شاراينا

قازا تاپقاندار سانى – 12 پاكستانداعى اسكەري بازاعا شابۋىل جاساۋ بارىسىندا قازا تاپقاندار سانى 12 ادامعا جەتتى, دەپ حابارلايدى «سينحۋا» اگەنتتىگى. الدىڭعى كۇنى تاليبتەر اۆيابازانى اتقىلاپ, گراناتالار لاقتىرعان بولاتىن. پوليتسيانىڭ ايتۋى بويىنشا, گاراناتالارمەن, رەاكتيۆتى سناريادتارمەن جانە اۆتوماتتارمەن قارۋلانعان 10-15 سودىر ساعات كەشكى بەستەن كەيىن مەحران بازاسىنا شابۋىل جاساعان. بازا اۋماعىندا كەم دەگەندە ون جارىلىس بولىپ, ونىڭ سوڭى كەسكىلەسكەن اتىسقا ۇلاسقان. پاكستان وكىمەتى قازا بولعان 12 ادامنىڭ ىشىندە 8 سودىر بار دەپ مالىمدەپ وتىر. وقيعا ورىن العان ساتتە مەحران بازاسىندا امەريكالىقتار بولماعان كورىنەدى. گرۋزيادا بيلىك اۋىسا ما؟ ميحايل سااكاشۆيليدىڭ رەجىمىنە قارسى وپپوزيتسيانىڭ جاپپاي ەرەۋىلگە شىعۋى رەۆوليۋتسيالىق احۋالدان ال­شاق, تاياۋ ۋاقىتتاردا بيلىكتىڭ اۋى­سۋىن كۇتۋدىڭ ەشقانداي قيسىنى جوق. گرۋزياداعى احۋالعا بايلانىستى ريا نو­ۆوستي اگەنتتىگىنە رەسەيلىك ساراپشى­لار مەن  ساياساتتانۋشىلار وسىنداي پىكىر بىلدىرگەن. 21 مامىردان بەرى گرۋزيادا م.سااكاشۆيليدىڭ وتستاۆكاعا كەتۋىن تالاپ ەتكەن اكتسيالار وتۋدە. تبيليسي مەن باتۋميدە ءوتىپ جاتقان نارازىلىق شارالارىنا بىرنەشە مىڭداعان ادامدار قاتىسۋدا. وپپوزيتسيا ليدەرلەرىنىڭ ءبىرى – پارلامەنتتىڭ ەكس-سپيكەرى نينو بۋردجانادزە تبيليسيدە وتكەن ميتينگىدە گرۋزيادا توڭكەرىستىڭ باستالعانىن حابارلاپ تا ۇلگەردى. كيم چەن ير قىتايدان كەڭەس سۇرادى سولتۇستىك كورەيا باسشىسى كيم چەن ير ءوز ەلىنىڭ ەكونومي­كا­لىق دامۋىنا بايلانىستى كەڭەس الۋ ءۇشىن قىتايعا كەلدى, دەپ حا­بارلايدى فرانس-پرەسس اگەنتتىگى. كيم چەن ءيردىڭ قىتايعا ساپارى قىتايدىڭ, وڭتۇستىك كورەيانىڭ جانە جا­پو­نيانىڭ قاتىسۋىمەن توكيودا وتەتىن ءۇش­جاقتى سامميت قارساڭىندا جۇزەگە اسىپ وتىر. ايتا كەتۋ كەرەك, ەل ۇكىمەتىنىڭ سوڭعى وتىز جىلدا نارىق ەكونومي­كا­سىن دامىتۋعا كوشۋىنە بايلانىستى قىتايدا  ىشكى جالپى ءونىم كولەمى 14 ەسە وسكەن. سولتۇستىك كورەيا باسشىسىنىڭ قى­تايدان ەكونوميكالىق كەڭەس سۇراۋىنا دا وسى جاعداي سەبەپ بولسا كەرەك.  سوڭعى جىل­دارى سولتۇستىك كورەيانىڭ اۋىر ەكونوميكالىق احۋالدى باستاپ كەشىپ وتىرعانى بەلگىلى. ەلدە اسىرەسە, ازىق-ت ۇلىك پەن ەنەرگورەسۋرستار تاپ­شىلىعى سەزىلۋدە. الاپات داۋىل زارداپتارى اقش-تىڭ ميسسۋري جانە مي­ن­نەسوتا شتات­تا­رىن­دا ورىن ال­عان تورنادودان قازا تاپقاندار سانى 31 ادامعا جەتىپ وتىر. الاپات داۋىل 200-دەن استام قۇرى­لىستى قيراتىپ, تۇر­عىن ۇيلەرگە وراسان زور نۇقسان كەلتىرگەن. كەم دەگەندە