نوتارياتتىق قىزمەت جەتىلدىرىلەدى

قازاقستان رەسپۋبليكاسى پارلامەنتى ءماجىلىسىنىڭ زاڭناما جانە سوت-قۇقىقتىق كوميتەتىنىڭ ۇيىمداستىرۋىمەن «نوتاريات تۋرالى» قازاقستان رەسپۋبليكاسى زاڭىنا  وزگەرىستەر مەن تولىقتىرۋلار ەنگىزۋ تۋرالى زاڭ جوباسى بويىنشا دوڭگەلەك ۇستەل وتكىزىلدى. دوڭگەلەك ۇستەلدى زاڭ جو­با­سى بويىنشا  جۇمىس توبىنىڭ جەتەكشىسى, دەپۋتات زاعيپا باليەۆا جۇرگىزىپ وتىردى. اتالعان زاڭ جوباسى جونىندە ادىلەت ءمينيسترىنىڭ ورىنباسارى ءامىر­حان امانباەۆ بايانداما جاسا­دى. جيىنعا رەسەيدەن فەدەرال­دىق نوتاريالدىق پالاتاسى باس­قارماسىنىڭ مۇشەسى, سامارا وب­لىستىق نوتاريالدىق پالاتا­سى­نىڭ پرەزيدەنتى گ.نيكولاەۆا قاتىسىپ, ءوز تاجىريبەلەرىمەن ءبولىستى. بۇگىنگى كۇنى پايدالانىپ جۇرگەن «نوتاريات تۋرالى» قر زاڭى 1997 جىلى قابىلدانعان. سودان بەرگى قوعامدىق وزگەرىس­تەر­گە بايلانىستى قولدانىس­تا­عى ەرەجەلەردى قايتا قاراۋ قا­جەتتىگى تۋىنداپ وتىر. بىرنەشە جىل بويى زاڭعا قولدانىلۋى مەن ىسكە اسىرىلۋى اتالعان قۇ­قىق ينستيتۋتىن قالىپتاستىرۋ­دا جانە دامىتۋدا ماڭىزدى بول­عان وزگەرىستەر مەن تولىق­تىرۋلار ەنگىزىلگەن. ەۋروپا ەلدەرىندە نوتاريۋستىق قىزمەتتىڭ 500 جىلدىق تاريحى بار. ءبىزدىڭ نوتاريۋستار لاتىن جۇيەسىمەن جۇمىس ىستەيدى. ادىلەت مينيسترلىگى ۇسىنىپ وتىرعان زاڭ جوباسى نوتاريۋسقا ليتسەنزيا الۋعا ۇمىتكەر ادام­دار­دى اتتەستاتتاۋ, ۇمىتكەرلەر اراسىندا كونكۋرستار جۇرگىزۋ كە­زىندە سىبايلاس جەمقورلىق فاكتورلارىن جويۋعا, ولاردىڭ قىزمەتىنىڭ اۋماقتارىن انىق­تاۋ­عا مۇمكىندىك بەرەدى. مەملەكەتتىك نوتاريۋستاردىڭ ءرولىن كۇ­شەيتەدى. حالىققا كورسەتى­لە­تىن نوتارياتتىق قىزمەتتىڭ قۇ­نىن ازايتادى, جەكەشە نوتا­ريۋس­تارى جوق شالعاي اۋدانداردا مەملەكەتتىك نوتاريۋس قىزمە­تىمەن قامتاماسىز ەتەدى. نوتارياتتىق قىزمەتپەن اي­نا­لىسۋ قۇقىعىنا ۇمىتكەر ادامدار ادىلەت مينيسترلىگى جانىن­داعى اتتەستاتتاۋ كوميس­سيا­سىن­د­ا اتتەستاتسيادان وتەدى. اتتەستاتسيادان وتكەنىمەن ليتسەنزيا الىپ, ايماعىن ايقىنداي الماي جۇرگەندەر دە بارشىلىق ەكەنىن ايتىپ ءوتتى دوڭگەلەك ۇستەلگە قا­تىسۋشىلار. وسى زاڭ جوباسى­مەن جەكەشە نوتاريۋستار جوق شال­عاي اۋدانداردا قىزمەت كور­سەتەتىن مەملەكەتتىك نوتاريۋستار ينستيتۋتىن دا قالپىنا كەلتىرۋ ۇسىنىلادى. رەسپۋبليكادا 2018 نوتاريۋس بار, جالپى, 4642 مەملەكەتتىك ليتسەنزيا بەرىلگەن. سوڭعى ءۇش جىلدا رەسپۋبليكا سوت­تارى 538 نوتارياتتىق كۋا­لان­دىرعان كەلىسىمنىڭ كۇشىن جوي­دى. ۇسىنىلىپ وتىرعان زاڭ جوباسىن قابىلداۋ نوتارياتتى نەعۇرلىم ءتيىمدى دامىتۋعا جانە نوتا­رياتتىق قىزمەتپەن بايلا­نىس­تى سىبايلاس جەمقورلىق فاك­تور­لارىن بولدىرماۋعا ىقپال ەتەدى. دوڭگەلەك ۇستەلدە رەسپۋب­ليكالىق نوتارياتتىق پالاتا ءتورايىمى ا.ءجانابىلوۆا, قۇ­قىق­تىق زەرتتەۋ جانە تالداۋ ينس­تيتۋتى كونسۋلتاتيۆتىك كە­ڭە­سىنىڭ ءتورايىمى ك.مۇقاشەۆا, «Rectum esse» قۇقىقتىق ور­تالىعىنىڭ پرەزيدەنتى م.ءامى­روۆا, ت.ب. سوزگە شىعىپ, پىكىر الماستى. ساۋلە دوسجانوۆا, جۋرناليست.