قازاقستان رەسپۋبليكاسى ۇكىمەتىنىڭ قاۋلىسى №387

2011 جىلعى 7 ءساۋىر               №387           استانا, ۇكىمەت ءۇيى كەدەندىك باجداردى تولەۋدى كەيىنگە قالدىرۋدى نەمەسە ءبولىپ تولەۋدى ۇسىنۋ تۋرالى شەشىم قابىلداۋ ءۇشىن قاجەتتى قۇجاتتاردىڭ تىزبەسىن بەكىتۋ تۋرالى «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 135-بابىنىڭ 1-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كەدەندىك باجداردى تولەۋدى كەيىنگە قالدىرۋدى نەمەسە ءبولىپ تولەۋدى ۇسىنۋ تۋرالى شەشىم قابىلداۋ ءۇشىن قاجەتتى قۇجاتتاردىڭ تىزبەسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى     ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 7ساۋىردەگى № 387 قاۋلىسىمەن بەكىتىلگەن كەدەندىك باجداردى تولەۋدى كەيىنگە قالدىرۋدى نەمەسە ءبولىپ تولەۋدى ۇسىنۋ تۋرالى شەشىم قابىلداۋ ءۇشىن قاجەتتى قۇجاتتاردىڭ تىزبەسى كەدەندىك باجداردى تولەۋدى كەيىنگە قال­دىرۋدى نەمەسە ءبولىپ تولەۋدى ۇسىنۋ ءۇشىن قاجەتتى جانە 2010 جىلعى 21 مامىرداعى كەدەندىك باج­داردى تولەۋ مەرزىمدەرىن وزگەرتۋ نەگىزدەمەلەرى, شارتتارى جانە ءتارتىبى تۋرالى كەلىسىمدە ايقىندالعان نەگىزدەردىڭ بولۋىن راستايتىن قۇجاتتاردىڭ تىزبەسى: 1. تولەۋشىگە دۇلەي ءزىلزالا, تەحنولوگيالىق اپات نەمەسە ەڭسەرىلمەيتىن كۇشتىڭ وزگە ءمان-جايلارى ناتيجەسىندە زالال كەلتىرىلگەن كەزدە – قازاقستان رەسپۋبليكاسى توتەنشە جاعدايلار مينيسترلىگى اۋماقتىق بولىمشەسىنىڭ بولعان دۇلەي ءزىلزالا, تەحنولوگيالىق اپات نەمەسە ەڭسەرىل­مەيتىن كۇشتىڭ وزگە ءمان-جايلارى تۋرالى جازباشا راستاۋى; 2. تولەۋشىگە كەدەندىك باجدى رەسپۋبليكالىق بيۋدجەتتەن قارجىلاندىرۋ نەمەسە تىركەلگەن ازاماتتىق-قۇقىقتىق مامىلە شەڭبەرىندە ورىن­دال­عان جۇمىس كولەمى (كورسەتىلگەن قىزمەت­تەر, جەتكىزىلگەن تاۋارلار) ءۇشىن تولەم كىدىرتىلگەن كەزدە – رەسپۋبليكالىق بيۋدجەتتەن قارجىلاندىرۋ نەمەسە ورىندالعان جۇمىس كولەمى (كورسەتىلگەن قىزمەتتەر, جەتكىزىلگەن تاۋارلار) ءۇشىن تولەمدى كىدىرتۋ تۋرالى رەسپۋبليكالىق بيۋدجەتتىك باع­دار­لامالاردىڭ ءتيىستى اكىمشىسىنىڭ جازباشا راستاۋى; 3. كەدەن وداعىنىڭ كەدەندىك اۋماعىنا تەز ب ۇلىنەتىن تاۋارلاردى اكەلگەن كەزدە – قازاقستان رەسپۋبليكاسى دەنساۋلىق ساقتاۋ مينيسترلىگى بەكىتكەن تەز ب ۇلىنەتىن تاۋارلاردىڭ تىزبەسى; 4. قازاقستان رەسپۋبليكاسىنىڭ حالىقارالىق شارتتارى شەڭبەرىندە تاۋارلاردى جەتكىزۋدى ءجۇ­زەگە اسىرۋ كەزىندە – قازاقستان