مەرەيتويلىق ماجىلىسكە قاتىسادى

كەشە پارلامەنت ءماجىلىسى توراعاسىنىڭ ورىنباسارى ۆلا­ديمير بوبروۆ باستاعان دەلەگاتسيا بريۋسسەلدە (بەلگيا كورولدىگى) وتەتىن «قا­زاق­ستان رەسپۋبليكاسى – ەۋ­روپالىق وداق» پارلامەنتتىك ىنتىماقتاستىق كومي­تە­تىنىڭ 10-شى مەرەيتويلىق ماجىلىسىنە قاتىسۋعا اتتاندى. 14 ماۋسىم كۇنى ەۋروپارلامەنت دەپۋتاتتارىنىڭ جانە تا­نى­مال ەۋروپالىق ساياساتكەرلەر مەن ىسكەرلىك ورتا وكىلدەرىنىڭ قاتى­سۋى­مەن قازاقستان دوستارىنىڭ ەۋروپالىق كلۋبىنىڭ اشىلۋى جوسپارلانىپ وتىر. 15 ماۋسىمدا قازاقستاندىق پار­لامەنتشىلەردىڭ ەۋروپالىق پار­لامەنت باسشىلارى مەن ساياسي پارتيالار فراكتسيالارىنىڭ باسشى­لا­رى­مەن بىرقاتار كەزدەسۋى كوزدەلگەن. سول كۇنى سونداي-اق «قازاق­ستان رەسپۋبليكاسى – ەۋروپالىق وداق» پارلامەنتتىك ىنتىماق­تاس­تىق كوميتەتىنىڭ 10-شى مە­رەيتويلىق ءماجىلىسى ءوز جۇمىسىن باستايدى. قازاقستاندىق جانە ەۋروپالىق پارلامەنتشىلەر: ساياسات, ساۋدا-ەكونوميكالىق جانە گۋ­مانيتارلىق ءوزارا ىقپالداسۋدان باستاپ, ادام قۇقىعى مەن حا­لىقارالىق دەڭگەيدە دەموكراتيا­نىڭ دامۋى ماسەلەلەرى, ت.ب. جاع­دايلار توڭىرەگىندە پىكىر الما­ساتىن بولادى. قازاقستاندىق جانە ەۋروپالىق پارلامەنتشىلەر «قا­زاقستان رەسپۋبليكاسىنىڭ يادرو­لىق الەم قاۋىپسىزدىگىنە قوسقان ۇلەسى» دەگەن تاقىرىپتا وتەتىن دوڭگەلەك ۇستەلگە قاتىسادى. «قر – ەو» پارلامەنتتىك ىن­تىماقتاستىق كوميتەتىنىڭ ءماجى­لىسى ءوز جۇمىسىن جالعاستىرىپ, سوڭىندا تاراپتار قورىتىندى قۇ­جات قابىلدايتىن بولادى. ار­تىنان قازاقستاندىق دەلەگاتسيا يپر قالاسىندا بولاتىن يادرولىق سىناقتار قۇرباندارىنا ارنالعان ەسكەرتكىشتىڭ اشىلۋ سالتاناتى مەن ءبىرىنشى جانە ەكىنشى دۇنيە­جۇزىلىك سوعىستا قايتىس بولعان­دارعا ارنالىپ بەرىلەتىن وتشاشۋ راسىمىنە قاتىسادى. «ەگەمەن-اقپارات».