ەلوردا بيۋدجەتى ەسەلەنە تۇسپەك

كەشە استانا قالاسى اكىمدىگىندە قالا اكىمى يمان­عالي تاسماعامبەتوۆتىڭ توراعالىعىمەن مەملەكەت باسشىسىنىڭ قالا بيۋدجەتىنىڭ كىرىس بولىگىن ۇلعايتۋ جانە سالىقتىق اكىمشىلەندىرۋدىڭ ساپاسىن جاقسارتۋ قاجەتتىگى تۋرالى تاپسىرماسىن ورىنداۋعا ارنالعان كەڭەيتىلگەن كەڭەس بولىپ ءوتتى, دەپ حابارلادى استانا قالاسى اكىمى اپپاراتىنىڭ ءباسپاسوز قىزمەتى. كەڭەستە سالىقتىق بازانى كە­ڭەي­تۋ, تۇسىمدەردىڭ قوسىمشا رەزەرۆتەرىن ىزدەستىرۋ جانە سالىق بورىشتارىن قىسقارتۋ جونىنەن اتقارىلعان جۇمىستار تۋرالى قا­لالىق سالىق دەپارتامەنتىنىڭ باس­تىعى ق.باەدىلوۆتىڭ باياندا­ما­سى تىڭدالدى. سونداي-اق ادال نيەتتى ەمەس جۇمىس بەرۋشىلەردىڭ ناقتى ەڭ­بەك­اقىنى جاسىرۋ, ەڭبەك­اقى­لار­دى «كونۆەرتتەرمەن» تولەۋ, جال­دا­مالى جۇمىسشىلار سانىن قاساقانا تومەندەتۋ ماسەلەلەرى تالقىلاندى. قالا اكىمى اكىمدىك پەن سالىق دەپارتامەنتىنىڭ سايتىندا جال­دا­مالى جۇمىسشىلاردىڭ قۇقىق­تا­رىن بۇزعان جۇمىس بەرۋشىلەردىڭ «قارا ءتىزىمىن» ورنالاستىرۋ تۋ­را­لى سالىق قىزمەتكەرلەرىنىڭ باس­تا­ماسىنا قولداۋ كورسەتتى. ەلوردانىڭ باس سالىقشىسى­نىڭ بايانداماسىندا زاڭسىز «ءپا­تەرلەر تاپسىرۋدى» انىقتاۋ پرو­تسەدۋراسىنا قاتىستى جاڭا كوز­قاراستار ءبىلدىرىلدى. بۇدان بىلاي شەتەلدىكتەرگە جالعا بەرىلەتىن, ەليتالى كەشەندەردەگى قىمبات تۇرعىن-جايلار, سونداي-اق بىردەن ارتىق پاتەر يەلىگى مەنشىگىنە قۇ­قىعى بار ادامدار سالىق­شى­لار­دىڭ ايرىقشا نازارىندا بولماق. بۇگىندە استانادا ونداعان مىڭ پاتەرلەر مەن جەكە مەنشىك ۇيلەر, ونىڭ ىشىندە بيزنەس كلاس­تاعىلار دا بار, ارەنداعا بەرىلۋدە, دەپ اتاپ ءوتتى كەڭەستە ي.تاس­ما­عامبەتوۆ. ولاردىڭ يەلەرى ءپا­تەر­لەردى ساتىپ الۋعا جانە قۇ­رى­لىسىن جۇرگىزۋگە قارجى تاپتى, بىراق زاڭدى تابىستارى ءۇشىن دە, جەر مەن جىلجىمايتىن م ۇلىك ءۇشىن دە سالىقتار تولەمەي وتىر. بۇل بۇرمالاۋلار كوررۋپتسيالىق قىلمىس تۇرىنە جاتپايدى, بىراق قالاعا وراسان زور شىعىن كەلتىرۋدە. ءبىز ولاردى سالىقتاردى تولەۋ­گە ماجبۇرلەۋگە ءتيىسپىز جانە سولاي جاسايمىز دا, دەدى قالا اكىمى. كەڭەستە قىمبات باعالى جەكە ءۇي-جايلاردىڭ وكىلەتتى ورگانداردا تىركەلمەگەندىگى, ولاردىڭ فوتوسۋرەتتەرىن كورسەتە وتىرىپ, باعالاۋ قۇندارىنىڭ تومەن­دە­تىل­گەن­دىگى تۋرالى شەكتەن شىققان دە­رەكتەر كەلتىرىلدى. بۇل فاكتىلەرمەن قالا اكىمىنىڭ نۇسقاۋى بويىنشا قۇرىلعان ارنايى كوميسسيا اينالىساتىن بولادى. جەر زاڭناماسىن بۇرمالاۋدىڭ بارلىق فاكتىلەرى بويىنشا اكىم استانا قالاسى پروكۋرورىنا ءتيىستى تاپسىرمالار بەردى. ي.تاسماعامبەتوۆ اتاپ كورسەت­كەندەي, استانانى «دوتاتسيالى» قالا كاتەگورياسىنان شىعارىپ, سالىق سالۋ بازاسىن ۇلعايتۋ ءبۇ­كىل قالالىق قىزمەتتەردىڭ №1 ءمىن­دەتى بولماق.