ەسكەكاياقشىلار ەرلەدى

مامىر ايىنىڭ باسىندا گەرمانيانىڭ لەيپتسيگ قالاسىندا ەسكەك اياقپەن سۋدا جۇزۋدەن الەم كۋبوگى ءۇشىن جارىس ءوتتى. جارىسقا الەمنىڭ 15 ەلىنەن 57 كوماندا قاتىستى. قازاقستاننىڭ نامىسىن «اكۆاناۆت» سپورت كلۋبى مەن №5 سپورت مەكتەبىنىڭ ۇيىمداستىرۋىمەن قۇرىلعان 18 سپورتشىدان تۇراتىن كوماندا قورعاپ, كومان­دالىق ەسەپتە ال­تىنشى ورىندى يەلەندى. الەمنىڭ ال­دىڭعى قاتارلى كوماندالارى قاتىسقان بۇل جا­رىستا №126, №173 ليتسەي وقۋشىلارى ەرەكشە كوزگە ءتۇسىپ, №173 ليتسەيدىڭ وقۋشىسى دىلدابەكوۆ يسلام بەسىنشى ورىندى يەلەندى. گەرمانيا, ۋكراينا, رەسەي, فرانتسيا, قىتاي  سياقتى سۋ سپورتى دامىعان ەلدەرمەن يىق تىرەسىپ ءجۇرىپ, ەل كومانداسىنىڭ التىنشى ورىنعا تابان تىرەۋى ۇلكەن جەتىستىك. 2009 جىلى تۇركيادا وتكەن الەم كۋبوگىندە جاسوسپىرىمدەر اراسىندا 3-ورىن العان ايتباەۆ اسحات بۇل جولى ەرەسەكتەر توبىندا جارىسقا ءتۇسىپ, 9-ورىنعا يە بولدى. قازاقستان كومانداسى الداعى ۋاقىتتا وتەتىن ۇلكەن جارىسقا قاتىسۋعا شاقىرۋ الدى. وسى جولعى جارىسقا اسحاتتىڭ قاتىسۋى ءۇشىن قولداۋ كورسەتكەن ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ باسشىلىعىنىڭ سالاماتتى ءومىردى ناسيحاتتاي بىلگەندىگىنە رازىلىق تانىتۋىمىز كەرەك. بولاشاعىنان ۇلكەن ءۇمىت كۇتتىرەتىن جاس سپورتشىلار قاتارىنا №126 ليتسەي وقۋشىلارى ا.ءابىلوۆ, ب.سماتوۆ, №173 ليتسەي وقۋشىلارى ي.دىلدابەكوۆ, ا.ءابىلماجينوۆا, ا.كابي, ن.ءۇس­تەمىروۆ سەكىلدى شاكىرتتەردى قوسۋعا بولادى. يۋري كۋتسەل, باپكەر. الماتى.