسيتاتالىق يندەكسىن (بەلگىلى ءبىر ۋاقىت ارالىعىنداعى وتاندىق جانە شەتەلدىك عالىمدار مەن مامانداردىڭ وسى عالىمنىڭ ەڭبەكتەرىنە سىلتەمە جاساۋلارىنىڭ سانى) ەسەپتەۋ قاجەت. عالىمنىڭ تسيتاتالىق يندەكسىن قازاقستاننىڭ عىلىمي-تەحنولوگيالىق دامۋىنىڭ باسىم پروبلەمالارى جونىندەگى عالىمدار مەن مامانداردىڭ جاريالانىمدارى بويىنشا قۇرىلعان اقپاراتتىق رەسۋرستار بازاسىندا قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتى ۇلتتىق عىلىمي-تەحنيكالىق اقپارات ورتالىعى انىقتايدى جانە اتتەستاتتاۋ كوميسسياسىنىڭ سۇراتۋى بويىنشا ۇسىنىلادى. تسيتاتالىق يندەكس جۇرگىزىلىپ وتىرعان زەرتتەۋلەردىڭ ەرەكشەلىگىن ەسكەرە وتىرىپ قولدانىلادى (قىزمەت بابىندا پايدالانۋ ءۇشىن, قۇپيا, وتە قۇپيا, اسا ماڭىزدى).»; كورسەتىلگەن بۇيرىقپەن بەكىتىلگەن مەملەكەتتىك عىلىمي ۇيىمداردىڭ عىلىمي جانە ينجەنەرلىك-تەحنيكالىق قىزمەتكەرلەرىن اتتەستاتتاۋ ەرەجەسىنىڭ قوسىمشاسى: مىناداي مازمۇنداعى 3-1 جانە 3-2-تارماقتارمەن تولىقتىرىلسىن: «3-1. عىلىمي قىزمەتكەردىڭ جاريالانىمدارىنىڭ سانى, سونىڭ ىشىندە سوڭعى بەس جىلدا. 3-2. عالىمنىڭ تسيتاتالىق يندەكسى». 3. عىلىم دەپارتامەنتى (ۆ.ۆ.موگيلنىي) بەلگىلەنگەن تارتىپپەن وسى بۇيرىقتى قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن. 4. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-ءمينيسترى ا.ق.ابدىمومىنوۆقا جۇكتەلسىن. 5. وسى بۇيرىق رەسمي جاريالانعان كۇنىنەن باستاپ قولدانىسقا ەنگىزىلەدى. مينيستر ب.ءايتىموۆا. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2006 جىلعى 31 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №4397 بولىپ ەنگىزىلدى.