«جۇمىسپەن قامتۋ – 2020» مەملەكەتتىك باعدارلاماسى نەگىزىندەگى جاڭا جۇيە تولىققاندى مونيتورينگتى قامتاماسىز ەتە وتىرىپ, الەۋمەتتىك-ەڭبەك سالاسىنداعى اقپاراتتىڭ اشىقتىعىن ماقسات سانايدى. الدىن الا ەسەپتەۋلەر بيىلدىڭ وزىندە 1490 اقمولالىقتىڭ تۇراقتى جۇمىسقا تارتىلاتىنىن كورسەتۋدە. كاسىبي دايارلىق جولداماسىن يەلەنگەن 520 ادامعا 407 تەڭگە قارجى بولىنسە, 970 كىسى قايتا دايارلىقتان وتەتىن بولادى. جوبانىڭ ەكىنشى جانە ءۇشىنشى باعىتتارىندا 150 ادام كاسىپكەرلىك نەگىزدەرىنە ماشىقتانىپ, 53 وتباسى اۋىلدىق جەرلەرگە قونىس اۋدارادى. بارلىق 19 اۋداندا جۇمىسپەن قامتۋ ورتالىقتارى جۇمىس ىستەپ, 105 مامان قىزمەت كورسەتەدى.
باقبەرگەن امالبەك, اقمولا وبلىسى.
كورەيا ەلشىسى كەلىپ كەتتى. وتكەن اپتادا قوستانايعا كورەيانىڭ قازاقستانداعى ەلشىسى لي بەن-حۆا مىرزا كەلدى. ول كورەي ەتنومادەني بىرلەستىگى وكىلدەرىمەن كەزدەسىپ, قانداستارى قويعان سۇراقتارعا جاۋاپ بەردى. ەلشىمەن بىرگە كورەي تىلىندەگى «كورە-يلبو» گازەتىندە وتىز جىل قىزمەت ىستەگەن قالامگەر ۆلاديمير سون دا كەلدى. ول كەزدەسۋدە قازاقستانداعى بايىرعى باسىلىمنىڭ ءبىرى – «كورەي-يلبو» گازەتىنىڭ شىعا باستاعانىنا 85 جىل تولاتىندىعىن ايتتى. سونىمەن قاتار, كەلەسى جىلى كورەي دياسپوراسىنىڭ قازاقستانعا قونىس اۋدارعانىنا 75 جىل بولادى. وسى ۋاقىت ىشىندە باسىلىم ەلىمىزدەگى بىرلىك پەن دوستىقتى, ىنتىماقتى جازدى. ەلشى بيىل كورەيانىڭ قازاقستانداعى جىلى بولىپ بەلگىلەنۋىنە بايلانىستى ونىڭ شەڭبەرىندە كوپتەگەن شارالار وتەتىندىگىنەن حاباردار ەتتى.
ءنازيرا جارىمبەتوۆا, قوستاناي.
تءۇركىستان جادىگەرلەرى – كەرەكۋدە. وتكەن اپتادا وبلىس ورتالىعىنداعى گ.پوتانين اتىنداعى تاريحي-ولكەتانۋ مۋزەيىندە «ازىرەت سۇلتان» مەملەكەتتىك تاريحي-مادەني قورىق مۇراجايىنىڭ «تاۋەلسىزدىك جانە تۇركىستان تاعىلىمى» اتتى «مادەني مۇرا» باعدارلاماسى اياسىنداعى كورمە كۇندەرى ودان ءارى جالعاستى. ەسكەرتكىشتەر – ەلدىكتىڭ بەلگىسى. بۇگىنگى ۇرپاق – ەل تاۋەلسىزدىگىنە جەتكىزگەن وتكەننىڭ جولدارىن ءبىلۋى كەرەك. كورمەدە ارحەولوگيالىق, قۇندى تاريحي جادىگەرلەر ورىن العان. مۋزەي قىزمەتكەرلەرىنىڭ ايتۋىنشا, العاشقى كۇننەن باستاپ كەلە باستاعان تۇرعىندار, تاريحشىلار, جاستار لەگى تولاستار ەمەس. شالعايداعى اۋىل مەكتەپتەرى ءۇشىن ارنايى كولىكتەر بەكىتىلگەن. سولتۇستىك وڭىردە «تۇركىستان جادىگەرلەرى» اتتى تاريحي كورمە كۇندەرىن وتكىزۋ مۋزەي ۇجىمدارىنىڭ ارىپتەستىك بايلانىستارىنىڭ ارقاسىندا مۇمكىن بولدى.
فاريدا بىقاي, پاۆلودار.
ورمانشىلارعا كءوزقاراس وڭ. جامبىل وبلىسىنداعى ورماندى القاپ 4 ميلليون 435 مىڭ گەكتار جەردى الىپ جاتىر. وسىنشا بايلىقتى كۇتۋمەن جانە زيانكەستەردەن قورۋمەن 14 ورمان شارۋاشىلىعى مەكەمەسى اينالىسادى. بيىل جاسىل جەلەكتەردى قورعاۋ ىسىنە وبلىس قارجىسىنان 31 ميلليون تەڭگە ءبولىنىپ, ورتكە قارسى 18 اۆتوماشينە, 23 تراكتور ىسكە جۇمىلدىرىلدى. سونداي-اق, ءزارۋ تەحنيكالاردى ساتىپ الۋعا قوسىمشا 62,4 ميلليون تەڭگە قارالعان. وتكەن اپتادا وبلىس اكىمى ق. بوزىمباەۆ جاڭادان ساتىپ الىنعان 14 ءورت سوندىرگىش, 7 «متز-80» تراكتور, 2 «ۋاز» اۆتوماشينەسى, 6 كوشەت وتىرعىزۋ ماشينەسى مەن 14 قوسالقى اگرەگاتتاردى جاسىل جەلەك ساقشىلارىنا سالتاناتتى جاعدايدا تابىس ەتتى.
