ەل ەرتەڭى ازات ويلى جاستاردا

مەن قازاقستان رەسپۋبليكاسى­نىڭ مەملەكەتتىك رامىزدەرىن ۇلىق­تاۋ­عا ارنالعان «مەنىڭ قازاقستا­نىم» اتتى رەسپۋبليكالىق پاتريوتتار فورۋمى­نان ۇلكەن اسەرمەن ورال­دىم. ەلىن, جەرىن, وتانىن جانىنداي سۇيەتىن, مەملەكەتتىك قۇندىلىقتار­دى جوعارى ءاس­پەتتەيتىن ناعىز ۇلت­جان­دى جانداردىڭ باسقوسۋىنا اي­نالعان ماڭىزدى شارا سەرپىندى ىستەرگە قوزعاۋ سالىپ, تىڭ باستا­ما­لار­عا جول اشتى. پاتريوتتىق پايىم-تۇسىنىكتىڭ نەدەن باستاۋ الاتى­نىن ايقىنداپ بەردى. ەندىگى ماقسات, ال­دا­عى مىندەت – جەر-جەرلەردە قانات جاي­ىپ جاتقان عۇمىرلى ونەگەلەر تال­ماي ناسيحاتتالىپ, ناقتى ءىس-ارە­كەتتەرگە ۇلاسىپ جاتسا, قۇبا-قۇپ بولار ەدى. ەل تاۋەلسىزدىگىنىڭ 20 جىل­دىعى قار­ساڭىندا «جىل پاتريوتى» ايرىق­شا بەلگىسىنىڭ ەلىمىزدىڭ ماقتا­نى­شىنا اينالعان تۇلعالارعا تاپسى­رى­لۋىنىڭ ءوزى – قولداۋعا تۇرارلىق ءۇردىس. 20 جاسىندا جاسىنداي جار­قىل­داعان سيرەك تالانت يەسى, ايتۋلى بوكسشىمىز بەكزات باۋىرىمىز قا­زاقستاندى الەمگە تانىتقاننان كەيىن مىڭداعان بالدىرعاندار وعان ەلىكتەپ وسكەن جوق پا. وليمپ شىڭىن باعىندىرعان وعى­لان­نىڭ ۇلتىن, قا­زا­عىن جانىنداي سۇيگەن نامىستى تەك­تىلىگى جاستارعا ۇلكەن قوزعاۋ سال­عانى انىق. جالپى, پاتريوتتىق سانا-سەزىمدى قالىپتاستىرۋدىڭ جولدارى سان-الۋان. سونىڭ ناقتى ۇلگىلەرىن اۋىز ادەبيەتى­مىزدەن كوپتەپ كەزدەستىرۋگە بولادى. ءوزىمىز بالا كەزىمىزدەن باتىرلار جى­رىن, قازاق ەرتەگىلەرىن جاستانىپ, جاتتاپ وستىك. حالقىن جاقسىلىققا جەتەلەپ, باقىتقا كەنەلتكەن, ز ۇلىمدىقتى ۇنەمى جەڭىپ وتىراتىن قيال-عاجايىپ كەيىپكەرلەرىنە ۇقساعىمىز كەلەتىن. تاۋ كوتەرگەن تولاعايدىڭ ەرلىگى ءتانتى ەتەتىن. بۇدان تۋاتىن قورىتىندى, ەشكىم پات­ريوت بولىپ تۋمايدى. مۇنىڭ ءوزى جۇرە كەلە, تاربيە ارقىلى قالىپ­تاسا­تىن كيەلى سەزىم. كەڭەستىك كەزەڭدە قان­شاما پاتريوتتىق باستامالاردىڭ ءدۇ­نيە­گە كەلگەنىن بىلەمىز. كوبىنىڭ عۇمىرى قىسقا بولىپ, جالاڭ, ناۋقانشىلدىق ايا­سىنان شىعا الماي جاتقانىن دا ۇمى­تا قويعان جوقپىز. ءبىز كوبىنە سوعىس كەزىندە جان قيعان, وت كەشكەن اعا ۇرپاقتى ناعىز پاتريوتيزمگە بالاپ, بەيبىت كەزەڭدەگى جاسامپاز تاعىلىمدارعا ءمان بەرمەي كەلدىك. كەڭ بايتاق ەلىمىزدىڭ تا­ريحى, اتا-بابامىزدىڭ ۇلتاراقتاي جەرىنە دەيىن قىزعىشتاي قورعاعان تۇلعا­لارىمىز تاسادا قالدى. ەل ەرتەڭى – جاستارمىزدى باقىتتى دەيتىنىم, ولار تاۋەلسىز قازاقستاندى ءوز قولدارىمەن قۇرىسىپ جاتىر. ءبىلىمدى, ويلارى ازات, ءوز ومىرلەرىن قازاقستانسىز ەلەستەتە الماي­تىن, ەلى, جەرى ءۇشىن جانى اۋىراتىن ۇرپاقتىڭ قالىپتاسقانىنا قۋانامىن. پەتروپاۆل قالاسىنداعى «بوتاني­كا­لىق باقتىڭ» ديرەكتورى قىزمەتىن شيرەك عاسىردان بەرى اتقارىپ كەلە جاتقان ر.