پاتريوتتىق اكتسيانى اقمولا وبلىسىنىڭ اكىمى سەرگەي دياچەنكو قۇتتىقتاۋ سوزبەن اشىپ, جاستار باستاماسىنىڭ باياندى بولۋىنا تىلەكتەستىك ءبىلدىردى. بۇگىنگى كۇنى ايماقتا قۇرامىنا 12 مىڭنان استام ستۋدەنت پەن وقۋشى جاستاردى بىرىكتىرەتىن 570 ەڭبەك جانە 2 مىڭ ادامدى قۇرايتىن 98 «جاسىل ەل» وتريادتارى قۇرىلعان. ولار اۋىل, قالالاردى اباتتاندىرۋ مەن كوگالداندىرۋ جۇمىستارىمەن, پەداگوگيكالىق تاربيە ىسىمەن, ەگىستىك القاپتاردا جانە قۇرىلىس الاڭدارىندا جەمىستى ەڭبەگىمەن تانىلۋدا. وتكەن جىلى ستۋدەنتتىك قۇرىلىس وتريادتارى 1,5 ميلليارد تەڭگەنىڭ جۇمىسىن اتقاردى.
باقبەرگەن امالبەك. اقمولا وبلىسى.
اۋىلداردا اتقارىلعان يگى ىستەر كوپ. وبلىس اكىمى سەرىك ءبىلالوۆتىڭ باستاماسىمەن ەل تاۋەلسىزدىگىنىڭ 20 جىلدىعىنا ارنالعان «20 يگى ءىس» اتتى اكتسيا ەلدى مەكەندەردە دە جالعاسىپ, الاشتىڭ اقيىق اقىنى ماعجاننىڭ تۋعان جەرى – م.جۇماباەۆ اۋدانىنان باستاۋ الدى. ايماق باسشىسى باستاعان توپ سارتومار اۋىلىندا بولىپ, كوپتەگەن تارتۋلار جاسادى. مەشىتتىڭ جوندەۋ جۇمىستارىنا قارجى بولىنەتىن بولدى. 300-گە تارتا ادامعا قىزمەت كورسەتەتىن مەديتسينالىق قوسىنعا فيزيوكابينەت تابىس ەتىلدى. مۇنداعى مۇراجايدا 300-دەن استام جادىگەر ساقتاۋلى. ونىڭ قاتارىن اقىننىڭ 200-دەي جاڭا تۋىندىلارى تولىقتىردى. بۇعان قوسا ءتۇرلى-ءتۇستى تەلەديدار مەن كومپيۋتەر سىيعا تارتىلدى. مەكتەپ وقۋشىلارى دا سىي-سياپاتقا يە بولدى. ولارعا كۇرەس كىلەمى, ۇستەل تەننيسى, سپورت جابدىقتارى بەرىلدى.
ءومىر ەسقالي. سولتۇستىك قازاقستان وبلىسى, م. جۇماباەۆ اۋدانى.
قولءونەر كءورمەسى اتاۋى – «جاۋقازىن». باتىس قازاقستان وبلىستىق تاريحي-ولكەتانۋ مۇراجايىندا جاس جەتكىنشەكتەردىڭ «جاۋقازىن» اتتى قولونەر تۋىندىلارىنىڭ كورمەسى اشىلدى. ونىڭ باستى ماقساتى – اۋىل بالالارىنىڭ شىعارماشىلىعىن قولداۋ. كورمە جىل اياعىنا دەيىن جالعاسىپ, وعان وبلىستىڭ بارلىق اۋداندارىنىڭ وقۋشىلارى قاتىسپاق. كورمەگە كەلۋشىلەردىڭ جوعارى باعاسىن العان جيىرما جاس تالانتتىڭ ەسىمى تاۋەلسىزدىك مەرەكەسى قارساڭىندا انىقتالماق. وبلىس ورتالىعىنىڭ تۇرعىندارى ءبىرىنشى كەزەكتە شالعايداعى جاڭاقالا جانە قاراتوبە اۋداندارى جەتكىنشەكتەرىنىڭ بەينەلەۋ ونەرى مەن ۇلتتىق قولونەر ىسىندەگى بالاۋسا تۋىندىلارىمەن جانە ساندىك-قولدانبالى سيپاتتاعى تۇڭعىش بۇيىمدارىمەن تانىستى.
تەمىر قۇسايىن. ورال.
