قورعالجىن قورىعىنداعى قاۋىشۋ

بۇرناعى كۇنى ەلىمىزگە سالماقتى ويى­مەن تانىلىپ جۇرگەن جۋرناليستەر قورعال­جىن قورىعىنىڭ جۇمىستارىمەن تانىسىپ, تابي­عات­تى قورعاپ ءارى تازا ۇستاي وتىرىپ دەم­الۋ­دىڭ ۇلگىسىن كورسەتىپ قايتتى. جاز شىعىپ, اينالا جاسىل جەلەككە ورانعانداعى قورىق­تىڭ كورىنىسى تىم بولەك ەكەن. بارىنەن بۇرىن ءيىسى اڭقىعان دالا جۋسانىن ايتسا­ڭىز­شى. ادام بالاسىنىڭ تابيعات اتتى تىل­سىم­مەن جالعاس­قان تامىرى ءۇزىلىپ بارا جاتقان شاقتا جينال­عان قاۋىم وكىلدەرى الدارىنان كۇتىپ العان قورىق ديرەكتورىنان جاراتىلىس قۇ­دىرەتى, تابيعاتتىڭ مۇلتىكسىز زاڭدىلىق­تارى  جايلى سان سىرعا قانىعا ءتۇستى. بۇگىنگى تاڭدا اقپارات مايدانىنداعى تەلەراديو جانە ءباسپاسوز جۋرناليستەرىنىڭ قا­تا­رى قولىنا پەرنەتاقتا ۇستاعان عالامتور جۋرناليستەرىمەن تولىققانى بەلگىلى. سون­دىق­تان بولار, ورتاداعى اڭگىمە تابيعاتتى ايا­لاۋدىڭ تىڭ ۇسىنىستارىمەن تولىعىپ, جارا­سىم تاپ­تى. اقمولا وبلىسىنىڭ سولتۇستىك-باتىسىنا قا­راي ورنالاسقان قور­عال­جىن قورىعىنىڭ كەرەمەتىن ايتىپ تا, جازىپ تا تاۋىسارلىق ەمەس. ەڭ ماڭىزدىسى, دۇنيە ءجۇزى عالىمدارىنىڭ دالەل­دەۋى بويىن­شا, قۇس جولىنىڭ ەكى تورابى ءتۇيى­سەتىندىگىمەن ەرەكشەلەنەدى ەكەن. سودان بولار, قورعالجىن قورىعى قورعاۋىنداعى قۇستاردىڭ سان الۋان­دىعى كوز تارتادى, ياعني 347 قۇستىڭ تۇرلەرى كەزدەسەدى. تابيعاتتىڭ تىلسىم قۇپيالارىمەن تا­نى­سا وتىرىپ, ادامنىڭ تابيعاتتان الشاقتاپ بارا جاتقانىنا كوز جەتكىزدىم. سول ءۇشىن جاس­تار­دى قالادا قاماپ قويماي, تابيعاتقا شى­عا­رىپ, ادام تابيعاتتىڭ ءبىر بولشەگى ەكەنىن ءتۇ­سىن­دىرىپ وتىرۋ كەرەك. سوندا تابي­عاتپەن باي­لانىسىن ۇزبەگەن جاستار تابي­عات­تى دا كۇتىپ, قورعار ەدى. تابيعاتتى قورعاۋشىلاردىڭ قوناقجاي­لى­لى­عى ءبىزدى تاڭ-تاماشا قالدىردى. قور­عال­­جىن مەملەكەتتىك قورىعىنىڭ ديرەكتورى مۇ­رات ايتجانوۆ ءوزى باستاپ قو­رىقتى ارالا­تىپ, تەڭىز كولىن موتورلى قايى­عىمەن كورسە­تىپ ءجۇرىپ, ءاربىر تاس پەن ءشو­بىنىڭ, وزەن مەن كولىنىڭ, ساي مەن سالاسىنىڭ تاريحىمەن تا­نىس­تىرعاندا دالا اكادەميگى مە دەرسىڭ. قور­شاعان ورتانى قورعاۋ مينيستر­لىگىنىڭ تىڭ باستاماسىمەن وتكەن تابيعاتتى قورعاۋ ءارى ونىمەن تانىسۋ ءىس-شاراسى ودان ءارى  جالعا­سىن تابار دەگەن ۇمىتتەمىز. داستان كەنجالين.