جاپونياعا كومەك كورسەتۋ جالعاسادى

قازاقستان رەسپۋبليكاسىنىڭ مادەنيەت ءمينيسترى مۇحتار قۇل-مۇحاممەد جاپونيانىڭ قازاقستانداعى توتەنشە جانە وكىلەتتى ەلشىسى يۋدزو حارادا مىرزامەن كەزدەستى. كەزدەسۋدە م.­قۇل-مۇ­حام­مەد الدىمەن ەلشىگە جاپو­نياداعى جەر سىلكىنىسى كەزىندە ورىن العان سۇراپىل اپاتتىڭ قۇرباندارىنا بايلانىستى قايعىعا ورتاقتاستى­عىن ءبىلدىرىپ كوڭىل ايتتى. ءوز كەزەگىندە ديپلومات جاپونيا قي­ىن كەزەڭدى باسىنان كەشكەن ساتتە قازاقستان حالقىنىڭ قول ۇشىن بەرگەنى, جۋىردا استانادا «قا­زاق­ستان» كونتسەرت زالىندا وتكەن قايى­رىم­دىلىق كونتسەرتتى ۇيىم­داس­تىرعانى ءۇشىن قازاقستان جا­عى­نا شەكسىز العىسىن ءبىلدىردى. قايىرىمدىلىقتان ءتۇس­كەن قار­جى جاپونيانىڭ قىزىل كرەست قوعا­مىنا ءجو­نەلتىلگەنى بەلگىلى. م.قۇل-مۇحاممەد قر ءما­دە­نيەت مينيسترلىگىنىڭ ۇسى­نىسى بوي­­ىنشا, الماتى قا­لاسىندا جا­پو­نياداعى جوي­قىن ءزىلزالادان زارداپ شەككەندەرگە كومەك كورسە­تۋ ماق­ساتىندا تاعى دا بىرقاتار شارا ۇيىمداستىرىلىپ وتىرعا­نىن, اتاپ ايتقاندا, 30 ماۋ­سىمدا اباي اتىنداعى مەملەكەتتىك اكا­دە­ميالىق وپەرا جانە بالەت تەا­ترىندا بوريس ەيفماننىڭ «كراس­نايا جيزەل» بالەتىنىڭ قويى­لى­مى بول­سا, 1 شىلدەدە جامبىل اتىن­­دا­عى فيلارمونيادا قر مەملەكەتتىك اكادەميالىق سيم­فونيا­لىق وركەسترى مەن ب.بايقاداموۆ اتىنداعى مەملەكەتتىك حور كاپەل­لاسىنىڭ قاتى­سۋىمەن كونتسەرت وتەتىن­دىگىنە توقتالا كەلىپ, وسى قايى­رىم­دىلىق كونتسەرتىنەن ءتۇس­كەن قار­جىنىڭ تاعى دا جاپو­نيا­نىڭ قىزىل كرەست قوعامىنا جونەل­تىلەتىنىن ايت­تى, دەپ حابار­لاي­دى ءما­دە­نيەت مينيسترلىگىنىڭ ءباسپاسوز قىزمەتى.