كوسەمالى ساتتىباي ۇلى, جامبىل وبلىسى.
تابيعات قورعاۋ اكتسياسى. سەمەيلىكتەردىڭ «پاركتەر مارشى» دەگەن اتپەن وتكىزىلىپ كەلە جاتقان حالىقارالىق تابيعات قورعاۋ اكتسياسىنا اتسالىسا باستاعانىنا بەس-التى جىلدىڭ ءجۇزى بولدى. ەكى ايدان استام ۋاقىتقا سوزىلعان بۇل اكتسيا جۋىردا ورتالىق پاركتە قورىتىندىلاندى. بيىلعى جىلعى ءتيىمدى شاراعا سەگىز مىڭنان استام سەمەيلىك قاتىستى. اكتسيا بارىسىندا جەرگىلىكتى تۇرعىنداردىڭ ەكولوگيالىق جاعىنان ساۋاتىن ارتتىرىپ, تۋعان جەرگە دەگەن سۇيىسپەنشىلىگىن قالىپتاستىرۋعا قولايلى مۇمكىندىكتەر جاسالدى. قاراعايلى ورمان ماسەلەلەرى دە نازاردان تىس قالعان جوق. اكتسياعا قاتىسۋشىلار تابيعي ماتەريالداردان كورمە ۇيىمداستىرىپ, تابيعات تۋرالى شىعارما جازدى. سونىڭ بارىندە ەرەكشە كوزگە تۇسكەندەر ارنايى گراموتالارمەن ماراپاتتالدى.
داۋلەت سەيسەن ۇلى, سەمەي.
نەمىس كينولارى تەگىن كءورسەتىلەدى. وبلىس ورتالىعىنداعى «مەگا اقتوبە» ساۋدا, ويىن-ساۋىق ورتالىعىنىڭ «كينوپارك -7» زالىندا نەمىس كينوسىنىڭ اپتالىعى سالتاناتتى جاعدايدا اشىلدى. بۇل شارا گەرمانيا فەدەراتيۆتىك رەسپۋبليكاسىنىڭ استاناداعى ەلشىلىگى مەن الماتىداعى باس كونسۋلدىعىنىڭ, قازاقستانداعى گەتە اتىنداعى ينستيتۋت پەن شۆەيتساريا ەلشىلىگىنىڭ قولداۋىمەن ءوتىپ جاتقان «كينوگەرمانيا» نەمىس كينوسىنىڭ فەستيۆالى اياسىندا ۇيىمداستىرىلىپ وتىر. اپتالىقتىڭ اشىلۋىنا ارنايى كەلگەن گەرمانيا فەدەراتيۆتىك رەسپۋبليكاسىنىڭ باس كونسۋلى گەرولد امەلۋنگ بىلتىر «قازاقستانداعى گەرمانيا جىلى» اياسىندا اقتوبەدە نەمىس كورمەسىنىڭ ءساتتى وتكەنىن, بۇل جولى نەمىس كينوسى اپتالىعى اشىلعانىن ەكى ەل اراسىنداعى مادەني بايلانىستاردىڭ نىعايا تۇسكەنىنىڭ مىسالى رەتىندە اتاپ ءوتتى.
ساتىبالدى ءساۋىرباي, اقتوبە وبلىسى.
جاس ءونەرپازدار تارتۋى. قىزىلجار اۋدانىنداعى «مەرەي» ونەر مەكتەبىنىڭ وقۋشىلارى الماتى قالاسىندا وسىمەن 8-ءشى رەت وتكەن حالىقارالىق «كۇنشۋاق» بايقاۋىنا العاش رەت قاتىسقانىنا قاراماستان, ۇلكەن ولجامەن ورالدى. 7 سىنىپ وقۋشىسى بۇركىت جاناەۆ حالىق اندەرى «دۇنيە-اي» مەن «ياپۋرايدى» تامىلجىتا شىرقاپ, ءان نوميناتسياسىندا ءبىرىنشى ورىندى جەڭىپ الدى. ول گالا-كونتسەرتكە قاتىسۋ قۇرمەتىنە دە يە بولدى. حالىق اسپاپتارى نوميناتسياسىندا باق سىناعان دومبىراشىلار ءانسامبلى ەكىنشى ورىندى يەلەندى. ولار ءا. جەلدىباەۆتىڭ «ەركە سىلقىم» جانە تۇرىكتىڭ ء«نار اگاچي» كۇيلەرىن كەلىستىرە ورىنداپ بەردى. جەكە دومبىراشىلار اراسىنان ايگەرىم احمەتجان مەن راحيما قۇرمانعوجينا سۋىرىلىپ شىعىپ, ءۇشىنشى ورىنعا تابان تىرەدى.
ءومىر ەسقالي, سولتۇستىك قازاقستان وبلىسى.
