ەكولوگيالىق تولەمدەر ءتيىمسىز پايدالانىلۋدا

كەشە سەنات توراعاسىنىڭ ورىنباسارى م.كوپەەۆتىڭ قاتىسۋىمەن «قورشاعان ورتاعا ەميسسيادان تۇسەتىن قاراجاتتى وڭىرلىك دەڭگەيدە ءتيىمدى پايدالانۋ ماسەلەلەرى جونىندەگى زاڭنامانى جەتىلدىرۋ» تاقىرىبىندا دوڭگەلەك ۇستەل بولىپ ءوتتى. ونىڭ جۇمىسىنا پالاتا دەپۋتاتتارىنان وزگە قورشاعان ورتانى قورعاۋ, ەكونوميكالىق دامۋ جانە ساۋدا, قارجى مينيسترلىكتەرى مەن سالىق كوميتەتىنىڭ, باس پروكۋراتۋرانىڭ, جەرگىلىكتى بيلىك پەن ۇكىمەتتىك ەمەس ۇيىمداردىڭ وكىلدەرى قاتىستى. اگرارلىق ماسەلەلەر جانە قور­شاعان ورتانى قورعاۋ كوميتەتىنىڭ ءتور­اعا­سى ب.جىلقىشيەۆ تالقىلاۋدى اشا كەلىپ,  قا­را­جاتتى تابيعاتتى پايدالانۋشىلاردىڭ پاي­دا­لانۋى, سونداي-اق قورشاعان ورتا ءۇشىن الى­ناتىن ەميسسيا تولەمدەرى جونىندەگى زاڭنا­ما­نى جەتىلدىرۋ ماڭىزدى ەكەنىن اتاپ ءوتتى.  شا­راعا قاتىسۋشىلار الدىندا ءسوز العان پالاتا توراعاسىنىڭ ورىنباسارى مۇحامبەت كوپەەۆ استانادا وتكەن IV ەكونوميكالىق فورۋمدا پرەزيدەنت ن.نازارباەۆتىڭ قورشاعان ورتانى قورعاۋعا جانە وتكىر ەكولوگيالىق ماسەلەلەردى شەشۋگە ەرەكشە نازار اۋدارعانىن, سوندىقتان دا يندۋستريالىق ساياساتتى جۇزەگە اسىرۋدا «جاسىل ەكونوميكانى» جانە سالىق سالۋدىڭ «ەكولوگيالىق» جۇيە قۇرالدارىن ەنگىزۋ» ەرەكشە ماڭىزعا يە ەكەنىن  ەرەكشە اتاپ ءوتتى. وسى سالاداعى زاڭنامانى جەتىلدىرۋگە سەنات زور كوڭىل ءبولىپ كەلە جاتقانىن اتاپ وتە كەلىپ, م.كوپەەۆ اۋانى لاستاعانى ءۇشىن الىناتىن قازىرگى تولەم جۇيەسى, قورشاعان ورتاعا ارنالعان ەميسسيا تولەمدەرىن جيناۋ ەكولوگيالىق وتكىر ماسەلەلەردى شەشۋدە ءتيىمسىز ەكەنىنە توقتالدى. قازىرگى كەزدە نەگىزىنەن كىرىس تۇسىرۋگە عانا باسا كوڭىل ءبولىنىپ وتىر, ال لاستانۋدى ازايتۋعا ىقپال ەتەتىن قۇرالدار تولىق كولەمدە پايدالانىلماي كەلەدى. مۇن­داي ارەكەت اۋانى لاستاعانى ءۇشىن تولەنەتىن تولەمدەر نەگىزىنەن سالىقتىق سيپاتقا يە بو­لۋ­عا اكەپ سوعادى, ال ەكولوگيالىق زياندى ءونىم ءۇشىن تولەنگەن تولەمدەر ءتيىمسىز پاي­دالانىلۋدا. قورشاعان ورتاعا ارنالعان ەميس­سيالىق تولەمدەر بيۋدجەت كودەكسىنە سايكەس, وبلىستاردىڭ, سونداي-اق الماتى جانە استانا قالالارىنىڭ بيۋدجەتتەرىنە تۇسەدى. بىراق, م.كوپەەۆتىڭ ايتۋىنشا, قورشاعان ورتانى قورعاۋ شارالارىن قارجىلاندىرۋ قۇجاتتا جەكە جولدا جازىلماعان جانە ەكولوگيالىق تولەمدەردەن تۇسەتىن كولەممەن بايلانىس­پاعان. تالقىلاۋ بارىسىندا قورشاعان ورتانى قورعاۋ ءمينيسترىنىڭ ورىنباسارى ر.بولتىرىكوۆ, سالىق كوميتەتى توراعاسىنىڭ ورىنباسارى ا.قىپشاقوۆ, ەكونوميكالىق دامۋ جانە ساۋدا مينيسترلىگىنىڭ جاۋاپتى حاتشىسى د.شاجە­نوۆا, اقتوبە جانە پاۆلودار وبلىستارى اكىم­دەرىنىڭ ورىنباسارلارى ر. كەمالوۆا مەن م.كو­بەنوۆ, «استانا كوممەرتسيالىق ەمەس ۇي­ىمدارىنىڭ فورۋمى» زاڭدى تۇلعالار ءبىر­لەس­تىگىنىڭ پرەزيدەنتى ب.احمەتجانوۆا جانە باس­قالار ءسوز سويلەپ, دەپۋتاتتاردىڭ ساۋالدارىنا جاۋاپ بەردى. اسقار تۇراپباي ۇلى.