ءCىز نە دەيسىز؟

ساقتانباساڭ, كەز كەلگەن اۋرۋ – قاتەر عاسىر وباسىنا اينال­عان سپيد پەن ۆيچ دەرتىنە شالدىعۋشىلار قارا­عان­دى ايماعىندا از ۇشى­راس­پاي­تىندىعى جاسىرىن ەمەس. وسىناۋ ىندەتكە قار­سى كۇ­رەس جايى قالاي؟ ونى جۇق­تىرۋدان ساقتانۋ­عا قان­داي كەڭەس بەرىلەر ەدى. «ەگەمەن قازاقستاننىڭ» وڭىردەگى ءتىلشىسى ايقىن نەسىپباي «جيتس-ءتىڭ الدىن الۋ جانە كۇرەسۋ جونىندەگى قاراعاندى وبلىستىق ورتالىعى» مم-ءنىڭ دارىگەر- ەپيدەميولوگى رايسا بەكتەمىروۆاعا: – ءسىز بۇعان نە دەيسىز؟ – اشىعىن ايتقاندا, ادام يممۋنيتەتىنىڭ تاپشىلىعى ۆي­رۋسى (ايتۆ) مەن جۇقتى­رىل­عان  يم­مۋنيتەت تاپشىلىعى سين­درو­مىن (جيتس), اسىرەسە, ايەل­دەر مەن قىزدار  جۇق­تى­رۋعا اسا بەيىم. زەرتتەۋلەر بوي­ىنشا  قور­عانباعان قىناپتىق  (ۆاگينالدى) جىنىستىق قاتى­ناس كەزىندە ايتۆ-تى جۇق­تى­رۋ قاۋپى ايەلدەردە ەرلەرگە قاراعاندا 2-4 ەسە جوعارى. سوندىقتان مۇنى بىلگەن ءجون. سونىڭ ىشىندە قىزدار بيو­لوگيالىق قاتەرگە ۇرىنشاق. ويتكەنى, ولاردىڭ جەتىلمەگەن جاتىرى مەن ءالسىز قىناپ سە­كرەتسيالارى ايتۆ ينفەك­تسيا­سىنا قارسى تۇرا المايدى. ايتۆ جۇقپاسىنىڭ وبلى­سىمىزدا  كوبىنە   پارەنتال­دىق (قان ارقىلى), جىنىستىق جانە ۆەرتيكالدى (انادان با­لاعا بەرىلۋى) جولمەن تارا­لا­تىندىعى تىركەلگەن.   ەگەر ول دەر كەزىندە انىقتالىپ, جۇكتى ايەل مەن جاڭا تۋعان نارەس­تەگە انتيرەتروۆيرۋستىق تەراپيا تاعايىندالسا, جۇعۋ ەداۋىر تومەندەيدى. اتالعان اۋرۋعا قازىرگە دەيىن ايماقتا 2958 ادام شالدىققان.  وسى­لاردىڭ 979-ى ايەل ەكەنى وكى­نىشتى. رەسپۋبليكامىزدا بالا­لار­­دىڭ زاقىمدالۋ قاۋپىن ءتو­مەندەتۋ ءۇشىن ايتۆ جۇقپا­سىنا تەكسەرىلىستەن ءوتۋ ەرەجەسى قابىلدانعان. سوعان ءساي­كەس جۇكتىلىك كەزىندە  2 رەت ار­نايى قارالعان ابزال. الايدا مۇنداي مۇمكىنشىلىك بارلىق جەردە بىردەي جوق. دەمەك,  كوش­پەلى مەديتسينالىق  كومەك ءتۇرى ويلاستىرىلۋى قاجەت-اق. ەرلەر مەن ايەلدەردى  بۇل دەرتتەن ساقتاندىرۋ بويىنشا ءبىزدىڭ ورتالىقتا ايتارلىق­تاي  تاجىريبە قالىپتاسقان. ماسەلەن, قان بەرۋشىنىڭ قانى تەكسەرىلەدى, جىنىستىق قاتى­ناستا ۇستامدىلىقتىڭ, سەنىم­دىلىكتىڭ ساقتالۋىن, قاۋىپسىز­دىك ءۇشىن مۇشەقاپتى مىندەتتى تۇردە قولدانۋدى, شپريتستەردى ءبىر رەت قانا پايدالانۋدى ناسيحاتتاۋ  جۇرگىزىلەدى. سونى­مەن بىرگە, دەنساۋلىعىنا الاڭ­داۋشىلاردىڭ تەگىن كە­ڭەس الۋ مەن تەكسەرىستەن وتۋىنە ەش­قانداي شەكتەۋ جوق. قاي ەلدە بولسىن ايتۆ جۇقتىرعان جاستار  قاتارى كوبەيىپ كەلەدى. وسى اۋرۋعا ۇشىراعانداردىڭ 67 پايىزى 15-24 جاس ارالىعىنداعى قىزدار مەن جىگىتتەر. مۇنى ەلەمەسكە بولمايدى. قاراعاندى.