قازاقستان رەسپۋبليكاسى تۋريزم جانە سپورت مينيسترلىگىنىڭ بۇيرىعى №02-02-18/74

2011 جىلعى 29 ءساۋىر, استانا قالاسى دەنە شىنىقتىرۋ جانە سپورت سالاسىنداعى بالالار مەن جاسوسپىرىمدەر كلۋبتارىنىڭ قىزمەتىن ۇيىمداستىرۋ ەرەجەسىن بەكىتۋ تۋرالى قازاقستان رەسپۋبليكاسى «دەنە شىنىقتىرۋ جانە سپورت تۋرالى» زانىنىڭ 23-بابىنىڭ 21) تارماقشاسىنا سايكەس بۇيىرامىن: 1. قوسا بەرىلىپ وتىرعان دەنە شىنىقتىرۋ جانە سپورت سالاسىنداعى بالالار مەن جاسوسپىرىمدەر كلۋبتارىنىڭ قىزمەتىن ۇيىمداستىرۋ ەرەجەسى بەكىتىلسىن. 2. سپورت كوميتەتى وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن جانە مەملەكەتتىك تىركەلگەننەن كەيىن ونى بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تۋريزم جانە سپورت ۆيتسە-ءمينيسترى م.ە. وماروۆقا جۇكتەلسىن. 4. وسى بۇيرىق العاشقى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر    ت. ەرمەگياەۆ. قازاقستان رەسپۋبليكاسى تۋريزم جانە سپورت ءمينيسترىنىڭ 2011 جىلعى 29 cاۋىردەگى  № 02-02-18/74 بۇيرىعىمەن  بەكىتىلگەن دەنە شىنىقتىرۋ جانە سپورت سالاسىنداعى بالالار مەن جاسوسپىرىمدەر كلۋبتارىنىڭ قىزمەتىن ۇيىمداستىرۋدىڭ ەرەجەسى 1. جالپى ەرەجەلەر 1. وسى دەنە شىنىقتىرۋ جانە سپورت سالا­سىن­داعى بالالار مەن جاسوسپىرىمدەر كلۋبتارىنىڭ قىزمەتىن ۇيىمداستىرۋدىڭ ەرەجەسى (بۇدان ءارى – ەرەجە) «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ زاڭىنا سايكەس ازىرلەندى جانە دەنە شىنىقتىرۋ مەن سپورت سالا­سىن­داعى بالالار مەن جاسوسپىرىمدەر كلۋبتارىنىڭ (بۇدان ءارى – كلۋبتار) قىزمەتىن رەتتەيدى. 2. كلۋبتىڭ باستى ماقساتى: 1) دەنە شىنىقتىرۋ جانە سپورتپەن شۇعىل­دانۋ ارقىلى سالاماتتى ءومىر سالتىن قالىپ­تاستىرۋ; 2) تۇلعانىڭ شىعارماشىلىق الەۋەتىن اشۋ ارقىلى جان-جاقتى دامۋى ءۇشىن جاعدايلار جاساۋ; 3) بالالار مەن جاسوسپىرىمدەردى دەنە شى­نىق­تىرۋ جانە سپورتپەن جۇيەلى شۇعىلدانۋعا تارتۋ; 4) ولاردىڭ دەنساۋلىعى مەن دەنە تاربيەسىن نىعايتۋعا باعىتتالعان بالالار مەن ءجاسوس­پىرىمدەر اراسىندا دەنە شىنىقتىرۋ-ساۋىقتىرۋ جانە تاربيە جۇمىستارىن جۇزەگە اسىرۋ; 2. كلۋب قىزمەتىن ۇيىمداستىرۋ 3. سپورت تۇرلەرى بويىنشا سەكتسيالار (بۇدان ءارى – سەكتسيالار) كلۋبتىڭ قۇرىلىمدىق بولىمشەسى بولىپ تابىلادى, سەكتسيالاردى ۇيىمداستىرۋ كلۋبتىڭ پەداگوگيكالىق كەڭەسى بەكىتەتىن وقۋ جوسپارىمەن, جىلدىق كۇنتىزبەلىك جوسپارمەن جانە وقۋ كەستەسىمەن رەتتەلەدى. 