قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №130

2011 جىلعى 11 ناۋرىز              №130               استانا قالاسى جولاۋشى پوەزدارىنىڭ قۇرامىنداعى جىلجىمالى قۇرامدى تىركەۋ جانە ونىڭ باعىتپەن ءجۇرۋ قاعيداسىن بەكىتۋ تۋرالى «تەمىر جول كولىگى تۋرالى» قازاقستان رەسپۋبليكاسى 2001 جىلعى 8 جەلتوقسانداعى زاڭىنىڭ 14-بابى 2-تارماعىنىڭ 33) تارماقشاسىنا سايكەس بۇيىرامىن: 1. قوسا بەرىلىپ وتىرعان جولاۋشى پوەزدارىنىڭ قۇرامىنداعى جىلجىمالى قۇرامدى تىركەۋ جانە ونىڭ باعىتپەن ءجۇرۋ قاعيداسى بەكىتىلسىن. 2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك جانە جول قاتىناسى كوميتەتى (ن.ي.قيلىباي) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جاۋاپتى حاتشىسى ج.م. قاسىمبەككە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى. مينيستر ءا.قۇسايىنوۆ. قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 11 ناۋرىزداعى 130 بۇيرىعىمەن بەكىتىلگەن جولاۋشى پوەزدارىنىڭ قۇرامىنداعى جىلجىمالى قۇرامدى تىركەۋ جانە ونىڭ باعىتپەن ءجۇرۋ قاعيداسى 1. وسى جولاۋشى پوەزدارىنىڭ قۇرامىنداعى جىلجىمالى قۇرامدى تىركەۋ جانە ونىڭ باعىت­پەن ءجۇرۋ قاعيداسى (بۇدان ءارى – قاعيدا) «تەمىر جول كولىگى تۋرالى» قازاقستان رەسپۋب­ليكاسىنىڭ 2011 جىلعى 8 جەلتوقسانداعى زاڭىنا سايكەس ازىرلەنگەن جانە جىلجىمالى قۇرامدى تىركەۋ جانە ونىڭ جولاۋشىلار پوەزىنىڭ قۇرا­مىندا ءجۇرۋ ءتارتىبىن جانە شارتتارىن انىقتايدى. 2. حالىقارالىق جانە رەسپۋبليكاىشىلىك قاتى­ناستاردا جولاۋشىلار پوەزدارىنا قىزمەتتىك-تەحنيكالىق باعىتتاعى تۇتاس مەتالدى ەمەس ۆاگونداردى تىركەۋگە رۇقسات ەتىلەدى. جالعا الىنعان ۆاگون-مەيرامحانالار جانە قىزمەتتىك-تەحنيكالىق ۆاگونداردى تىركەۋى جانە باعىتپەن ءجۇرۋى كەلىسىم نەگىزىندە ىسكە اسى­رىلادى. 3. تاسىمالداۋشى ءوز پوەزىنىڭ قۇرامىن­داعى قىزمەتتىك-تەحنيكالىق جانە ۆاگون-مەيرامحانالار ۆاگوندارىنىڭ باعىتپەن ءجۇرۋىن قامتاماسىز ەتەدى. 4. ۆاگون-مەيرامحانالار ۆاگوندارىن تىركەۋ ءۇشىن جولاۋشى پوەزدارى كەلەسى شارتتارعا سايكەس بولۋى قاجەت: «فيرمالىق» ساناتىنىڭ بولۋى; وبلىسارالىق نەمەسە حالىقارالىق قاتىناس­تار كەزىندە ءبىر باعىتتا جيىرما جانە ودان كوپ ساعات جولدا جانە ولاردىڭ سحەماسىندا تورتتەن كەم ەمەس كۋپەلى ۆاگوندار جۇرەتىن بولعاندا; استانانى رەسپۋبليكالىق ماڭىزدى قالامەن قوسقاندا. جولاۋشىلار پوەزدارىنىڭ قۇرامىنا قىز­مەت­تىك-تەحنيكالىق ۆاگونداردى تىركەۋ شارتىن تاسىمالداۋشى نەمەسە ماگيسترالدىق تەمىر جول جەلىسى وپەراتورى انىقتايدى. 