بەس ادام جاراقات العان كورىنەدى. قالادا ەلەكتر تاراتۋ جەلىلەرى مەن تەلەفون بايلانىسى جۇمىس ىستەمەيدى. بىرقاتار شتاتتاردا تابيعات اپاتىنا بايلانىستى توتەنشە جاعداي جا­ريا­لانىپ وتىر. اقش وكىمەتى قۇتقارۋشىلارعا كومەكتەسۋ ءۇشىن جىبەرگەن ۇلتتىق گۆارديا اسكەريلەرى ۇيىندىلەر استىندا قالعان جارالىلاردى قۇتقارۋعا جاردەمدەسەتىن بولادى. ءساۋىر ايىندا اقش-تىڭ وڭتۇستىك-شىعىسىندا بولعان تورنادو سالدارىنان 329 ادام قازا تاپقان ەدى. ەلشىگە شابۋىل جاسالدى يەمەندە ورىن الىپ جاتقان تارتىپسىزدىكتەر با­رى­سىندا وتكەن جەكسەنبى كۇنى قحر-دىڭ وسى ەلدەگى ەلشىسى وتىرعان اۆتوموبيل كورتەجىنە شابۋىل جاسالعان. كورتەجگە قارۋلانىپ العان ادامدار شابۋىل جاساعان كورىنەدى, بىراق ولاردى پوليتسيا قۋىپ, تاراتىپ جىبەرگەن. ديپ­لوماتتىڭ جاعدايى تۋرالى ازىرگە ەشقانداي مالىمەت جوق. يەمەندە ۇكىمەتكە قارسى ەرەۋىلدەر ءالى كۇنگە جال­عاسۋ­دا. ەل پرەزيدەنتى ءالي ابداللا ساليح پارسى شىعاناعى ەلدەرى قىزمەتتەستىك كەڭەسى ازىرلەگەن بيلىكتى بەيبىت تۇردە بەرۋ تۋرالى كەلىسىمگە قول قويۋدان ءۇشىنشى رەت قاتارىنان باس تارتىپ وتىر. جانارتاۋ ك ۇلى نورۆەگياعا جەتتى يسلانديانىڭ گريمسۆوتن جانار­تاۋى­نىڭ ات­قى­لاۋىنان پايدا بولعان كۇل نورۆەگياعا دەيىن جەتتى. سەيسەنبى, 24 مامىر كۇنى جانارتاۋ بۇلتى ۇلىبري­تا­نيا­عا دەيىن جەتەدى دەگەن بولجام بار. ولاي بولسا ەۋروپانىڭ اۆياتسيا الەمىنىڭ الدىنا بىرىككەن كورولدىك ۇستىمەن ۇشاقتاردىڭ ۇشۋىنا تىيىم سالىنا ما, جوق پا دەگەن ساۋال تۋىندايتىن بولادى. وتكەن جىلعى « ۇلى جانارتاۋ ابىگەرى» دە ءدال وسى ەلدە باستالعان بولاتىن. وندا ۇلىبريتانيانىڭ اۆياتسيالىق بيلىگى ءساۋىر ايىندا ەلدىڭ اۋە كەڭىستىگىن ءبىرىنشى بولىپ جاۋىپ تاستاعان ەدى. فرانتسيا كولىك مينيسترلىگى ەگەر كۇل فرانتسياعا دەيىن جەتەتىن بولسا, ەل وكىمەتىنىڭ ۇشۋلارعا تىيىم سالۋى مۇمكىن ەكەنىن قازىردىڭ وزىندە مالىمدەپ وتىر. ومار تۋرالى سىبىس شىندىعى «تاليبان» يسلاميستىك قوزعالىسى وزدەرىنىڭ كوسەمى موحاممەد وماردىڭ قازا تاپقانى تۋرالى حاباردى تەرىسكە شىعارىپ وتىر, دەپ حابارلايدى اسسوشەيتەد پرەسس اگەنتتىگى. تاليبتەردىڭ وكىلى زابيۋللا مۋدجاحيد اگەنتتىككە ومار مولدانىڭ كوزى جويىلعاندىعى تۋرالى سىبىستىڭ بار بولعانى «ناسيحات» قانا بولىپ تابىلاتىنىن جەتكىزگەن. ونىڭ ايتۋىنشا, «تاليباننىڭ» كوسەمى قازىرگى كەزدە اۋعانستاندا جاۋىنگەرلىك وپەراتسيالارعا باسشىلىق جاساۋدا. ال ومار مولدانىڭ قازا بولعانى تۋرالى 23 مامىر كۇنى اۋعاندىق Tolo تەلەارناسى حابارلاعان بولاتىن. ينتەرنەت ماتەريالدارى نەگىزىندە ازىرلەندى.