جەمقورلىققا قارسى ساياسات ماڭىزدىلىعى ايتىلدى

سانكت-پەتەربۋرگتە وتكەن ءبىرىنشى حالىقارالىق زاڭ فو­رۋ­مى جۇمىسىنا قازاق­ستان رەس­پۋبليكاسىنىڭ ءادى­لەت ءمينيسترى راشيد ءتۇسىپ­بە­كوۆ قا­تى­سىپ, وندا ول «سى­­باي­لاس جەم­قور­لىققا جانە اقشا قاراجا­تىن زاڭ­سىز اۋدارۋ مەن لاڭ­كەس­تىكتى قارجىلاندىرۋعا قارسى ءىس-ارەكەتتى حالىقارالىق جانە ۇلتتىق قۇقىقتىق رەتتەۋ» ماسەلەسى بويىنشا ءسوز ءسوي­لەدى. پلەنارلىق ءماجىلىستى رەسەي فە­دەراتسياسىنىڭ پرەزيدەنتى د.مەد­­ۆەدەۆ اشتى. فورۋم جۇ­مىسىنا ەۋروپا كەڭەسىنىڭ مەملەكەتتىك حات­شىسى, گااگا كون­فە­رەنتسياسىنىڭ حالىقارالىق جەكە قۇقىق بوي­ىن­شا مەملەكەتتىك حاتشىسى, رەسەي فەدەراتسياسى, نور­­ۆەگيا, شۆەتسيا, سلوۆەنيا, پولشا, بەلگيا, ءۇندىستان, ءتۇر­كيا ەلدەرىنىڭ ءادى­لەت مينيسترلەرى, اقش باس پرو­كۋرورىنىڭ ورىن­باسارى, پروفەسسورلار مەن ەۋروپا ەلدەرى ادۆوكاتتار القاسىنىڭ توراعالارى قاتىستى. ر.تۇسىپبەكوۆ جەمقورلىق حا­لىق­ارالىق قاۋىمداستىقتاعى كەز كەلگەن مەملەكەتتىڭ بەدەلىنە نۇق­سان كەلتىرىپ, جۇرگىزىپ وتىرعان ەكو­نوميكالىق جانە الەۋمەتتىك رەفور­مالارىنا كەدەرگى جاساپ, ەل قاۋىپ­سىز­دىگىنە قاتەر توندىرەتىنى تۋرالى ايتىپ ءوتتى. مينيستر قا­زاق­ستان قا­جەتتى زاڭ شىعارۋ نەگىزىن قالىپ­تاس­تىرا وتىرىپ, تمد ەل­دەرى ارا­سىن­دا العاشقىلاردىڭ ءبىرى بولىپ سى­بايلاس جەمقور­لىققا قار­سى كۇرەس تۋرالى زاڭ قابىلدادى, دەدى. دوڭگەلەك ۇستەلگە قاتىسقاندار قازاقستان رەسپۋبليكاسى پرەزيدەنتى مەن ۇكىمەتى جانىنداعى كون­سۋلتاتسيالىق-كەڭەس ورگان­دا­رى قىزمەتى, سونىمەن قاتار, سى­بايلاس جەمقورلىققا قارسى ءىس-ارەكەت ماسەلەلەرى بويىنشا جا­سا­لىپ جاتقان جاڭا زاڭ شىعارۋ باس­تامالارى تۋرالى حاباردار بولدى. ادىلەت مينيسترلىگىنىڭ باس­شى­سى ەلەكتروندى ۇكىمەت تاقىرى­بى­نا جەكە توقتالدى. اتاپ ايتقاندا, ر.تۇسىپبەكوۆ قازىرگى تاڭدا قا­زاقستاننىڭ ەلەكتروندى ۇكىمەت پورتالى ارقىلى 70-تەن اسا ەلەك­تروندى جانە 2000 اقپاراتتىق قىزمەت كورسەتىلەتىنىن, 10 مىڭ شاماسىندا ەلەكتروندى انىق­تا­ما بەرىلەتىنىن اتاپ ءوتتى. ءسوزىن قورىتىندىلاي كەلە, مينيستر ەلدە جۇرگىزىلىپ كەلە جاتقان جەم­قورلىققا قارسى ساياسات جۇيە­لى­لىگىنىڭ ماڭىزدىلىعىن اتاپ ءوتتى دەپ حابارلادى ادىلەت مينيستر­لى­گىنىڭ ءباسپاسوز قىزمەتى. «ەگەمەن-اقپارات».