كاددافي تاعدىرىن ليۆيالىقتار شەشەدى

مۋامار كاددافيدىڭ بيلىكتە قالۋ-قالماۋىن اقش پرەزيدەنتى ەمەس, تەك ليۆيا حالقى عانا شەشۋگە قۇقىلى, دەپ مالىمدەدى تريپوليدە ليۆيا ۇكىمەتىنىڭ رەسمي وكىلى مۋسا يبراگيم. يبراگيم امەريكا پرەزيدەنتىنىڭ 19 مامىرداعى اقش مەملەكەتتىك دەپارتامەنتىندە سويلەگەن سوزىنە وسىلايشا جاۋاپ قايتاردى. ليۆيا ۇكىمەتى وكىلىنىڭ ايتۋىنشا, پرەزيدەنت وباما ونىڭ ءوز ۇكىمەتى مەن بۇقارالىق اقپارات قۇرالدارىنىڭ بۇكىل الەمگە تاراتقان جالعان اقپاراتىنا سەنىپ, ءوزىنىڭ قاتە تۇسىنىكتەرىن ءالى كۇنگە دەيىن وزگەرتە الماي كەلەدى. كەپىلدىك سوماسى – 1 ميلليون دوللار مانحەتتەننىڭ قىلمىستىق سوتى حا­لىقارالىق ۆاليۋتا قورىنىڭ بۇرىنعى ديرەكتورى دومينيك ستروسس-كاندى 1 ميلليون دوللار كەپىلدىكپەن تۇرمەدەن شىعارۋعا كەلىسىم بەردى. ول بۇدان بىلاي ۇنەمى سوت ورىنداۋ­شى­لارىنىڭ باقىلاۋىندا بولادى. الەمدەگى ەڭ ىقپالدى قارجى ۇيىمدارىنىڭ ءبىرىنىڭ بۇرىنعى دي­رەكتورىنان نيۋ-يورك قالاسىنان كەتپەۋ جونىندە قولحات الىن­دى. سونىمەن بىرگە ستروسس-كاننىڭ بۇكىل قۇجاتتارىن سىپىرىپ الىپ, اياعىنا ارنايى ەلەكتروندى بىلەزىك كيگىزگەن. ول ونىڭ قايدا جۇرگەنىن كەز كەلگەن ۋاقىتتا كورسەتىپ تۇراتىن بولادى. تۇركياداعى جەر سىلكىنىسى تۇركيادا بولعان 5,7 باللدىق جەر سىلكىنىسى سالدارىنان زارداپ شەككەندەر سانى 120 ادامنان اسىپ, سونىڭ ىشىندە 4 ادام قازا تاپقان. جەراستى دۇمپۋلەرى جەرگىلىكتى ۋاقىت بويىنشا 23.15 مينوتتە ءتىر­كەلگەن. ونىڭ وشاعى كيۋتاحيا پروۆينتسياسىنىڭ سيماۆ ۋەزىندە بول­عان كورىنەدى. جەراستى دۇمپۋلەرى تۇركيانىڭ باتىسى مەن ورتا­لى­عىنداعى بىرقاتار اۋدانداردا, سونىمەن بىرگە ىستامبۇلدا دا سەزىلگەن. كۋاگەرلەردىڭ ايتۋىنشا, ءزىلزالانىڭ قاتتى بولعانى سونداي, العاشقى ساتتەردە ادامدار ورىندارىنان قوزعالا دا الماي قالىپتى. اقش اقشا تولەۋدەن باس تارتتى اقش ۇكىمەتى «ءال-كايدا» كوسەمى ۋساما بەن لادەندى ۇستاعاندارعا تولەنۋگە ءتيىس 25 مىڭ دوللار سىياقىنىڭ ەشكىمگە بەرىلمەيتىندىگىن حابارلاعان. ولار ونى بەن لادەننىڭ مالىمەت بەرۋشىلەردىڭ حابارلاۋى بويىنشا ەمەس, ينتەرنەت ارقىلى باقىلاۋ ناتيجەسىندە قولعا تۇسكەنىمەن تۇسىندىرۋدە. شىنىمەن دە, بەن لادەننىڭ قايدا ەكەندىگى ونىڭ جاقىن كومەكشىلەرىنىڭ ءبىرىنىڭ ينتەرنەتتە جىبەرگەن قاتەلىگىنىڭ سالدارىنان اشىلىپ قالعان. سول سەبەپتى دە اقش ۇكىمەتى ءوز ۋادەسىنەن اينىپ كەتىپ وتىر. ميرونوۆتىڭ پىكىرى ءىشىنارا راستالدى سەرگەي ميرونوۆتى فەدەراتسيا كەڭەسىنەن كەرى شاقىرىپ الۋ جونىندەگى «ەدي­نايا روسسيا» پارتياسىنىڭ باستا­ماس­ىنا بار بولعانى 20 پايىز رەسەيلىكتەر عانا قولداۋ كورسەتكەن. ال ەگەر فەدەراتسيا كەڭەسىنىڭ بۇرىنعى سپيكەرىنىڭ سانكت-پەتەربۋرگ رەسەيدەگى ەڭ كوررۋپتسيالى قالا دەگەن سوزىنە كەلسەك, ول ءىشىنارا راستالىپ وتىر. «قوعامدىق پىكىر» قورى جۇرگىزگەن ساۋالداما بويىنشا سانكت-پەتەربۋرگ كوررۋپتسيالى قالالار ىشىندە كامچاتكامەن جانە سولتۇستىك