بوسقىندار ماسەلەسى ءسوز بولدى

كەشە قازاقستان رەسپۋبليكا­سىنىڭ سىرتقى ىستەر ءمينيسترى ەرجان قازىحانوۆ بۇۇ-نىڭ بوس­قىندار ماسەلەسى جونىندەگى جو­عارعى كوميسسارى باسقارماسىنىڭ ورتالىق ازياداعى ايماقتىق وكىلى – ۇيلەستىرۋشىسى سابەر ازام­مەن كەزدەستى. كەزدەسۋ با­رىسىندا تاراپتار باسقارما جۇ­مىسىنىڭ ايماقتاعى وزەكتى ءما­سەلەلەرىن جانە قازاقستان مەن بۇۇ-نىڭ بوسقىندار ماسەلەسى جونىندەگى جوعارعى كوميسسارى باس­قارماسى اراسىنداعى ىنتى­ماق­تاستىق ماسەلەسىن تالقىعا سا­لىپ, ونىڭ دامۋىن وڭ باعالادى. ءوزارا تۇسىنىستىك ورتاق گۋما­ني­تارلىق باعدارلامالاردى جۇزەگە اسىرۋ ۇدەرىسىنەن ايقىن كورىنەدى. بوسقىنداردىڭ نەگىزگى حالىق­ارا­لىق قورعاۋشىسى رەتىندە اتال­عان باسقارمانىڭ ەرەكشە ءرولىن اتاي وتىرىپ, ە.قازىحانوۆ ادام قۇقىقتارى, سونىڭ ىشىندە بوس­قىن­دار مەن ميگرانتتاردى قوسا ال­عاندا, سىيلاۋ مەن ساقتاۋ ءىسى ۇلت­تىق ساياساتىمىزدىڭ ەڭ ما­ڭىزدى تارماعىنىڭ ءبىرى بولىپ تابىلاتىنىن اتاپ كورسەتتى. وسىعان وراي, قازاقستاندىق تاراپ ەكىجاقتى ىقپالداستىقتىڭ بارلىق ماسەلەلەرى بويىنشا ءۇن­قاتىسۋعا دايىن ەكەندىگىن جەتكىزەدى, اتاپ ايتقاندا, باسقارمانىڭ تاجىريبەسىن زەرتتەۋدە جانە بوس­قىن­دار مارتەبەسىن بەرۋدە, پانالاتۋ مەحانيزمى مەن جۇيەسىن, ازا­ماتسىزدىقتى قىسقارتۋ ۇدەرىس­تە­رىندە ءوزارا پىكىر الماسۋعا اركەز ءازىر ەكەندىگىن مالىمدەيدى, دەدى ە.قازىحانوۆ. س.مازا ءوز كەزەگىندە قازاق­ستان­دا ناۋرىز ايىندا ورتالىق ازياداعى بوسقىنداردى قورعاۋ جانە حالىقارالىق ميگراتسيا ءجو­نىندەگى ايماقتىق كونفەرەنتسيا­نىڭ جەمىستى وتكەنىن اتاي وتى­رىپ, الماتى دەكلاراتسياسىنىڭ باسىمدىقتارىن جۇزەگە اسىرۋ ماقساتىندا ايماقتاعى ەلدەردىڭ ءىس-ارەكەتتەرىن ۇيلەستىرۋ ماڭىز­دىلىعىن ەرەكشە قوزعاپ ءوتتى. سولتۇستىك افريكا مەن تاياۋ شىعىستاعى سوڭعى وقيعالار ايا­سىندا بوسقىندار مەن امال­سىز­دان كوشىپ جۇرگەندەردىڭ ماسەلەسى ەرەكشە وزەكتىلىككە يە, وسىعان بايلانىستى تاراپتار قازاق­ستان­نىڭ الداعى يكۇ-داعى توراعا­لىعى بارىسىندا دا ەكىجاقتى قارىم-قاتىناستى دامىتۋ ءمۇم­كىن­دىكتەرىن قاراستىردى, دەپ حا­بارلادى ەلىمىز سىرتقى ىستەر مينيسترلىگىنىڭ ءباسپاسوز قىز­مەتى.