قورعانىس مينيسترلەرى كەڭەستى

مينسكىدە ۇجىمدىق قاۋىپسىزدىك شارتى ۇيى­مى­نا (ۇقشۇ) مۇشە مەملەكەتتەر قورعانىس مينيستر­لەرى كەڭەسىنىڭ (قمك) كەزەكتى وتىرىسى بولىپ ءوتتى. وعان ەلىمىزدىڭ قورعانىس ءمينيسترى ادىلبەك جاق­سىبەكوۆ باستاعان قازاقستان قورعانىس ۆەدومستۆو­سىنىڭ دەلەگاتسياسى قاتىستى. قورعانىس مينيسترلەرى كەڭەسىنىڭ جۇمىسىنا ارمەنيا رەسپۋبليكاسى, رەسەي فەدەراتسياسى, قىرعىز رەسپۋبليكاسى, تاجىكستان رەسپۋبليكاسى, بەلارۋس رەس­پۋبليكاسى مەن وزبەكستان رەسپۋبليكاسى قور­عا­نىس مينيسترلىكتەرىنىڭ دەلەگاتسيالارى جينالدى. كۇن تارتىبىنە قويىلعان سەگىز ماسەلەنىڭ قا­تا­رىندا بىتىمگەرلىكتى ۇيلەستىرۋدى كۇشەيتۋ, اسكەرلەر­دىڭ جەدەل دايىندىعى مەن اسكەري-تەحنيكالىق ىن­تىماقتاستىقتى نىعايتۋ ماسەلەلەرى بولدى. سونىمەن بىرگە, ۇجىمدىق قاۋىپسىزدىك شارتى ۇيى­مىنا مۇشە مەملەكەتتەر قورعانىس مينيسترلەرى كەڭەسىنىڭ 2010 جىلى جەلتوقسانداعى كەزەكتى وتى­رىسىندا قابىلداعان ۇقشۇ قىزمەتىنىڭ باستى با­عىتتارىن جۇزەگە اسىرۋ تۋرالى شەشىمىن ورىنداۋ ماسەلەلەرى قارالدى. قورعانىس ۆەدومستۆولارىنىڭ باسشىلارى سونداي-اق ۇقشۇ-عا مۇشە مەملەكەتتەر قارۋلى كۇشتەرى باس شتابتارى باستىقتارىنىڭ ءوز­ارا ءىس-قيمىلدارى مەن ۇجىمدىق قاۋىپسىزدىك شارتى ۇيىمى بىرلەسكەن شتابىنىڭ قىزمەتىن جەتىلدىرۋدى ۇيىمداستىرۋ ماسەلەسىن تالقىلادى. ۇقشۇ قورعانىس مينيسترلەرى كەڭەسىنىڭ كەزەكتى وتىرىسىندا ۇقشۇ ۇجىمدىق قاۋىپسىزدىك جۇيەسى باسقارۋ ورگاندارىنىڭ جەدەل جانە جاۋىنگەرلىك دايىندىعى شارالارىن 2011 جىلى بىرلەسىپ جەتىلدىرۋ ماسەلەسى دە تاقىعا سالىندى. – وتىرىس بارىسىندا قابىلدانعان شەشىمدەر كوپ­جاقتى اسكەري ىنتىماقتاستىقتى جەتىلدىرۋگە ءجا­نە اسكەري سالاداعى ءوزارا ارىپتەستىكتى دامىتۋعا با­عىت­تالعان, – دەپ اتاپ ءوتتى قورعانىس ءمينيسترى ءاد­ىل­بەك جاقسىبەكوۆ. – ۇقشۇ قىزمەتىنىڭ باستى با­عىت­تارىنىڭ ءبىرى – قاۋىپسىزدىك سالاسىنداعى ءوزارا ءىس-قي­مىل, حالىقارالىق تۇراقتىلىقتى ساقتاۋ مەن قولداۋ, جاڭا قاۋىپ-قاتەرلەرگە بىرلەسىپ قارسى ارەكەت جاساۋ. ۇقشۇ-عا مۇشە مەملەكەتتەر قورعانىس مينيسترلەرى كەڭەسىنىڭ كەزەكتى وتىرىسى ىسكەرلىك پەن سىن­دار­لى ءوزارا سىيلاستىق جانە اشىق پىكىر الماسۋ جاع­دايىندا ءوتتى. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ وكىلى.