ەل اتاعىن شىعارعان ەرگە قۇرمەت. قازاقستاننىڭ حالىق قاھارمانى, پارتيزان-جازۋشى قاسىم قايسەنوۆ –ۇلان اۋدانىنىڭ تۋماسى. جاقىندا اتالعان اۋداننىڭ ءى.ايتىقوۆ اۋىلىندا «ەر اتاعىن ەل ساقتار» دەگەن تاقىرىپتا جەرلەسىمىزدىڭ تۋعان كۇنىنە وراي ايتۋلى شارا بولىپ ءوتتى. وعان اۋىل تۇرعىندارى, مەكتەپ وقۋشىلارى قاتىستى. وقۋشىلار ق.قايسەنوۆ تۋرالى دەرەكتى فيلمدەردى تاماشالاپ, باتىرلار اللەياسىنا كوشەتتەر وتىرعىزدى. سونىمەن بىرگە, تارعىن اۋىلدىق وكرۋگىندە بوكستان مەكتەپ وقۋشىلارى اراسىندا تۋرنير بولىپ ءوتتى.
وڭداسىن ەلۋباي. شىعىس قازاقستان وبلىسى.
«قازفوسفات» پەن «FOSFA A.S.» جوباسى. جامبىل وبلىسىنىڭ اكىمى قانات بوزىمباەۆ وتكەن اپتادا چەحيانىڭ قازاقستان مەن قىرعىزستانداعى توتەنشە جانە وكىلەتتى ەلشىسى بەدرجيح كوپەتسكي مەن چەحيالىق «Fosfa a.s.» كومپانياسىنىڭ باسشىسىن قابىلدادى. ەكى جاقتى مۇددەلى اڭگىمەدە «قازفوسفات» جشس مەن چەح كومپانياسى اراسىندا گەكسامەتافوسفات جانە فوسفورلىق تۇزدار شىعاراتىن ءوندىرىستى ىسكە قوسۋ تۋرالى قۇجاتقا قول قويىلدى. گەكسامەتافوسفات, نەگىزىنەن, تاماق, تسەلليۋلوزا, قۇرىلىس ماتەريالدارى جانە تۇرمىستىق حيميا ونەركاسىبىندە قولدانىلادى. جاڭا جوبا جەلتوقسان ايىندا جۇمىسىن باستاماقشى.
كوسەمالى ساتتىباي ۇلى. جامبىل وبلىسى.
سۋارمالى جەرلەر كءوبەيەتىن بولدى. ايماقتى ازىق-ت ۇلىكپەن جەتكىلىكتى قامتاماسىز ەتۋ – بۇگىنگى كۇننىڭ وزەكتى ماسەلەسى. وبلىستىق اكىمدىكتە وسى تاقىرىپقا بايلانىستى اۋىل شارۋاشىلىعى باسقارماسىنىڭ باستىعى قاناتبەك وسپانبەكوۆتىڭ ەسەبى تىڭدالدى. كوكونىس, باۋ-باقشا ونىمدەرىن وزگەلەرگە قاراعاندا كوپ وندىرەتىن وڭتۇستىكتىڭ داقىلدارى وزگە وبلىستارعا كوپ ساۋدالاناتىندىقتان, كۇزگە سالىم ءوزىن قامتۋعا جەتپەي قالادى ەكەن. سوندىقتان قوسىمشا 375,4 گەكتارعا كارتوپ, 143 گەكتارعا ءسابىز ەگۋگە تاپسىرما بەرىلدى. وبلىس اكىمى اسقار مىرزاحمەتوۆ سۋارمالى جەر كولەمىن 1 ملن. گەكتارعا ۇلعايتۋ ماسەلەسىن كوتەردى.
باقتيار تايجان. وڭتۇستىك قازاقستان وبلىسى.
سەناتور قۇرمەتتى پروفەسسور اتاندى. وزىندىك فيلوسوفيالىق ويلارىمەن, زەرتتەۋلەرىمەن كەڭىنەن تانىلعان اكادەميك, پارلامەنت سەناتىنىڭ دەپۋتاتى عاريفوللا ەسىمدى اتىراۋلىقتار قۇرمەت تۇتادى. ول وتكەن اپتادا ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ وقىتۋشى-پروفەسسورلارىمەن, ستۋدەنتتەرىمەن كەزدەستى. «قازاق ەلىنىڭ باستى قۇندىلىقتارىنىڭ ءبىرى –تاۋەلسىزدىك. ونى ماڭگىلىك ەتۋ – ءبارىمىزدىڭ مىندەتىمىز» دەگەن سەناتور «قازاق ەلى –2030» تاقىرىبى اياسىندا لەكتسيا وقىدى. اكادەميك-فيلوسوف وقىتۋشىلار مەن ستۋدەنتتەردى تولعاندىرعان ساۋالدارعا جاۋاپ قايتاردى. ۋنيۆەرسيتەت رەكتورى التاي قازماعانبەتوۆ عاريفوللا ەسىمگە «قۇرمەتتى پروفەسسور» اتاعى بەرىلگەنىن جاريالاپ, ءتيىستى كۋالىكتى تابىستادى.
جولداسبەك شوپەعۇل. اتىراۋ وبلىسى.