5. زاڭدى جانە جەكە تۇلعالاردىڭ مەنشىگىندەگى جولاۋشى ۆاگوندارىن تىركەۋ تاسىمالداۋشىعا ۆاگونداردىڭ جۇرىسىنە تولەم تۋرالى قۇجات­تاردىڭ بولۋى جانە ۆاگوننىڭ تىركەلۋىن جانە وعان ءتيىستى نومەردىڭ تاعايىندالۋىن راستايتىن قۇجاتتى كورسەتۋ كەزىندە, جانە وسى قاعيداعا قوسىمشاعا سايكەس نىسان بويىنشا لۋ-46 نى­سان­داعى جەكە ۆاگونداردى پايدالانۋ قۇقىعىنا كۋالىگىنىڭ بولۋى كەزىندە ىسكە اسىرىلادى. 6. جولاۋشىلار پوەزدارىنا تىركەۋگە تىيىم سالىنادى: 1) قاۋىپتى جۇكتەرى بار ۆاگونداردى; 2) كەزەڭدىك جوندەۋ مەرزىمى وتكەن نەمەسە ءبىر­ىڭعاي تەحنيكالىق تەكسەرۋ مەرزىمى وتكەن ۆاگونداردى; 3) لۋ-46 نىسانداعى جەكەلەگەن ۆاگونداردى پايدالانۋ قۇقىعىنا رۇقساتى بار كۋالىگى جوق قىزمەتتىك جانە قىزمەتتىك-تەحنيكالىق ۆاگوندار. 7. جولاۋشى پوەزدارىنا (جەدەل جانە جۇردەك پوەزداردان باسقا) ۇلتتىق تەمىر جول كومپانيا­سىنىڭ رۇقساتىمەن مىناداي جۇك ۆاگوندارى تىركەلەدى: 1) ءتورت بىلىكتى جابىق; 2) ءسۇت تاسۋعا ارنالعان تسيستەرنالار; 3) اۆتونومدى رەفريجەراتورلى; 4) ءتىرى بالىقتى تاسىمالداۋعا ارنالعان. بۇل رەتتە حالىقارالىق قاتىناستاعى جولاۋ­شى پوەزدارىنا بىرەۋدەن كەم ەمەس جۇك ۆاگونىن نەمەسە ءتىرى بالىقتى تاسىمالداۋعا ارنالعان ەكى ۆاگوندى سەكتسيانى, وبلىسارالىق جانە قالا ماڭى قاتىناسىنداعى پوەزعا ۇشەۋدەن كەم ەمەس ۆاگون­داردى تىركەۋگە جول بەرىلەدى. 8. باسقا قۇرىلىمداعى جانە تۇردەگى جىل­جىمالى قۇرام ەنگىزىلگەن جولاۋشىلار پوەزدا­رىنىڭ قوزعالىس جىلدامدىعى سول جىلجىمالى قۇرام ءۇشىن بەلگىلەنگەن جىلدامدىقتان اسپاۋى ءتيىس. جولاۋشى پوەزدارىنىڭ قۇرامىنداعى جىل­جىمالى قۇرامدى تىركەۋ جانە ونىڭ باعىتپەن ءجۇرۋ قاعيداسىنا قوسىمشا لۋ-46 نىسانى «قازاقستان تەمىر جولى» ۇك» اق جەكە ۆاگونداردى پايدالانۋ قۇقىعىنا №_______كۋالىك ۆاگوننىڭ №___________________وستەرى ا) كىمگە ۇسىنىلدى: __________________ ___________________________________ ___________________________________ ب) قانداي مەرزىمگە _____________باستاپ: ____________________________________ __________دەيىن_____ قوسا العاندا_____ ۆ) قاتىناۋ اۋدانى نەمەسە باعىتى: ____________________________________ ____________________________________ گ) ۇسىنۋ شارتتارى: ____________________________________ ____________________________________ د) ۆاگوننىڭ تىركەۋ ستانتسياسى: ____________________________________ ____________________________________ ۆيتسە-پرەزيدەنتى ____________ ___________ _____________ ت.ا.ءا. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 11 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6881 بولىپ ەنگىزىلدى.