ريازاپوۆ راۆيل بابايدىڭ ايتقان مىنا اڭگىمەسىن ەستىگەندە ناعىز پاتريوت ءۇشىن وتاننان اسقان مارتەبە جوق-اۋ دەگەن ويعا قالدىم. بىردە قىزىلجار وڭىرىنە سەرۋەندەپ كەلگەن امەريكا­لىق ءبىر توپ وقۋشى باقتى ارالاپ ءجۇ­رىپ جايقالا ءوسىپ تۇرعان ۆاشينگتون پالماسىنىڭ جانىنا توقتاي قالا­دى. جانارلارىنان وت ۇشقىنداپ, جۇزدەرى بالبۇل جايناپ سالا بەرەدى. ءبىر ۋاقىتتا سونداي ءبىر تەبىرەنىسپەن, ەرەكشە قۇلشىنىسپەن مەملەكەتتىك ءانۇراندارىن توگىلدىرە جونەلەدى. ولار­دى جۇرەك قا­لاۋى­مەن, ەرىكتەن تىس كۇشپەن شىرقاتىپ تۇرعان قان­داي قۇدىرەت! وتانعا دەگەن ماحاب­باتتىڭ بيىك ۇلگىسى وسىلاي بولسا كەرەك. فورۋمنان ءبىر بايقاعانىم, ەلىمىزدە پاتريوتتىق باعىتتاعى قوزعا­لىس­­تار مەن ۇيىمدار بىرقىدىرۋ ەكەن. سولاردىڭ باسىن قوسىپ, ورتاق ار­ناعا باعىتتاي ءبىلۋ, جاڭاشىلدىققا, ىرگەلى ىزدەنىستەرگە جەتەلەۋ, جاقسى­لىق­قا ۇمتىلدىرۋ – مۇنىڭ ءبارى, ءتۇپ­تەپ كەلگەندە, ورتاق يگىلىك جولىنا قىزمەت ەتەرى ءسوزسىز. ەل پاتريوتى بولۋ – ۇلى ىستەر تىندىرۋ دەگەن ءسوز ەمەس. اركىم ءوز ءىسى ارقىلى وتانىن كور­كەيتۋگە, بايلىعىن ەسەلەۋگە ۇم­تىلىپ جاتسا, مۇنىڭ استارىندا تۋ­عان جەرگە دەگەن ەرەكشە قۇرمەتتىڭ, ىزگى سۇيىسپەنشىلىكتىڭ جاتقانىن اڭعا­رۋ قيىن ەمەس. بويىنداعى بار قابى­لەت-قارىمىن ىنتىماق-بىرلىككە جۇم­سا­سا, قازاقستاندى مەكەندەپ وتىرعان سان الۋان ۇلتتار ورتاق ىسكە بىلەك سى­بانا كىرىسىپ, ءبىر-ءبىرىنىڭ ءداستۇر­لەرىنەن, مادەنيەتىنەن شىن ىقىلاس-نيەتپەن ۇيرەنىپ جاتسا, كەرەگەمىزدىڭ كەڭەيىپ, شاڭىراعىمىزدىڭ بەرىكتەنە تۇسەرى انىق. ءبىزدىڭ سولتۇستىك قازاق­ستان وبلىسىندا وزگە ۇلت وكىلدەرىنىڭ قازاق ءتىلىن ۇيرەنۋگە شىن نيەتپەن دەن قويۋىنىڭ ءوزى – ەگەمەندى ەلگە دەگەن قۇرمەتتىڭ شىنايى كورىنىسى دەر ەدىم. وسىنداي داستۇرلەر اياسىندا دا ادامدى وتانشىلدىققا تاربيەلەۋگە بولاتىنىن ەسكەرگەن ءجون. وتان وت باسىنان باستالادى دەمەكشى, ەلدىك رۋحتىڭ, پاتريوتتىق ءتالىم-تاربيەنىڭ باستاۋى مەملەكەتتىك ءرامىز­دەردى قۇرمەتتەۋدەن, قاستەر­لەۋدەن باس­تا­لارى انىق. ويتكەنى, ءان­ۇرانىمىز, ەلتاڭبامىز, كوكباي­را­عىمىز – ەل­دىگىمىزدىڭ, ەگەمەندى­گىمىز­دىڭ, تۇتاستى­عى­مىزدىڭ سيمۆو­لى, ءاربىر قازاق­ستاندىقتىڭ ىشكى جان سەزىمىنە قوزعاۋ سالىپ, اسقاقتاتار, بىرلىككە ۇندەر كيەلى نىشاندار. ارينە, پاتريوتتىق ءتالىم-تاربيە ءبىر شارا شەڭبەرىندە شەشىلمەسى انىق. الايدا, فورۋم تالايلارعا وي سالدى, جىگەرىن جانىدى. ەلگە دەگەن ەرەكشە قۇرمەتتىڭ ءبىر بەلگىسىندەي كوپكە دەيىن ۇمىتىلماسى ءسوزسىز. جانكەلدى ءتاجين, «مەنىڭ قازاقستانىم» رەسپۋبليكالىق پاتريوتتار فورۋمىنىڭ دەلەگاتى, پەتروپاۆل  قالالىق ءماسليحاتىنىڭ دەپۋتاتى. سولتۇستىك قازاقستان وبلىسى.