4. كلۋبتىڭ جۇمىس ۋاقىتى ىشكى ءتارتىپ ەرەجەلەرىمەن انىقتالادى. 5. سەكتسيالاردىڭ جۇمىسى جۇمىس جوسپارى­نا قاراي تولىق كۇنتىزبەلىك جىلعا ۇيىم­داستىرىلادى. جازعى دەمالىس كەزىندە سەكتسيالار ارنايى كەستە بويىنشا (سونىڭ ىشىندە وقۋشىلاردىڭ جاڭا جانە اۋىسپالى قۇرامىمەن) جۇمىس ىستەۋى مۇمكىن. 6. سەكتسيالاردىڭ تولىقتىعى تومەندەگىدەي تالاپتاردى ەسكەرە وتىرىپ, نورماعا سايكەس بولۋى قاجەت: 1) سەكتسيالاردىڭ ساندىق قۇرامى سپورت تۇرىنە بايلانىستى انىقتالادى; 2) ءبىر توپتاعى بالالاردىڭ جاس ايىرماشى­لىعى ءۇش جاستان اسپاۋى قاجەت; 3) توپتىڭ سانى كلۋبتىڭ جارعىسىنا سايكەس وقۋ-جاتتىعۋ ۇدەرىسىن جۇزەگە اسىرۋدىڭ شارتتارى­نا بايلانىستى انىقتالادى. 7. كەستەنى جاساعان كەزدە مەكتەپتەگى, ارناۋلى ورتا جانە كاسىپتىك-تەحنيكالىق وقۋ ورىندارى وقۋشىلارىنىڭ بوس ۋاقىتى مەن جۇمىسباستىلىق كولەمىن ەسكەرۋ قاجەت. 8. سەكتسيالاردىڭ جۇمىسىن ۇيىمداستىرۋ نورماتيۆتىك-قۇقىقتىق اكتىلەردى مەملەكەتتىك تىركەۋدىڭ رەەسترىندە №2816 تىركەلگەن, قازاقستان رەسپۋبليكاسى تۋريزم جانە سپورت جونىندەگى اگەنتتىگى توراعاسىنىڭ م.ا. 2004 جىلى 27 ناۋرىزداعى №06-2-2/97 بۇيرىعىمەن بەكىتىلگەن دەنە شىنىق­تىرۋ, سپورت جاتتىعۋلارى مەن بۇقارالىق سپورت­تىق ءىس-شارالاردى وتكىزۋ كەزىندەگى قاۋىپسىزدىك پەن سانيتارلىق-گيگيەنالىق نورمالار ەرەجەسىنىڭ تا­لاپ­تارىنا ساي بولۋى قاجەت. 9. سەكتسيالارداعى بالالاردىڭ سانى سپورت تۇرىنە قاراي 25 ادامنان اسپاۋى قاجەت. 3. كلۋبتى باسقارۋ 10. كلۋبتى باسقارۋ القالىق قاعيداتتارى بويىنشا جۇزەگە اسىرىلادى. القالىق باسقارۋدىڭ ءتۇرى كلۋبتىڭ پەداگوگيكالىق كەڭەسى بولىپ تابىلادى. 11. كلۋبتى تىكەلەي باسقارۋدى دەنە شىنىق­تىرۋ جانە سپورت سالاسىنداعى جەرگىلىكتى اتقارۋ­شى ورگاندار تاعايىندايتىن ديرەكتور جۇزەگە اسىرادى. 12. كلۋبتىڭ ديرەكتورى دەنە شىنىقتىرۋ جانە سپورت سالاسىنداعى جەرگىلىكتى اتقارۋشى ورگاننىڭ كەلىسىمى بويىنشا كلۋبتىڭ شتاتتىق كەستەسىن, كلۋب قىزمەتكەرلەرىنىڭ قىزمەتتىك نۇسقاۋ­لىق­تارىن, وقۋ جىكتەمەسىنىڭ كولەمىن بەكىتەدى.   