بۇرىنعى «ۆدنح» جاڭارادى

رەسەي ءباسپاسوزىنىڭ اقپاراتىنا قاراعاندا, ماسكەۋدەگى بۇرىن «حالىق شارۋاشىلىعى جەتىستىكتەرى كورمەسى», دەپ ال اۋىزەكى تىلدە «ۆدنح» اتالىپ, كەيىنگى كەزەڭدە بۇكىلرەسەيلىك كورمە ورتالىعى (بركو) بولىپ وزگەرگەن بۇرىنعى كسرو حالىقتارىنا جاقسى تانىس كەشەن تاياۋ ۋاقىتتا جاڭاشا قۇرىلاتىن بولادى. بۇل ءۇشىن وسى ۋاقىتقا دەيىن ماسكەۋ ۇكىمەتى مەن فەدەرالدىق ۇكىمەت ەكەۋلەپ يەلىك ەتىپ كەلگەن, بركو ورنالاسقان جەر ۋچاسكەلەرىن تۇتاستاي رەسەيدىڭ م ۇلىك كوميتەتىنە قايتارۋ جۇمىستارى جۇرگىزىلۋدە. بۇكىلرەسەيلىك كورمە ورتالىعىنىڭ جاڭا تۇجى­رىمداسىنا سايكەس ونى تولىق قايتا قۇرۋ 2034 جىلى اياقتالۋعا ءتيىس. تۇجىرىمدامادا بۇرىنعى كەڭەستىك رەسپۋبليكالاردىڭ پاۆيلوندارىن قايتا قالپىنا كەلتىرۋ, اكۆاپارك سالۋ, قوناق ءۇي كەشەنىن, عىلىمي-تەحنيكالىق مۇراجاي تۇرعىزۋ ماسەلەلەرى دە كوزدەلگەن. اقپارات كوزدەرىنىڭ دەرەگىنشە, قازىر وسىندا بەلارۋس رەسپۋبليكاسىنىڭ جانە قىرعىز رەسپۋبليكاسىنىڭ ساۋدا-كورمە ورتالىقتارىن قۇرۋ تۋرالى بەلارۋس رەسپۋبليكاسى مەن قىرعىز رەسپۋبليكاسى ۇكىمەتتەرىنىڭ رەسەي ۇكىمەتىمەن ءوزارا كەلىسىمى كۇشىنە ەندى. ال «ارمەنيا» پاۆيل­ونى كوممەرتسيالىق كەلىسىم نەگىزىندە ءبىراز ۋاقىتتان بەرى جۇمىس ىستەپ كەلەدى. قازاقستان ۇكىمەتى دە بۇل تاراپتا سىرت قالىپ وتىرعان جوق. قازىر كوپشىلىككە بۇرىننان بەلگىلى «قازاقستان» پاۆيلونىن قالپىنا كەلتىرۋدىڭ ناقتى شارالارى قولعا الىنۋدا. ويتكەنى ۇكىمەتارالىق كەلىسىمگە سايكەس تيەسىلى پاۆيلوندى ءار رەسپۋبليكا ءوزىنىڭ قاراجاتىمەن قالپىنا كەلتىرىپ, قايتا جاڭعىرتۋعا ءتيىس. ماسكەۋدەگى «قازاقستان» پاۆيلونىن قالپىنا كەلتىرۋ سىندى ماڭىزدى دا كولەمدى جۇمىس اۋقىمى «قازمۇنايگاز» ۇلتتىق كومپانياسىنا جۇكتەلۋى مۇمكىن. سونىمەن بىرگە بۇعان باسقا دا ينۆەس­تورلاردىڭ قاتىسۋ مۇمكىندىگى جوققا شىعارىل­مايتىن سياقتى. جالپى بركو بىرنەشە باعىتتا دامىتىلادى دەپ جوبالانۋدا. سونىڭ ءبىرى, جوعارىدا ايت­قانىمىزداي, تمد ەلدەرىنىڭ تاريحي پاۆيلون­دارىن قالپىنا كەلتىرۋ. وسى پاۆيلوندار ورنالا­ساتىن ورتالىق اللەيا بۇدان بىلاي ۇلتتار اللەياسى دەپ اتالماقشى. سونداي-اق بولاشاقتا بۇل پاۆيلونداردا وسى ەلدەر ۇكىمەتتەرىنىڭ وكىلدىكتەرى اشى­لىپ, ءار ەلدىڭ عىلىم مەن ونەركاسىپ سالا­لارىنداعى جەتىستىكتەرى كەڭىنەن كورسەتىلەدى, ۇلتتىق تاۋارلار ساتىلاتىن بولادى. بۇكىلرەسەيلىك كورمە ورتالىعىنا وسىنداي جاڭا مارتەبە بەرۋ باعىتى 2004 جىلى دا ءبىر مارتە قولعا الىنىپ, اياقسىز قالدىرىلعان ەكەن. ال رەسەيلىكتەردىڭ بۇرىنعى «ۆدنح»-نى جاڭاشا جاڭعىرتۋ جولىنداعى قازىرگى قادامىنا كەدەن ودا­عىنىڭ قۇرىلۋى, ءبىرتۇتاس ەكونوميكالىق كەڭىستىكتىڭ بولاشاعى جاڭا تىنىس بەرىپ وتىر دەۋگە بولادى. سەرىكقالي بايمەنشە, «ەگەمەن قازاقستان» – ماسكەۋدەن.