كەزەكتى «قازاق كۇنتىزبەسى» شىقتى

ادەتتە كۇنتىزبەلەر ۋاقىتتان وزىڭقىراپ جارىق كورەدى. قاجەت كەزىندە پايدالانۋ ءۇشىن ول تۇ­تىنۋشى-وقىرماننىڭ قولىنا ەرتەرەك ءتيۋى كەرەك. وسىنداي ماق­ساتپەن الداعى 2012 جىلعى ارنال­عان «قازاق كۇنتىزبەسى» «قازاق­ستان» باسپا ءۇيى» باسپاسىنان جا­رىققا شىقتى. ۇقىپتى ادامعا, ءتىپتى ءبىر وتباسىنا, مەكەمەلەرگە جىل بويى سەرىك بولاتىن, قىزمەت ەتەتىن وسى­ناۋ قۇرال-كىتاپ جىل سايىن قولعا تيگەندە, وسى كۇنتىزبەنى ءوز قولى­مەن جاساپ كەلە جاتقان قارىمدى قالامگەر نۇرماحان ورازبەككە ريزا بولاسىڭ. ۇلتىمىزدىڭ ءبىر كۇندىلىعىنا اينالعان وسىناۋ ءبىر شارۋانى مىناۋ تيىن ساناعان زاماندا پايداسى جوق دەپ جولعا تاستاماي, جالعاپ كەلە جاتقانىنا (كەزىندە ءبىر-ەكى جىل ءۇزىلىس تە بولعان) راحمەت ايتاسىڭ. جالپى كۇنتىزبەنى شىعارۋ وڭاي دا شارۋا ەمەس ەكەن. ونى شىعارۋشىلاردىڭ ايتۋىنا قارا­عاندا, ەڭ قيىنى تاراتۋ كورىنەدى. جارىق كوردى عوي, جۇرت ەرتەلى-كەش الا جاتار دەيتىن ەمەس, ول كەلەسى جىلدىڭ باسىنا دەيىن تۇتىنۋ­شى­نىڭ قولىنا تيمەسە ءمانىن جويادى. بۇرىنعى جوسپارلى زاماندا پوشتا ارقىلى تاراسا, قازىر باسپانىڭ ءوزى تاراتادى. ال وعان باسپانىڭ مۇمكىندىگى تىم شەكتەۋلى. وسىن­داي كەرەك دۇنيە جارىققا شى­عىپ­تى, ونى ءوز ايماعىمىزدىڭ حال­قى­نا جەتكىزۋگە مۇرىندىق بولايىق­شى دەيتىن باسشى ازاماتتار تا­بىلسا دەپ ارماندايدى باسپاگەرلەر. ەندى وسى كۇنتىزبەنىڭ ماز­مۇنى­نا از-كەم توقتالعان ءجون بولار. ەڭ الدىمەن ول كۇننىڭ شىعۋى مەن باتۋ مەرزىمىن ءدال كورسەتەتىن قۇرال رەتىندە شارۋا باققان ادامنىڭ قاجەتىن وتەيدى. جالپى ۋاقىتىن قادىرلەيتىن ادام ۇنەمى وعان قاراپ وتىرادى. ال ءبىز, قالىپتاسقان ءداستۇر بو­يىنشا كۇنتىزبەدەن ەلىمىزدە بولعان ايتۋلى وقيعالاردان, ەسىمىن ەل قادىرلەيتىن قايراتكەر­لەرى­مىزدىڭ ومىرىنەن, اسىرەسە ولاردىڭ مۇشەل تويى قارساڭدارىندا ماع­لۇماتتار الۋدى ءجون سانايمىز. جالپى مۇشەل توي دەگەندە, سول ارداقتىلارىمىزدىڭ 70, 80, 90 جاستارىن اتاعان ءجون عوي, سويتسە دە عاسىرلىق جاستىڭ ورنى بولەكتەۋ. سول الداعى جىلدا تالاي قايراتكەرلەرىمىزدىڭ 100 جىل­دىقتارى اتاپ وتىلەدى ەكەن. ەڭ الدىمەن قازاقتىڭ اتىن الەمگە تانىتقان ۇلى تۇلعامىز ءدىن­مۇ­حامەد احمەت ۇلى قوناەۆتىڭ 100 جىلدىعى جىل باسىندا اتاپ وتىلەدى. كۇنتىزبەنىڭ ەكى بەتى وسى­ناۋ وقيعاعا ارنالىپتى. مۇنى دا ۇلى تۇلعاعا ورىندى باعا دەرسىڭ. اتاقتى ونەر تارلاندارى, جەز­تاڭداي انشىلەرىمىز كۇلاش باي­سەيىتوۆا مەن جامال وماروۆانىڭ, مىڭ بۇرالعان ءبيشىمىز شارا جيەنقۇلوۆانىڭ, عىلىمنىڭ بيىگىنە كوتەرىلگەن شاپىق شوكين مەن ۋفا احمەتسافين سىندى عالىمدارىمىزدىڭ, ەلىنە ولشەۋ­سىز قىزمەت ەتكەن ساياسي قايرات­كەرلەرىمىز فازىل كارىبجانوۆ پەن ءىلياس وماروۆتىڭ 100 جىل­دىق­­ت­ارىن ەلىمىز اتاپ وتەدى, ولاردىڭ ومىرلەرىن جاس ۇرپاققا ونەگە ەتەدى. ولار تۋرالى جازۋدىڭ دا ءتۇرلى جولى بار. «قازاق كۇنتىزبەسىن» قۇراۋشىلار ادەتتەگىدەي تىم رەسميلەپ, ولاردىڭ اتقارعان ءىسىن تولىق ءتىزىپ شىعۋعا بوي ۇرماي, ەركىندەۋ, سول تۇلعالارىمىزدىڭ قو­عامداعى ورنىن ادامي تۇرعىدا سيپاتتاپ كورسەتۋدى ءجون ساناعانى دا ورىندى-اۋ دەرسىڭ. اڭگىمە نازار اۋدارۋدا. جان-جاقتى ماع­لۇ­مات­تاردى باسقا جاقتان ىزدەۋگە جول اشۋدا. كۇنتىزبەنى اقتارعان ادام ودان كوپ نارسە تابادى. باسقارۋ ونەرى جايلى ۇلىلاردىڭ ۇلاعاتى, عى­لىم سالالارى, كوپ تاراعان اۋرۋ­لاردى قاراپايىم ەمدەۋ جولدارى, بابالاردان جەتكەن ءسوز, قازاقتىڭ ماقال-ماتەلدەرى, ەزۋ تارتقىزار ازىلدەر, بالالارعا – بازارلىق, زا­لا­لى جوق, پايداسى كوپ كەڭەستەر – ءبارى وسىندا جانە دە رەسمي ەمەس, جانىڭا جاقىن تيەر قاراپايىم دا شۇرايلى تىلمەن ورنەكتەلىپ جازىلعان. بۇل كۇنتىزبە-كىتاپتى العان ادام وكىنبەيدى, كوپ ادام­عا ونىڭ قاجەتتىگى بار. تەك ءبىر وكىنىش – تارالىمى از, بار-جو­عى 8 مىڭ (ونىڭ 2 مىڭى مەملەكەتتىك تاپ­سىرىس). ودان دا وتكەن وكىنىش – سول از دەپ قومسىن­عان تارا­لىم­نىڭ ءوزىنىڭ ءوتۋى قيىن كورىنەدى. ماماديار جاقىپ.