4. وقۋ-جاتتىعۋ ۇدەرىسىن ۇيىمداستىرۋ 13. وقۋ-جاتتىعۋ ۇدەرىسى بالالاردىڭ جۇ­مىسقا قابىلەتتىلىگى, ولاردىڭ دامۋ ديناميكاسى, وقۋ ماتەريالدارىن يگەرۋ ەرەكشەلىكتەرى مەن مۇمكىندىكتەرى جانە وقۋشىنى ودان ءارى جەتىل­دىرۋدىڭ كەلەشەك قاعيداتتارى نەگىزىندە جۇزەگە اسىرىلادى. وقۋ اپتاسى ىشىندە ساباقتاردىڭ ۇزاقتىعىن (3-4 كۇن) دەنە شىنىقتىرۋ جانە سپورت سالاسىنداعى جەرگىلىكتى اتقارۋشى ورگاننىڭ كەلىسىمى بويىنشا پەداگوگيكالىق كەڭەس بەكىتەدى جانە كلۋبتىڭ جارعىسىندا تىركەلەدى. 14. بالالار مەن جاسوسپىرىمدەردى كلۋبقا قابىلداۋ اتا-انالارىنىڭ (زاڭدى وكىلدەرى, قام­قور­شىلارى, قورعانشىلارى) اتىنان كلۋب ديرەك­تورىنىڭ اتىنا ءوتىنىش, وعان قوسا وقۋ ورنىنان انىقتاما, ەكى 3ح4 سۋرەت, دەنساۋلىعى تۋرالى مەديتسينالىق انىقتاما ۇسىنۋ ارقىلى جۇزەگە اسىرىلادى. كلۋبقا قابىلداۋعا ۇسىنىلعان قۇجاتتاردى پەداگوگيكالىق كەڭەس 3 كۇن ىشىندە قارايدى. كورسەتىلگەن قۇجاتتار توپتاماسىن تولىق ۇسىنباۋ كلۋبقا قابىلداۋدان باس تارتۋعا نەگىزدەمە بولىپ تابىلادى. 15. كلۋبتان شىعارۋ اتا-انالارىنىڭ (زاڭدى وكىلدەرى قامقورشىلارى, قورعانشىلارى), ءوتىنىش­تەرى نەگىزىندە سونداي-اق بالا ساباققا دالەلسىز سەبەپتەرمەن 1 ايدان كوپ ۋاقىت قاتىسپاسا, پەداگو­گيكالىق كەڭەستىڭ شەشىمىمەن جۇزەگە اسىرىلادى. 16. وقۋ-جاتتىعۋ ۇدەرىسى جەكە نەمەسە با­لانىڭ جاسى مەن جەكە مۇمكىندىكتەرىن ەسكەرە وتىرىپ, جيناقتالاتىن توپتا (شاعىن توپ) ۇيىم­داستىرىلادى. 5. وقۋ-جاتتىعۋ ۇدەرىسىنىڭ قاتىسۋشىلارى 17. بالالار, جاسوسپىرىمدەر جانە ولاردىڭ اتا-انالارى (زاڭدى وكىلدەرى, قامقورشىلارى, قور­عان­شىلارى), كلۋبتىڭ پەداگوگيكالىق, مەديتسي­نالىق قىزمەتكەرلەرى بولىپ تابىلادى. 18. كلۋبتاعى نۇسقاۋشى-ادىسكەر مەن جات­تىقتىرۋشى-وقىتۋشىنىڭ لاۋازىمدىق بىرلىكتەرى سپورت تۇرلەرى بويىنشا سەكتسيالاردىڭ سانىنا بايلانىستى انىقتالادى. قىزمەتتى ۇستاۋ مەن ونىڭ نەگىزگى باعىتىنا قاراي كلۋبتا پەداگوگ-پسيحولوگ, مەدبيكە-ماسساج­شى, ەمدىك دەنە شىنىقتىرۋ ماماندارى, الەۋمەت­تىك پەداگوگ قىزمەتتەرىنىڭ لاۋازىمدارى قاراستىرىلادى. بۇيرىق قازاقستان رەسپۋبليكاسىنىڭ ءادى­لەت مينيسترلىگىندە 2011 جىلعى 20 مامىر­دا نورماتيۆتىك قۇقىقتىق كەسىمدەردى مەملەكەتتىك ءتىر­كەۋدىڭ تىزىلىمىنە №6970 بولىپ ەنگىزىلدى.