وسەتيامەن بىرلەسىپ 2-4 ورىنداردى بولىسكەن. ال سانكت-پەتەربۋرگتە كوررۋپتسيانىڭ بار ەكەندىگىن باسقا دا بىرقاتار ساياساتكەرلەر دە مويىنداپ وتىر. ءازىربايجان «ەۆروۆيدەنيە-2012»-گە دايىندالۋدا ءازىربايجان پرەزيدەنتى يلحام اليەۆ ءوز جارلىعىمەن «ەۆروۆيدەنيە» ءان بايقاۋىن كەڭ اۋقىمدا وتكىزۋگە دايىندىق جونىنەن ۇيىمداستىرۋ كوميتەتىن قۇردى, دەپ حابارلادى مەملەكەت باسشىسىنىڭ ءباسپاسوز قىزمەتى. ديۋسسەلدورف قالاسىندا 15 مامىردا اياقتالعان «ەۆروۆيدەنيە» ءان بايقاۋىندا ازىربايجاندىق دۋەت ەللا مەن نيكيدىڭ جەڭىسكە جەتكەنى بەلگىلى. وسى بايقاۋعا 2008 جىلدان بەرى تۇراقتى قاتىسىپ كەلە جاتقان ءازىربايجان بيىل 221 بالل جيناپ, العاش رەت جەڭىمپاز اتانىپ وتىر. «ەۆروۆيدەنيە» ەرەجەسىنە سايكەس كەلەسى بايقاۋ جەڭىمپاز ەلدە, ياعني ءازىربايجاندا وتەتىن بولادى. لەيدەرمان رەسەيدەن نەلىكتەن قۋىلدى؟ ءيزرايلدىڭ اسكەري اتتاشەسى ۆاديم لەيدەرماندى جەكە كومپانيانىڭ مۇددەسىن قورعاۋعا تالپىنىس جاساعانى ءۇشىن رەسەيدەن شىعارىپ جىبەردى, دەپ جازادى «ۆەدوموستي» گازەتى. رەسەي اسكەري ونەركاسىبىنەن تاراعان اقپارات بويىنشا لەيدەرمەن Elbit اتتى جەكە فيرمانىڭ ۇشقىشسىز ۇشاتىن اسكەري ۇشاقتارىن رەسەي رىنوگىنا شىعارۋعا تالپىنىس جاساعان. سونىمەن بىرگە قازىرگى ۋاقىتتا ورال ازاماتتىق اۆياتسيا زاۋىتىندا ءىاى مەملەكەتتىك كومپانياسىنىڭ ليتسەنزياسى بويىنشا ۇشۋ اپپاراتىنىڭ قۇراستىرىلىپ جاتقانى بەلگىلى بولىپ وتىر. يزرايل قورعانىس مينيسترلىگى لەيدەرماندى رەسەيدەن ەش سەبەپسىز شىعاردى دەپ ەسەپتەيدى. ءازىل ءتۇبى – ءزىل دانيالىق رەجيسسەر جانە ستسەناريست لارس فون تريەر كانن كينوفەستيۆالىنىڭ ءوزىن «نون گرات پەرسوناسى» دەپ مالىمدەگەنىنە تاڭ قالعانىن, سونىمەن بىرگە فەستيۆالدىڭ بۇكىل تاريحىندا مۇنداي وقيعانىڭ ەشقاشان بولماۋى سەبەپتى ءوز مارتەبەسىن ماقتان تۇتاتىنىن حابارلاعان. ول بۇل جانجالدىڭ وزىنە شىعارماشىلىق سەر­پىلىس بەرىپ, ونىڭ جۇمىستارىن بۇرىنعىدان دا گورى رەۆول­يۋ­تسياشىل ەتۋى مۇمكىن ەكەنىن اتاپ كورسەتكەن. ايتا كەتۋ كەرەك, جانجال رەجيسسەردىڭ گيتلەرگە بۇيرەگىم بۇرادى جانە «ازداپ ناتسيست» بولىپ تابىلامىن دەگەن «ازىلىنەن» كەيىن تۋىنداعان بولاتىن. سولتۇستىككورەيالىق زىمىرانداردان قاتەر جوق رەسەي باس شتابى سولتۇستىك كورەيانىڭ زىمىران باع­دارلاماسىنان تۋىندايتىن شىنايى قاتەردى كورىپ وتىرعان جوق, دەپ مالىمدەگەن رف قارۋلى كۇشتەرى باس شتابى باس باسقارماسى باستىعىنىڭ ورىنباسارى ۆ.كوندراشوۆ. باس شتابتىڭ مالىمەتى بويىنشا, سولتۇستىك كورەيانىڭ زىمىران باعدارلاماسى ەلەۋلى قاۋىپ تۋعىزا المايدى. ويتكەنى, «تەپحودون» زىمىرانىندا ءۇشىنشى ساتى مەن يادرولىق وقتۇمسىق جوق. ال ولاردى تەحنيكالىق تۇرعىدا جۇزەگە اسىرۋ سولتۇستىك كورەيانىڭ قولىنان كەلمەيدى, دەپ حابارلاعان كوندراشوۆ ەۋروپالىق زىمىرانعا قارسى قورعانىس ماسەلەسىنە وراي وتكىزىلگەن ءباسپاسوز ءماسليحاتىندا. ينتەرنەت ماتەريالدارى نەگىزىندە ازىرلەندى.