• 21 مامىر, 2011

قايتا قاراۋدىڭ قاجەتى جوق

336 رەت

كورسەتىلدى

1 مين

وقۋ ءۇشىن

Egemen Qazaqstan

قازاقستاندىق پارلامەنتشىلەر نيۋرنبەرگ پروتسەسىنىڭ 65 جىلدىعىنا ارنالعان حالىقارالىق كونفەرەنتسياعا قاتىستى. سانكت-پەتەربۋرگتە بولعان شارادا سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى قۋانىش سۇلتانوۆ ءسوز سويلەدى. ادامزاتقا قارسى جاسالعان فاشيزم يدەولوگياسىن ايىپتاۋدا نيۋرنبەرگ پروتسەسىنىڭ تاريحي ماڭىزىن اتاپ وتە كەلىپ, سەناتور ەكىنشى دۇنيەجۇزىلىك سوعىستىڭ قورىتىندىلارىن قايتا قاراۋعا تالپىنىستاردىڭ قاجەتسىزدىگىن اتاپ ءوتتى. ق.سۇلتانوۆ اتاپ وتكەندەي, ۇلى وتان سوعىسىندا ميلليوننان استام قازاقستاندىقتار جاۋعا قارسى جانقيارلىقپەن سوعىستى. قازاقستاندا جاساقتالعان اسكەري قۇرامالار ءماسكەۋدى, لەنينگرادتى, برەست قامالىن قورعاۋعا, كۋرسك دوعاسىنا, حاركوۆ باعىتىنداعى جانە باسقا دا مايداندارداعى شايقاستارعا قاتىستى. سانكت-پەتەربۋرگ پەن بەرليندە كەڭەس وداعىنىڭ باتىرلارى س.بايماعامبەتوۆ, ءا.مولداعۇلوۆا, قازاقستاننىڭ حالىق قاھارمانى ر.قوشقارباەۆ ەسىمدەرى بەرىلگەن كوشەلەر بار. سوندىقتان ۇلتشىلدىق پەن نەوفاشيزمگە قارسى تۇرۋعا ىقپال ەتەتىن جاڭا قۇقىقتىق تەتىكتەر قالىپتاستىرۋ قاجەت.