رەسپۋبليكا­سىنىڭ ءتيىستى كۇشىنە ەنگەن حالىقارالىق شارت­تارىنىڭ كوشىرمەلەرى; 5. كەدەن وداعىنىڭ كەدەندىك اۋماعىنا كەدەن وداعىنىڭ كوميسسياسى بەكىتكەن, كەدەندىك باج­داردى تولەۋدى كەيىنگە قالدىرۋ نەمەسە ءبولىپ تولەۋ ۇسىنىلۋى مۇمكىن, اكەلىنەتىن شەتەلدىك اۋە كەمەلەرىنىڭ جانە ولارعا قۇراۋىشتاردىڭ جەكەلەگەن تۇرلەرىنىڭ تىزبەسىنە ەنگىزىلگەن تاۋارلار اكەلىنگەن كەزدە - قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اكەلىنەتىن شەتەلدىك اۋە كەمەلەرىن جانە ولارعا قۇراۋىش­تاردى اۆيارەيستەرگە قىزمەت كورسەتكەن كەزدە عانا قازاقستان رەسپۋبليكاسىنىڭ اۆياكومپا­نيالارى پايدالانىلعاندىعى تۋرالى جازباشا راستاۋى; 6. كەدەن وداعىنىڭ كەدەندىك اۋماعىنا اۋىل شارۋاشىلىعى قىزمەتىن نە كورسەتىلگەن ۇيىمدار ءۇشىن وتىرعىزاتىن نەمەسە سەبەتىن ماتەريال­داردى, وسىمدىكتەردى قورعاۋ زاتتارىن, كەدەن وداعى سىرتقى ەكونوميكالىق قىزمەتىنىڭ بىرىڭعاي تاۋار نومەنكلاتۋراسىنىڭ 8424 81, 8433 51, 8433 59 سۋبپوزيتسياسىنىڭ اۋىل شارۋا­شىلىعى تەحنيكاسىن جەتكىزۋدى جۇزەگە اسىراتىن ءۇيىمدار مىسىقتاردى, يتتەر مەن ساندىك قۇستاردى قوسپاعاندا, جانۋارلاردى ازىقتاندىرۋ ءۇشىن تاۋارلاردى اكەلگەن كەزدە – مۇنداي تاۋار­لاردى اكەلەتىن نەمەسە ول ءۇشىن مۇنداي تاۋار­لاردى جەتكىزەتىن ۇيىمنىڭ اۋىل شارۋاشىلىعى قىزمەتىن جۇزەگە اسىرۋىن راستايتىن قۇجاتتارى; 7. تاۋارلاردى, ونىڭ ىشىندە شيكىزاتتى, ماتە­ريالداردى, تەحنولوگيالىق جابدىقتى, ولاردى ونەر­كاسىپتىك قايتا وڭدەۋدە پايدالانۋ ءۇشىن قۇ­راۋىشتار مەن ونىڭ قوسالقى بولشەك­تەرىن اكەلگەن كەزدە: اكەلىنەتىن شيكىزاتتىڭ, ماتەريالداردىڭ, تەحنو­لوگيالىق جابدىقتىڭ, ولاردى ونەركاسىپتىك قايتا وڭدەۋدە پايدالانۋ ءۇشىن قۇراۋىشتار مەن ونىڭ قوسالقى بولشەكتەرىن جەتكىزۋ تۋرالى سىرتقى ساۋدا شارتى (كەلىسىمشارت, كەلىسىم); اكەلىنەتىن تاۋارلاردى شيكىزات, ماتەريالدار, تەح­نولوگيالىق جابدىق, قۇراۋىشتار جانە ونىڭ قوسالقى بولشەكتەرى رەتىندە پايدالانا وتىرىپ ءوندىرۋدىڭ تەحنولوگيالىق سحەماسى ء(وندىرىستىڭ فراگمەنتى); ەگەر شيكىزات, ماتەريالدار, تەحنولوگيالىق جاب­دىق, قۇراۋىشتار مەن ولاردىڭ قوسالقى بولشەكتەرى قازاقستان رەسپۋبليكاسىنىڭ ليتسەنزيالاۋ تۋرالى زاڭناماسىنا سايكەس قىزمەتتىڭ ليتسەنزيالاناتىن تۇرىنە جاتاتىن وندىرىستىك قايتا وڭدەۋ ءۇشىن اكەلىنەتىن بولسا, اكەلىنەتىن تاۋارلاردى قايتا وڭدەۋ قۇقىعىنا ليتسەنزيانىڭ نوتاريالدى كۋالاندىرىلعان كوشىرمەسى.