كوميتەت ۇسىنىستارى قارالدى

كەشە پارلامەنت سەناتى­نىڭ توراعاسى قايرات ءماميدىڭ توراعالىق ەتۋىمەن بولعان پالاتا بيۋروسىنىڭ وتىرىسىندا ءماجىلىس ماقۇلداعان زاڭ جو­بالارىن ودان ءارى زەردەلەۋ ءۇشىن نەگىزگى كوميتەتتەر بەلگىلەندى, دەپ حابارلادى سەناتتىڭ ءباسپاسوز قىزمەتى. «قازاقستان رەسپۋبليكاسى مەن تۇرىك رەسپۋبليكاسى اراسىنداعى ستراتەگيالىق ارىپتەستىك تۋرالى شارتتى راتيفيكاتسيالاۋ تۋرالى» زاڭ جوباسى حالىقارالىق قاتى­ناستار, قورعانىس جانە قاۋىپ­سىزدىك كوميتەتىنە بەرىلدى. قارجى جانە بيۋدجەت كوميتەتىندە «قار­جى نارىقتارىندا كاپيتالدىڭ ەركىن قوزعالىسىن قامتاماسىز ەتۋ ءۇشىن جاعداي جاساۋ تۋرالى كەلىسىمدى راتيفيكاتسيالاۋ تۋرا­لى», «قازاقستان رەسپۋبليكاسى­نىڭ كەيبىر زاڭنامالىق اكتىلەرىنە سىرتقى مەملەكەتتىك قارجى­لىق باقىلاۋدى جەتىلدىرۋ ماسە­لەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسى­نىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىن­شا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى بوي­ىنشا جۇمىستار جۇرگىزىلەتىن بولدى. ال «قازاقستان رەسپۋبليكا­سىن­داعى ارنايى ەكونوميكالىق ايماقتار تۋرالى», «قازاقستان رەس­پۋبليكاسىنىڭ كەيبىر زاڭنا­ما­لىق اكتىلەرىنە ارنايى ەكونو­ميكالىق ايماقتار ماسەلەلەرى بويىنشا وزگەرىستەر مەن تولىق­تىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەي­بىر زاڭنامالىق اكتىلەرىنە تۇرعىن ءۇي قاتىناستارى ماسەلەلەرى بوي­ىنشا وزگەرىستەر مەن تولىق­تى­رۋلار ەنگىزۋ تۋرالى» زاڭ جو­بالارى ەكونوميكالىق جانە وڭىرلىك ساياسات كوميتەتىنە بەرىلدى. «نەكە (ەرلى-زايىپتىلىق) جانە وتباسى تۋرالى» زاڭ جوباسى الەۋمەتتىك ساياسات كوميتەتىنە, ال «اۋىل شارۋاشىلىعىن مەملەكەتتىك قولداۋدىڭ بىرىڭعاي قاعي­دالارى تۋرالى كەلىسىمدى راتيفيكاتسيالاۋ تۋرالى» زاڭ جوباسى اگرارلىق ماسەلەلەر جانە قور­شاعان ورتانى قورعاۋ كوميتەتىنە بەرىلدى. بيۋرو وتىرىسىندا, سونىمەن بىرگە, پالاتانىڭ 16 ماۋسىمدا بو­لاتىن كەزەكتى جالپى وتىرى­سى­نىڭ كۇن ءتارتىبىن بەلگىلەۋ تۋرالى كوميتەتتەردىڭ ۇسىنىستارى دا تال­قىلاندى. الداعى جالپى وتى­رىستا 2010 جىلعى رەسپۋبليكا­لىق بيۋدجەتتىڭ اتقارىلۋى تۋ­رالى ۇكىمەت پەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ەسەبىن تالقىلاۋ كوزدەلىپ وتىر.