دەلەگاتسيا قاتارىندا اكادەميا رەكتورى فاتيما جاقىپوۆا مەن ديپلوماتيا ينستيتۋتىنىڭ ديرەكتورى ءانۋار ايازبەكوۆ بار, ولار بىرقاتار كەزدەسۋلەر وتكىزىپ, قر مەن ءباا اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولۋىنا وراي وتكەن شارالارعا قاتىستى.
سونداي-اق, قر پرەزيدەنتى جانىنداعى مەملەكتتىك باسقارۋ اكادەمياسىنىڭ ديپلوماتيا ينستيتۋتى مەن ءباا ديپلوماتيالىق اكادەمياسى اراسىندا ءوزارا تۇسىنىستىك تۋرالى مەموراندۋمعا قول قويىلدى.
بۇدان وزگە, 2016 جىلعى مامىردا قول قويىلعان ىنتىماقتاستىق تۋرالى ەكىجاقتى مەموراندۋمعا سەرپىن بەرۋ ماقساتىندا, موحاممەد بين راشيد اتىنداعى مەملەكەتتىك باسقارۋ مەكتەبىنىڭ باسشىلىعىمەن كەزدەسۋ ءوتتى.
قر پرەزيدەنتى جانىنداعى مەملەكتتىك باسقارۋ اكادەمياسىنىڭ رەكتورى فاتيما جاقىپوۆانىڭ ايتۋىنشا, «قر پرەزيدەنتى جانىنداعى مەملەكتتىك باسقارۋ اكادەمياسى مەن موحاممەد بين راشيد اتىنداعى مەملەكەتتىك باسقارۋ مەكتەبىنىڭ قول قويعان مەموراندۋمى مەملەكەتتىك قىزمەت, مەملەكەتتىك ساياسات جانە حالىقارالىق قاتىناستار سالاسىندا مامانداندىرىلعان ەكى مەكەمە اراسىنداعى ءوزارا ءتيىمدى ىنتىماقتاستىقتى ورناتۋعا نەگىز بولادى».
كەزدەسۋ بارىسىندا تاراپتار ىنتىماقتاستىقتى ودان ءارى جالعاستىرۋ جوسپارلارىن تالقىلادى, ونىڭ اياسىندا مەكتەپ ساراپشىلارىن اكادەمياعا «Smart قالالار مەن تيىمدىلىگى جوعارى حالىقارالىق قارجى ورتالىقتارىن قۇرۋ» تاقىرىبىندا لەكتسيالار وتكىزۋگە شاقىرۋ ماسەلەلەرىن قاراستىرۋ جوسپارلانعان.
سونىمەن قاتار, اكادەميا دەلەگاتسياسى ديپلوماتيالىق قارىم-قاتىناستىڭ ورناعانىنا 25 جىل تولۋىنا جانە قر پرەزيدەنتى ن. نازارباەۆتىڭ جولداۋىن اراب تىلىندە تانىستىرۋ راسىمىنە ورايلاستىرىلعان دوڭگەلەك ۇستەلگە قاتىستى.
